فضايح من العيار التقيل كل الدفعات رش من طرف

mohanad yasin الثلاثاء ديسمبر 15 2009, 01:30

يا ناس هوي الاولي بدت والبادي اظلم تاني الماضامن نضيف احسن يزح بعيد

mohanad yasin الثلاثاء ديسمبر 15 2009, 02:32

عرس الزين عفواً: عرس ود ابراهيم ود نصيح

قال ليك عرس ود ابراهيم يازول الناس من وين وين بتنشر الخبر ود ابراهيم المهندس قال

دايرلو مراه للاخد يجي ماري الروسين تتشابي للحيطه وداك يالمكياج الماخمج.

بس ود ابراهيم قال كلمته واختار الزوجه المصون ام سحر ربنا يديها الصحه والعافيه ويسعدهم ان شاء الله.

هلا هلا جات الناساوين طاقين الزغاريت في السماء و الرجال حرامات تقيله ده حرم وداك حرم والكبير حرامه بمشي.

يازول شكل البلد بقي شي تاني العميان شايل المكسر والفرحه تنطط من العيون.

كدي عوده قليلة الي الوراء

بعد جهد جهيد و سقوط في مادة السلامه الصناعيه شكلوا الاستاذ, لخبت بين الضوء و برعي اصلهم بتشابهه شديد المهم بعد شد وجذب وهجمات شعواء من اخوانا الجعليه افوو ولدنا افوو نحن اسياد الكرم والرجاله. كادت تؤدي الي ملحمة ود نصيح الاسطوريه اصلو هو وود دكين اهل شديد. توصلوا شريكي الحكم انذاك الي هندة وسلام اسطوري تم بموجبه اعلان التخرج للدفعه الثانيه كامله بدون ولا حتي امتثال ابراهيم كل الناس تتخرج وتتخارج.

عمت البشائر ارجاء المعموره والاهل جاوء من كل صوب وكان الحفل جميلاً تخرجت الدفعه الثانيه من القسم الي المجهول وفلاً انذاك كانت الامور ما واضحه انا اصلاً كنت مدور تجاره واموري مدردقه المهم كل واحد ما عارف يمشي وين والله اظن طبعته كان الف ولا الفين نسخه من السيره الذاتيه والشهادات الواحد كان لو سلم عليك وهو مبتسم تديه نسخه المهم اشتغال ود ابراهيم ما شاء الله من الاوائل في سد مروي وتدرج حتي ارتقي وبي تابع للسيد رئيس الدولة ومن بعد انضم للركب احمد حسن الاكبر فضل في زيادة وزنه ايام المعسكر بتاع تالته- رابعه لبن حبوبتي الله يرحمها لي حسي عمي ما عارف اللبن فات وين هو ود منصور اتلحوني تليحه شديده.

المهم جاتنا البشائر والفرح

بزواج الاخ باشمهندس ود ابراهيم

وود ابراهيم من هناك دعوات تقيله وبرعي حلف 3 حرامات الا نمشي يازول احمد حسن ماعنده مشكله الباصات دي ما شاءالله عليه الكماسره عندو معاهم شمارات يعني ملك الطريق مع مراعاة حقوق الملكيه الفكريه لي ناس بنز (اعفو لينا استلاف بس)

