فضايح من العيار التقيل كل الدفعات رش من طرف

اهلييييييييييييين
نحن معاك يا خالد اها واصل

ابنحل كتب:السلام عليكم
سنة 2002 اتكلنا علي الله وسافرنا الي كنانة (ارض الخير)
اهههها الله يطراكم بالخير انا سافرت ومعاي الاستاز علي الطيب عشان ننسق للرحلة العلمية للدفعة التانية تكنو (ناس مهند وبرعي ) وبعد اسبوع وصلت الدفعه لربك وبيتو كلهم مع اهل اختنا إلهام الله يديها العافية .
ومن اليوم التاني عينك ما تشوف الا النور .............................................
(ناس القريه 4.......ناس كمبو 4........وناس الماحي..... وصباحك يا بص ......وحاجات تانية عييييييييييييييييييك..)

هلا والله اي وريهم لكن اديني فرصه انزل ليك الموضوع ده بي تفاصيله اي عشان انا داير املك الشعب الحقائق والتفاصيل كلها
اما الماحي ده بالغت فيه, الماحي ود كنانة المتيم هلا هلا.

وللقصه بقيه .................

سلام للجميع
شكرا يامدير علي المرور
ابنحل حبابك يالعزيز تيرابك
اخبارك شنو
ابواسيل مرحبا بك بين اهلك البت الحلوا دي ما تجيب ليها انفلونزا ال..............

طبعاً انت يا مشرف الهنا قاعد فاضي وماعندك شغله عشان كده بتحمش في النيران لكن انا قلت ليك وليكم كلكم انا ما بتهبش انا هنا الناس بتتضاير واسالهم كلهم لو بقدروا علي والدليل في تهديدات قويه من ود ابراهيم عن اقواس وكده لكن ما شفنا حاجه وانا ماغايب انا منتظر الهجمه المرتده دي ذاتها بعدين برعي ده مرشوش مرشوش مافي كلام
وانت يا اوباما اتلملم احسن عشان طرف الكلام مايصلك وماتستغل سفر الحوري للخلاء
ولنا عوده قريبه مع برعي و....................

انت المقعدك في النت شنو..امشي شوف بتك يمكن تريح الشعب منك شويه ..الامل هسه في ابوسحر ..برعي دا رمينا طوبتو خلاص

Obama كتب:انت المقعدك في النت شنو..امشي شوف بتك يمكن تريح الشعب منك شويه ..الامل هسه في ابوسحر ..برعي دا رمينا طوبتو خلاص

انا قاعد ليل نهار قاعد وبحضر ليكم في موضوع برعي ود الحاج منفي قيد اللمسات الاخيره يعني شويه ونرش الناس دي كلها ابقوا جاهزين يا ناس هوي

سلام شباب ناسف للغيبه لكن اسيل وامها كانوا مياخدين معظم وقتنا وغاطسين وكده المهم طبعاً وصلني تهديد قوي من برعي ود منصور شاهد عيان علي ذلك بعدم السماح لي بمواصلة الكتابه وتمليك الشعب الحقائق كامله وانابعتذر عن الهجمه الشعواء علي برعي عشان في غياب المدير مع رزان وامها برعي الناهي الامر في المنتدي وانا بي صراحه بطالب بي حق اللجوء الفكري من المدير ووقف التهديدات بي حجب مجهوداتنا عن الجمهور وما خوف ولا امتثال لي تعليمات برعي لكن نصبر لحدي المدير يروق ويظهر علينا والي ذلك الحين نبقي مع موضوع جديد قنبلة الموسم بعنوان

خطير وبرضو عن ناس الثانيه نعمل شنو حبايبنا

هو هو هو هو هو هو هو هو هو هو هو هو هو

ها ها ها ها ها ها ها ها ها ها ها ها ها ها ها ها

قوية خخخخ قوية خخخخ قوية خخخخ قويــــــة

والله ياحاج مهند شكيت محنك .... مع اننا ما عارفين

الحاجات الكانت بتحصل عندكم زمان الا برضو متعتنا

وحات الخوة البيناتنا الماشفنا فيها بعض ضحكتنا......

tohamy كتب:هو هو هو هو هو هو هو هو هو هو هو هو هو

ها ها ها ها ها ها ها ها ها ها ها ها ها ها ها ها

قوية خخخخ قوية خخخخ قوية خخخخ قويــــــة

والله ياحاج مهند شكيت محنك .... مع اننا ما عارفين

الحاجات الكانت بتحصل عندكم زمان الا برضو متعتنا

وحات الخوة البيناتنا الماشفنا فيها بعض ضحكتنا......