والله من الشباب الكان ليهم حضور وعلاقات مع شباب تكنو اخونا يطراه الخير المرضي

التلفونات دورت بعد تعب المرضي تم تبليغه الحمام الزاجل بتاعهم كان في الصيانه تشحيم وزيوت وحبة بلالي المهم ضربنا لي الحله الاولي رسلو زول بالدرب كلم امام الجامع الامام دعاء لي ود ابراهيم بالهناء والسرور ورسل ولد صغير الولد مسكين طقاها كداري كن 3 كن 13 كيلو ما عارف والعهد للراوي لحق ناس الفريق اللي جوه ديق كمان ادهو لي مراه امسكي يالمره فكي الشمار عند بتاع الخضار وبتاع الخضار ما لفاح وشمشار. امسك بعد الخضار ما كمل نزل علي تحت راح بي نفسه لي البيت وخبر المرضي كيف المرضي ده مرضي صحي صحي انتو ماعارفين حاجه ساكت المهم قام المرضي اتصل وتحدد موعد القيام لي الفاو القريه 18 وبالفرنسي ديز ويت المهم جاني الخبر ما عرفت اعمل شنو الزمن داك يادوب متدرب في بترودار لي كن ماهيه كان ماهتين ومنفوخ نفخه تقول شغال في ارامكو تعاين لي ساي بقول ليك مهندس مهند سراج الدين شركة بترودار لعمليات البترول قسم الانتاج متشرفين.

ما سكاني ام فريحانه المهم احمد جهز اموره وانا جهزت الامور واستاذنت من الوالد قلت ليه رايحين مع الشركه لي محطات خطوط الانابيب حولين مدني والمهم المكنه قسمت كويس ادوني الوصايا العشره مع السلامه واتصل بينا كل مره الايام ديك الماعندو 3310 ما راجل

انا شايل شي طويل كدا اظنه 5510 ملون وموسيقي كيف ومشتت الريحه والشنطه هاند باك قدر الضربه يلا مع السلامه وامي ياحليله تقدم فيني لي الباب ماشي المحطات ماعارفين حاجه

المهم ركبنا المواصلات ماشين الخرطوم قابلنا عبد الرحيم اول بحكم ديامي قريب من العربي وجاء ود منصور من الدروشاب وجاء المرضي وعليه علامات السفر المضني انا عارف البلد ديك ما كنت في الجرافه وركوب الدفارات في السقف هلا هلا ايام لها ايقاع ساكت شي عجيب

ركبنا ماشين لي محل السفر داك اي الميناء البري كان يادوبك خشه الشبكه عبد الرحيم شايل ليه شنطه صغيره فيها غيارين وجلابيه ود منصور جلابتين بس اجاركم الله والمرضي داك بس اديه حبوب الفلاجيل مالي جيوبه يالمرضي ده شنو قال خلوني بس الحبوب دي مهمه خالص خالص وكويس كده انا عاينت سكته وهم ماقالوا لي حاجه وصلنا الميناء لقينا احمد لامي السماسره بي كوم واسياد الشغل بي كوم يا ابو حميد قال حرم انا بوريكم خلاص اخترن الباص كان تذكرته بي عشره ولا 12 ماعارف المهم دفعنا دايرين نركب سالت احمد وين حاجاتك قال لي حاجات شنو يالغبيان ماهي اللفه دي لفة جريده انت وين حاجاتك وشاف الشنطه واتفقع بالضحك والباقين معاه في شنو قالوا عاينو الوهم ده ايل شنو قولت ليهم بس جلابيه وترين سوت وبطلونين جنز وبناطلين سهره وقمصان سهره و 3 فنايل وحاجات الحلاقه وريحه. احمد ده فرفر من الضحك. في شنو مافي حد داير يقول لي حاجه سكته ركبانا البص انا الوحيد منهم العندي شنطه تحت مع شنط المسافرين.

و انطلقنا الي مدني المهم انا اتلفت زي مروحة التربيزه بس بي سرعة 2 ما 3 شويه شويه بقت 1 لكن ما وقفت.

وصلنا مدني طبعاً احمد حسن قائد الاسطول نركب هنا لا هنا ديك غاليه ديك رخيصه والعريس شفقان متابعنا محطه محطه بالتلفون المهم ركبا حافله كدي باقي ليها لو يوم ولا يومين وتبقي منقد عواسه ياناس الشهاده العربيه ان شاء الله ما بتعرفوا العواسه والسواطه اصلاً السواطه دي حقتكم بس العواسه دي بت تعم ليها.

انا اتملل مل المقعد ضيق والدق داق و الركب لمن وصلنا قالوا دي القري ديز ويت نزلنا الشنطه الواحده انا كان جاني شلل اطفال من المقعد والمنقد الوقفه غلبتني نازل ماشي مخلقن وتلولو يمين شمال لحدي ما لقيت لي حجر كده قعدته فوقه.

اتلفته يمين شمال ياربي ود ابراهيم ساكن في شجره ود ابراهيم الو اها انتو وين نحن في الزلط خلاص قال الزول ده اتحرك عليكم اسع بجي قاعدين وقاعدين نشوف ليك من هناك غبار قايم فوق كتاحه وسط الاشجار ياربي ده شنو اسد صاروخ كان تظهر لينا البرينسه برينسة حبيبك 78 فل اوبشن حسب اوبشنات الزمن داك

يازول الزول وقع فينا سلام وخبتي الفينا كملت اركبو اركبو ركبانا الجماعه قالو لي اركب قدام عشان رجليك الطوال ديل ركبنا انا ود منصور قدام ولا واحد تاني وصحبك عشق التعشيقه طويله ذي يوم السبت شي عجيب كرك وماشي صاروخ بس تقول راجننا بالعقد

مشينا كن 3 كن 30 كيلو انا كنت بره الشبكه الا برعي يفتي في الموضوع ده ولاقينا في الطريق الترع والناس بتصطاد في السمك والدنيا هايصه.

ملحوظه: ياناس الشهاده العربيه بيقتوا لينا في حلقنا التعشيقه غير العشيقه اي وهي بالانقليزي الجير بوكس مش المطفي.

يازول دخلنا البيت حيشان ماتديك الدرب اصلاً نحن من الطريق الحله كلها بتشاور لينا سلامات من بعيد في شنو قالوا ديل المهندسين اصحاب العريس وقفت بينا البرينسه وغباره شي فوق شي قدام والزغاريت دورت فوق. دخلنا سلمنا علي نفر نفرين وجانا العريس سلامات واحضان ومباركات طبعاً ود ابراهيم ده كوارثه كتيره في الجامعه معانا ونحن بنسلم عليه ده ود ابراهيم ذولنا داير يعرس والله دنيا.

المهم خلاص مرينا الزغاريت ديك سلامات من بعيد طبعاً عشان ود منصور شغال هزاز ما برن.

قلنا خلاص داخلين لي جوه حرم ودي حرم بتاعت اولاد خرطوم لقينا خلق جلاليب صر ما تديك الدرب واقفين باليمين والشمال انا قالت الوالي جاي لي ود ابراهيم ده ولا شنو يازول سلامات وهز ايادي عجيب خلاص قربتا ابدل يدي سلام حار حراره شديده واستقبال رسمي ودي عادة عند اهلنا خارج الخرطوم اكرام الضيف ومقابلته ده شي مافيه لعب يازول سلامات شي غريبه في نوعه المهم رحبوا بينا كلمتين وقاموا ياجماعه قالوا حرم انتو تعبانين من السفر ودي كانت بداية الحرامات.

لحدي هنا وانتهي الجزء الاول الي حين اصدار الجزء الثاني والاخير فوتكم بي عافيه

هههههههههههههههههههههههههههههههههههههههههههههههههههههه
ههههههههههههههههههههههههههههههه......مبااااااالغة سريع حصلنا بالجزء التاني

onatee الثلاثاء ديسمبر 15 2009, 10:08

والله يامهند الله يجازيك بالخير والله ضحكت لما دموعي سالت وناس المكتب بقو يتفرجو فيني

mohanad yasin الثلاثاء ديسمبر 15 2009, 10:28

onatee كتب:والله يامهند الله يجازيك بالخير والله ضحكت لما دموعي سالت وناس المكتب بقو يتفرجو فيني

تسلمي يا رانيا والله بس انا منتظر طلب ود ابراهيم بمتابعة سرد الملحمة الجزء التاني نصيحه ما تقري في المكتب الا انت تكوني ما دايره شغل مع الناس ديل

shoosh الثلاثاء ديسمبر 15 2009, 14:11

والله حلوووووووووووووووووووة

اعلان التخرج للدفعه الثانيه كامله بدون ولا حتي امتثال ابراهيم كل الناس تتخرج وتتخارج.