بالمناسبه ياتهامي انا جيت المعرض عشان اشوفك لكن والله للاسف كنت غير موجود لكن معليش المره الجايه

mohanad yasin كتب:انا بي صراحه بطالب بي حق اللجوء الفكري من المدير ووقف التهديدات بي حجب مجهوداتنا عن الجمهور وما خوف ولا امتثال لي تعليمات برعي لكن نصبر لحدي المدير يروق ويظهر علينا والي ذلك الحين نبقي مع موضوع جديد قنبلة الموسم بعنوان

خطير وبرضو عن ناس الثانيه نعمل شنو حبايبنا

السلام عليكم
واصل يامهند , اساسا انا اول مره اعرف انك بتهرش من برعي , لكن جاييك الاخطر من برعي , عضو قديم في المنتدي غاب لظروف خاصه لفتره طويله , ح يرجع خلال اليومين الجايين , بعضمة لسانو قال لي : كان ماطيرت ليك مهند ده من المنتدي ابقي انا ما ( ..... ) , قال عندو بلاوي وماسك عليك محن !!!

بشير كمبال كتب:

mohanad yasin كتب:انا بي صراحه بطالب بي حق اللجوء الفكري من المدير ووقف التهديدات بي حجب مجهوداتنا عن الجمهور وما خوف ولا امتثال لي تعليمات برعي لكن نصبر لحدي المدير يروق ويظهر علينا والي ذلك الحين نبقي مع موضوع جديد قنبلة الموسم بعنوان

خطير وبرضو عن ناس الثانيه نعمل شنو حبايبنا

السلام عليكم
واصل يامهند , اساسا انا اول مره اعرف انك بتهرش من برعي , لكن جاييك الاخطر من برعي , عضو قديم في المنتدي غاب لظروف خاصه لفتره طويله , ح يرجع خلال اليومين الجايين , بعضمة لسانو قال لي : كان ماطيرت ليك مهند ده من المنتدي ابقي انا ما ( ..... ) , قال عندو بلاوي وماسك عليك محن !!!

افو افو انا الكلس برعي منو ده كمان انت يا مدير هوي روق في علبك وركز في بنتك الجديده دي وبطل تحمش النيران اناما بخاف من برعي ولا من زولك الاستدعيته من سباته العميق بالمناسبه اسأل عني معروف اني بتفعال بقوة في الازمات نرجسي يعني وكل ما ضاقت بيزيد التالق لكن الفتره المضت مالقيت لي اي واحد يقيف قدامي عشان كده كنت مبرطع في الساحه لما حسيت بالملل لكن كلامك ده جدد الروح القتاليه جواي واتحداك لو قدر يطفشني
انا قريب وافضي ليكم نهائي
وتاني الا تقوموا جارين انت وصحبك

بداء اليوم عادتاً كئباً لعدم وصول الشباب في ذاك الوقت المبكر الي الكليه وكانت الكليه جميله من الصباح وهيثم يطلق لصوت الاغاني العنان من الصباح.