هاهاهاهاهاهاهاهاها ( مالا هسي امتثال )

بعد انضم للركب احمد حسن الاكبر فضل في زيادة وزنه ايام المعسكر بتاع تالته- رابعه لبن حبوبتي الله يرحمها لي حسي عمي ما عارف اللبن فات وين هو ود منصور اتلحوني تليحه شديده.

والله بقيت زي التريلا الضرب ليها كفر..تطق يمين وتطق شمال ...

الله يكفينا شرك....

خرفك كعب....

بس واصل عليك الله وماتقيف

Obama الثلاثاء ديسمبر 15 2009, 14:43

والله بقيت زي التريلا الضرب ليها كفر..تطق يمين وتطق شمال ...

دي قويه شديد يا ابوالشوش ... دي ب موسم الفضائح دا كلو..سوري يا مهند

HAAA

mohanad yasin الثلاثاء ديسمبر 15 2009, 15:21

shoosh كتب:والله حلوووووووووووووووووووة

اعلان التخرج للدفعه الثانيه كامله بدون ولا حتي امتثال ابراهيم كل الناس تتخرج وتتخارج.

هاهاهاهاهاهاهاهاها ( مالا هسي امتثال )

بعد انضم للركب احمد حسن الاكبر فضل في زيادة وزنه ايام المعسكر بتاع تالته- رابعه لبن حبوبتي الله يرحمها لي حسي عمي ما عارف اللبن فات وين هو ود منصور اتلحوني تليحه شديده.

والله بقيت زي التريلا الضرب ليها كفر..تطق يمين وتطق شمال ...

الله يكفينا شرك....

خرفك كعب....

بس واصل عليك الله وماتقيف

انا برضو خرفته يا ابوشوش كما دافنينو سوي عامل لي فيها رايح انا ذي الترله برضو طيب اعمل حسابك ما انطحك

انا حاواصل والتقيل جاي وراء بس منتظرين ردة فعل ود ابراهيم

mohanad yasin الثلاثاء ديسمبر 15 2009, 15:29

Obama كتب:
والله بقيت زي التريلا الضرب ليها كفر..تطق يمين وتطق شمال ...

دي قويه شديد يا ابوالشوش ... دي ب موسم الفضائح دا كلو..سوري يا اشرف

هوي يا اوباما هوي

اعمل ليك شخيت واقيف بعيد. اصلاً يا احمد صلاح انت كنت ضلك ميت في الكليه لا بطقع لا بتجيب الحجار والله ود الحوري ماخاتي عليك كان برسل لي ع الخاص دايرني اقبل عليك وانا كنت عامل ليك حصانه اوعا تلعب مع الكبار النار بتصلك

اصلاً انت ما عرفناك الا بعد سفرتك لي السويد العاجباك دي روق المنقا اوعا تهبش انا قلمي حر وبضرب من طرف

وما تحشر نفسك بين الاولي والتانيه كبار وناقشين الرصه

Obama الأربعاء ديسمبر 16 2009, 15:00

mohanad yasin كتب:
Obama كتب:
والله بقيت زي التريلا الضرب ليها كفر..تطق يمين وتطق شمال ...

دي قويه شديد يا ابوالشوش ... دي ب موسم الفضائح دا كلو..سوري يا اشرف

هوي يا اوباما هوي

اعمل ليك شخيت واقيف بعيد. اصلاً يا احمد صلاح انت كنت ضلك ميت في الكليه لا بطقع لا بتجيب الحجار والله ود الحوري ماخاتي عليك كان برسل لي ع الخاص دايرني اقبل عليك وانا كنت عامل ليك حصانه اوعا تلعب مع الكبار النار بتصلك

اصلاً انت ما عرفناك الا بعد سفرتك لي السويد العاجباك دي روق المنقا اوعا تهبش انا قلمي حر وبضرب من طرف

وما تحشر نفسك بين الاولي والتانيه كبار وناقشين الرصه

لا لا لا ..خلاص سكت وتاني ما بقول اي حاجه..زاتو كلام اشرف دا ولا بضحك ولا حاجه lol!

mohanad yasin الأربعاء ديسمبر 16 2009, 16:54

size=18]لا لا لا ..خلاص سكت وتاني ما بقول اي حاجه..زاتو كلام اشرف دا ولا بضحك ولا حاجه فضايح من العيار التقيل كل الدفعات رش من طرف Lol

[/size][/quote]

ايوة كدا خلاص رجعنا ليك الحصانه ولا يهمك نحن معاك سير وعين الله ترعاك يارئيس

ياناس هوي اوباما حصانته ساريه المفعول

ههههههههه

كمل كمل يا .. .. ..
بالمناسبه انتو مهند ده كان لقبو شنو في الجامعه ؟ والله انا ماعارف .. لكن من شلاقتو دي ولسانو الطويل ده ح يكون عندو خرتمية لقب

!!

mohanad yasin الأربعاء ديسمبر 16 2009, 23:20

بشير كمبال كتب:
ههههههههه
كمل كمل يا .. .. ..
بالمناسبه انتو مهند ده كان لقبو شنو في الجامعه ؟ والله انا ماعارف .. لكن من شلاقتو دي ولسانو الطويل ده ح يكون عندو خرتمية لقب

!!

والله الف حمد لله ع السلامه خلاص اتذكرتنا والله عال العال قالو لي شغال ذي هايس مدني المناقل بعدين تاني خلاكم ده مقعوله بابن بطوطه

بعدين ما تلعب بالنار وصلح الدردشه دي مدير اليابا يمه الغاطس في البطاطس ومخلينا هنا لايصين والدردشه ماشغاله

ونصيحه تنكت لي بنكت ليك

ويا جماعه ارفع منه الحصانه ولا لا

وحتي لو قالوا لا بطبع البوست ده دي قضية قانونيه ده تحريض عام

الحورى الأربعاء ديسمبر 16 2009, 23:32

لا لا لا ..خلاص سكت وتاني ما بقول اي حاجه..زاتو كلام اشرف دا ولا بضحك ولا حاجه

دا شنو دا يا اوباما لا حولاااااااااااا HAAA

اثبت يا زول وعامل لينا فيها جعلى وانا من المتمة وو وووووو
والله ريحتنى شدييييد يا مهند....انا بصفتى عمدة الدفعة التالتة انا حاسحب منك عضوية الدفعة التالتة نحنا ما عندنا زول كدا...ما عندنا زول بنبرش.... DOWN

SHAHINAZ الخميس ديسمبر 17 2009, 10:16

اعلان التخرج للدفعه الثانيه كامله بدون ولا حتي امتثال ابراهيم كل الناس تتخرج وتتخارج.

سلام يامهند
بصراحة اعلان التخرج دي ما كان كدي كان بقولوا بالله اتخرجوا كلهم حتي مهند سراج الدين
ه ههههههههههههههه
ما تزعل يا مهند دفعتك ما بتكلم اي زول سرك في بئر
واصل الله يديك العافية

mohanad yasin الخميس ديسمبر 17 2009, 10:28

يامهند
بصراحة اعلان التخرج دي ما كان كدي كان بقولوا بالله اتخرجوا كلهم حتي مهند سراج الدين
ه ههههههههههههههه
ما تزعل يا مهند دفعتك ما بتكلم اي زول سرك في بئر
واصل الله يديك العافية [/quote]

والله تمام انت كمان مفروض يعملوا ليك لستة غياب براك معاك بشير

بعدين ماتتفاصحي كما مشيت بي نفسي حنسته أ.نجوي و د:طه ادوك ال 50 درجه الناقصه ليك اها اقبل عليك