دخلت مسرعاً خوفاً من تفويت المحاضره في طابق جيولوجيا وكانت مع دكتور مصطفي علي ما اذكر وهي رقم عشره وبالنسبه لي الاولي انا عندي مشكلة مع محاضرات 8 صباحاً منذ العام الاول.
جلست قرب الباب ومعي ننوشا وود منصور نترقب وصول الاستاذ فاذا بي ساره يوسف وساره عبد القادر وصفاء يقتربون منا تبادلنا تحية الصباح وتحدثن قليلاً عن المجتمعات في الكليه وفتحت خشمي وياريتني ما فتحته قبلوا علي انت تغيان وماشغال بينا نحن لينا سنه مع بعض وانت ما بتعرفنا حاولت لكن ماقدرت جاء السؤال طيب نحن مين انا اسمي منو؟ هنا طلعت قاعد ساكت انا اصلاً مفرد ناس جيولوجيا ناس تكنو ديل محاضرات وبس وقروب ناس لينه وامتثال وحفصه وعبير والشباب, قلت ادب شديده.
اعتذرت ليهم مبدياً اني لم اتعمد ذلك. ووعدتهم بتعديل الوضع قريباً هنا لمعت الفكره في راسي الشرير طيب مين المساعد الفني اكيد امتثال شيطانه ومفلسه لي خامسه كانت بتعاني من مشكلة فلس مزمن وارهاق من المشي لي الداخليه كل يوم كداري.
ومن وراء الكواليس يقف الصديق العزيز والاخ الكريم الزميل احمد اسحاق قرمبوز سابقاً ياعديله وزين حالياً
وضعت الخطه بسرعة البصر وبنهاية المحاضره وترحيب الدكتور بحضورنا الكريم شرفتا يامهند وكده
صعدت لي موقع المحاضر مقابلاً الدفعه سكت الجميع لان ذلك اول عهدهم بي طرقت قليلاً علي المنضده وحيتهم بكل ادب وبدات حديثي معتذراً لهم اولاً عن سوء التفاهم الذي اللتمسته من بعضهم وقمت بتعريف نفسي بصوره مودبه جداً ومكان سكني واخوتي ورحبت بهم لزيارتي في المنزل ووعدت بتوضيد العلاقه مع كل الزمله في اقرب وقت.
كانت الفكره تحوم حول الانضباع الاول وقد تمت بنجاح حسب شهادة امتثال وهنا كان الجزء الثاني, طلبنا من احمد اسحق الغياب غداً وهنا للمره الثانيه صعدت وتحدثت اليهم عن مرض اخت احمد عافاها الله وعودتها واهلها من مصر بعد العلاج ودعوتي لهم وباسم الشباب كلهم لي الاحتفال بالشفاء باسم الدفعه في الاسكلا علي ضفاف النيل وانو الموضوع شبه اكتمل بس لابد من التكرم بالحضور في التاريخ المحدد وهنا نطت امتثال لا والله ما ممكن اطلاقاً كيف الكلام ده حرم تقوم بالموضوع ده كله براك عشان احمد صحبك ولا شنو لا وعم الهرج والمرج القاعه اها الحلل شنو مالكم قالت ناجل الاحتفال شويه ونشارك معاك حرم الا نشارك معاك وعم الهرج ثانيه قالت لي انا بجمع ليك التبرعات من الدفعه رضخت ليهم طبعاً وتم تاجيل الحفل المزعوم لي حين اخر وتاني يوم احمد كفارات شديده جاني يضحك قلت ليه اسكت بس قالوا دايرين يتعرفوا علينا كنت قايل نفسي شيطان وانا وقعت في فخ امتثال الذي لا يمكن تفاديه الا بتسجيل كل واحد دفع كم و انا ما حبيت اديها احساس بعدم الثقة امتثال دورت ليك فيهم عدمتهم النفس يا زول الايام بحبحه ثقيله هدوم جديده وشنطه حدث الموسم من كرستان ديور شي عجيب ازول وانا نايم في العسل بعد قريب اسبوعين جاتني الصباح كده ادتني شوية قروش قالت لي ده الطلع من الناس ديل انا لما لقيته حبه لعبته ليك احمد اسحق ما ناله من الحب الا كان دستة برتقال لما مرض بالجد وهاكذا وقعت في شبكة امتثال ومنذ ذاك الوقت انا وهي الشحمه والنار من تشوفني تضحك لي يومنا دا من المقلب الشربتني ليه وطبعاً اختلف اللصان وظهر المسروق لكن القروش كانت كم والله لا يعلمها الا الله وامتثال.
وكل الشباب شهود علي اللبسه الجديده بتاعت الفراشه اللونه اخضر ديك والشنطه البنيه الجديده.
وام احمد لو حقانيه تقول الحقيقه لو ما شافت التغيير الحصل الايام ديك الكان بي حجة ابوي جاني زياره
والشاهد الثاني غياب كريستال المنقا في المعرض العلمي العام الثالث ودي قصه تانيه
مافي داعي للكلام ده ويا ام احمد خلي الجرح مقفول احسن

اخخخخخ يا كرستال المنقا اخخخخ يا حلليلك كبير وبارد ومندي خطفوك صغير وجاهل.

كريستال المنقا ولا صابونة ايللي المرقوها من جيبك الوراني يا مهند

الدفعه التانيه دي شكلها اتخرجت بي شهادتين..تكنولوجيا ومعاها نصب واحتيال ..

Obama كتب:الدفعه التانيه دي شكلها اتخرجت بي شهادتين..تكنولوجيا ومعاها نصب واحتيال ..

هــــــــــــــوي يا اوباما هــــــوي الا الثانيه ما اقوم اقبل عليك اخلي ريحتك طير طير

mohanad yasin كتب:

Obama كتب:ا ..

هــــــــــــــوي يا اوباما هــــــوي الا الثانيه ما اقوم اقبل عليك اخلي ريحتك طير طير

هسه انا جبت حاجه من عندي ديل انتو شغالين تنكتو لي بعض.. بس جات علي انا المسكين دا..بعدين انا زاتو حاسي بالوحده في البورد دا ..لافي براي من الدفعه الرابعه




تخريمه: اكون مبسوط جدا لو جا ابوالشوش اداك من النوع بتاع البرينسه الضرب ليها لستك قدامي ديك ..متذكرا

اقول ليك من الاخر كده نحن وناسه الاوله ديل كان فرقنا اربعه مواد يعني دافننو سوي وبعدين اولاد التانيه مجكسين بنات الاولي وبالعكس يعني ذيتنا في بيتنا ويا اوباما اطلع منها

تخريمه: قول لي بشير الشكل الجديد حلو شديد المدير البت الجديده دي روقت ليه اعصابه وخلته مرهف الاحساس (خضره نايره وكده).

وبيني وبينك يا اوباما انا داير واحد يقدر يهبشني عشان افته الناس دي كلها كانت بتاعت محن زمان واخوك كان بسجل وانا اكبر محنه لكن مسجل ليهم بخافوا.

ويامدير شديد عديل والله ايوه كده كل مره جدد الروح فينا.

Obama كتب:الدفعه التانيه دي شكلها اتخرجت بي شهادتين..تكنولوجيا ومعاها نصب واحتيال ..

ههههههههههههههه حلوه يا اوباما

shoosh كتب:

بشير كمبال كتب:

Obama كتب:الدفعه التانيه دي شكلها اتخرجت بي شهادتين..تكنولوجيا ومعاها نصب واحتيال ..

ههههههههههههههه حلوه يا اوباما

والله يامهند تلقاها من اوباما اللابد ليك على الواحدة ولا من بشير..
اصلو التور لما يقع السكاكين بتكتر ... كدي اوباما هين..
لكن البقدرك على بشير شنو ..
اقل شنكبة عنكبة قال بحجبك.. سمع اضاني ..
ما المدير وكدا..

واحشنا ياحلو

والله نحن بالاكتر يا حبيب لكن اوباما ده خلي لي بجيب ليك راسه اما ابو البنيه الايام دي ما مركز معاي عشان كده متجدع انا لكن شكلنا محذوفين محذوفين وندعو الي تحويل القضيه لقضية راي عام ما من حق المدير يتجدع كده وهو ذاته بغطس غطسات طويله الامد. ما مركز معانا لكن البركه في دعمكم يا شوش انا عارف من غير وقفتكم معاي كان حالتي بقت صعبه
مره من المدير مره من ود الحاج منفي الخطر داك حالتي اجلت موضوعه قلت ممكن بعد الانتخابات الاحوال تتغير لكن شكلوا الموضوع ده ماقابل للطرح لاسباب فنيه ولوجستيه.
لكن والله يا شوش مشتاقين ياخي تعال اجازه حريقه في القروش.