طبعاً شوشو دي اتخرجت مع ناس فيزياء في قاعة الصداقه بعد جهد جهيد وتحانيس لكن والله كانت قمر اليوم داك

SHAHINAZ الخميس ديسمبر 17 2009, 10:45

تسلم والله يا مهند انا اصلي ما ناسية انك عملت لي مكنة جميلة وخرجتني مع ناس فيزيا
ما بتقصر انا كنت بهزر معاك
يـــــــــــــــــا جمــــــــــــــــــــــــــــــــــــاعة هـــــــــــــــــــــــــــــــــوي
مهند اتخرج بالـــــــــــــــفرست
انشاءالله مبسوط

mohanad yasin الخميس ديسمبر 17 2009, 11:35

SHAHINAZ كتب:
[center]تسلم والله يا مهند انا اصلي ما ناسية انك عملت لي مكنة جميلة وخرجتني مع ناس فيزيا
ما بتقصر انا كنت بهزر معاك
يـــــــــــــــــا جمــــــــــــــــــــــــــــــــــــاعة هـــــــــــــــــــــــــــــــــوي
مهند اتخرج بالـــــــــــــــفرست
انشاءالله مبسوط
[/center]

ياناس هــــــــــــــــــــــــــــــــوي شوشو دي تحـــت حمايتي الشــــــخصيه

وانا ما برضي فوقـــــــــــــــــــــــــــــــــــــــــــــــــه الحبــــــــــــــــه

وانت يا حلوه ولا يهمك انا ذاتي دمي لك مباح بدون اي هجوم كمان

mohanad yasin الجمعة ديسمبر 18 2009, 08:57

[right]سلام شباب

مازال غايباً عنا ام احمد, ننوشـــــــــــا, ود ابراهيم
برعـــــــــي , حســـام مصطفي
ورائعة الدفعه الثالثه ابنجل
اصلاً ابنجل ده عندنا كوارث مع بعض ودي برضو حتكون قريب
في موسم الفضائح ده.
يلا يا شباب انا حسب معلوماتي ود ابراهيم في الخرطوم
حركوه شويه.

رانيا عوض السبت ديسمبر 19 2009, 07:16

اهليييييييييييييييييييييييين
انا ظهرت عشان القى حصانة برضو LOOVE

shoosh السبت ديسمبر 19 2009, 10:25

رانيا عوض كتب:اهليييييييييييييييييييييييين
انا ظهرت عشان القى حصانة برضو

جباااااااااااااااااااااااااااااانة

ماسكين عليك شنو؟؟؟

يامهند...
الدافعاهو رانيا بدفع ضعفو..
بس طلع البلاوي...

mohanad yasin السبت ديسمبر 19 2009, 11:10

جباااااااااااااااااااااااااااااانة

ماسكين عليك شنو؟؟؟

يامهند...
الدافعاهو رانيا بدفع ضعفو..
بس طلع البلاوي...[/quote]
[right]يا بشوش ابشر يازول كل واحد عنده يوم اصبر لي شويه والله شغل عجيب بس ما دايرين نحرق موضوع عرس الزين ده

رانيا عوض السبت ديسمبر 19 2009, 14:34

shoosh كتب:
رانيا عوض كتب:اهليييييييييييييييييييييييين
انا ظهرت عشان القى حصانة برضو

جباااااااااااااااااااااااااااااانة

ماسكين عليك شنو؟؟؟

يامهند...
الدافعاهو رانيا بدفع ضعفو..
بس طلع البلاوي...

ههههههه....ناس تموووت في الشمارات NO NO NO

ابو الشوش انا كتاب مفتووووووووح مافي اي حاجة مدسوسة ..بس ممكن تدفع لي انا
لو عايز تعرف حاجة بوريك LEEP

mohanad yasin السبت ديسمبر 19 2009, 17:05

والله تمام التمام قالت با ابو الشوش كتاب مفتح قال علي منو الحنك ده ايوه كتاب مفتوح بس لاكن ده مايمنع في كم صفحه مشروطه وكده والله يستر بس لو وقعت في عين اي زول المهم الايام جايه وربنا يسترنا جميعاً.
بعدين شايف البوست داك يا شوش بتاع سيدي الرئيس ماذا ستفعل؟ بتاع دولي داك في تهديدات من ........ ودلي ركبت التونسيه
اصلها ليها شهور ماباينه ربنا يستر يا بشير. انا تاني ماجايكم خلينا هنا احسن
ويا ابو الشوش تحياتي لي ناس الحاج منفي وقوليهم الفت حاصل حاصل وربنا يجيب العواقب سليمه.
شي يا اخير يا نـــــــــــــــــــــــــــــــــــــــــــــــــــــــــــــــــــاس هوي انا لو اختفيت ابو الشوش بكون عارف انا وين
لكن مابقيف مابقيف وربنا يستر
AMMM

اخر شي بدينا العد التنازلي لي الجزء التاني من عرس ود ابراهيم ويليه ............................... عن ناس الاولي
ههههههههههههههههههههههههههههههههههههههههههههههههههههههههههههههههههههههههههههههههههههههههه

بشير كمبال السبت ديسمبر 19 2009, 23:32

mohanad yasin كتب:

بعدين شايف البوست داك يا شوش بتاع سيدي الرئيس ماذا ستفعل؟ بتاع دولي داك في تهديدات من ........ ودولي ركبت التونسيه
اصلها ليها شهور ماباينه ربنا يستر يا بشير. انا تاني ماجايكم خلينا هنا احسن

ماتخاف يا مهند المنتدي شجب وأدان واستنكر المسيره الاخيره , وكل اعضاء المنتدي سجلو اسماءهم في السجل الانتخابي , وكلهم اجمعو علي التصويت لــ .........
عشان كده مابتجينا عوجه , لكن بعد ده كلو انا ماعارف دوللي اختفت وين؟

mohanad yasin كتب:
بدينا العد التنازلي لي الجزء التاني من عرس ود ابراهيم ويليه ............................... عن ناس الاولي
ههههههههههههههههههههههههههههههههههههههههههههههههههههههههههههههههههههههههههههههههههههههههه

اي بالله ألحقنا بالجزء التاني سريع الناس دي كلها منتظره التفاصيل ( والتفاصيل الدقيقه) .. أما ناس الدفعه الاولي ديل .. الله يسترهم معاك .. بلاويهم الظاهره ماهينه ! لمن تتطلع ليهم المخفي !! ح تبقي كاااااااااااااااااااارثه .. زيك كده

فضايح من العيار التقيل كل الدفعات رش من طرف

فضايح من العيار التقيل كل الدفعات رش من طرف

العرس المشهود الجزء الاول

رد: فضايح من العيار التقيل كل الدفعات رش من طرف

رد: فضايح من العيار التقيل كل الدفعات رش من طرف

هدفنا هو رسم البسمه علي كل الوجوه

رد: فضايح من العيار التقيل كل الدفعات رش من طرف

رد: فضايح من العيار التقيل كل الدفعات رش من طرف

متابعة الردود علي عرس الزين

رفع الحصانه عن اوباما

رد: فضايح من العيار التقيل كل الدفعات رش من طرف

متابعة الردود علي عرس الزين

رد: فضايح من العيار التقيل كل الدفعات رش من طرف

مرحب بالمدير

انبراشة اوباما

رد: فضايح من العيار التقيل كل الدفعات رش من طرف

هلا شوشو

رد: فضايح من العيار التقيل كل الدفعات رش من طرف

شوشو وبس

متابعة الردود علي عرس الزين

رد: فضايح من العيار التقيل كل الدفعات رش من طرف

رد: فضايح من العيار التقيل كل الدفعات رش من طرف

متابعة الردود عن موسم الفضايح

رد: فضايح من العيار التقيل كل الدفعات رش من طرف

متابعة الردود عن العشق والهوي

رد: فضايح من العيار التقيل كل الدفعات رش من طرف