فضايح من العيار التقيل كل الدفعات رش من طرف

مهند ما كتب ليهو عشرميه صفحه وكلها بكا..تاني يجي يقول هووووي انا كنت مبسوط..كدي استهدي بالله وهاك مناديل قشقش عيونك

لكين كلام جادي كدا الله يديك العافيه وقريب كدا تتسهل ونتلم كلنا تاني في مكان واحد..المشكله انو لغاية الان انا ما متذكر شكلك ..لازم تنزل ليك صوره واضحه خلينا نشوفك (يا ريت يكون عندك موبايل زي بتاعي الجديد )..عشان انا في ناس من ايام الجامعه كنت بكجنهم اوع تطلع منهم

Obama كتب:مهند ما كتب ليهو عشرميه صفحه وكلها بكا..تاني يجي يقول هووووي انا كنت مبسوط..كدي استهدي بالله وهاك مناديل قشقش عيونك

لكين كلام جادي كدا الله يديك العافيه وقريب كدا تتسهل ونتلم كلنا تاني في مكان واحد..المشكله انو لغاية الان انا ما متذكر شكلك ..لازم تنزل ليك صوره واضحه خلينا نشوفك (يا ريت يكون عندك موبايل زي بتاعي الجديد )..عشان انا في ناس من ايام الجامعه كنت بكجنهم اوع تطلع منهم

والله مع صورة وشك الحامضه دي لما خجلان منها وري صور الثلج والمناظر البتجيبه دي شكلي انا الكنت كاجيك لكن حسي عفا الله عما سلف بس انت ركز لي مع ناس اونا ديل ورشهم في الفيس وهنا وانا كده بموت فيك انت حبيبنا والله يا اوباما.بعدين كدي نفكر في موضوع الصوره ده الايام الجايه.

كدي رسل لي موبايلك ده ممكن يكون ذي بتاعي القديم؟؟؟؟؟

تسلم علي الكلام الحلو

SHAHINAZ كتب:كتر خيرك يا مهند دائماً مرجعنا للزمن الجميل
الله يديك الصحة والعافية وتذكر كمان وكمان

تسلمي يا شو شو والله في حاجات عمرنا ماننساها

انتو ما ممكن تتنسوا يا شهيناز والتفاصيل دي اجمل عشان هي حلوه فارز ليها مكان خاص 20 قيقا كده.

مشكوره ياعسل

بشير كمبال كتب:ياسلام عليك يامهند .. والله زي ماقلت ليك قبل كده اسلوبك ممتع جدا .. بصراحه مالقيت وقت اأقرأ مشاركتك الاخيره إلا اليوم .. والله استمتعت شديد بكل سطر فيها .. وبالمناسبه اي واحد لقي انو الكلام كتير وكسل انو يقراه انصحه بإنو يرجع يقرأ مشاركة مهند الاخيره برواقه كده من الاول وح يستمتع زي ما انا استمتعت ..
شكرا كتير لانك شاركتنا الفرحه بالتخرج وكنت حضور يوم تخريجنا .. للامانه مهند كان شخصيه محبوبه .. وناس كتيرين كانو عايزين يتعرفوا عليهو ويبقوا أصحابه .. جد والله .. وكمان من الجنسين .. ماعشان وجيه ولا عشان ظريف(لانو الصفتين ديل فيهو أصلاً ) .. سبحان الله شئ من ربنا سبحانه وتعالي .. بعض الناس تلقي اي زول بيحبهم وبحب يكون قريب منهم ..القبول ده هبه من ربنا .. ناس كتيرين بيجتهدوا انهم يظهروا في صوره تخلي الناس يحبوهم ويتعلقوا بيهم , لكن مهما عملوا مابنالوا مقصدهم .. السبب بسيط ومعقد في نفس الوقت .. القبول هبه من ربنا .. مهند ربنا حباه بالقبول وحبب فيهو الناس ..ده سبب الاستقبال والفرحه الحسينا بيها يوم مشاركتك لينا حفل التخرج.

والله يا بشير مشكور انت, ماعارف هل كل الصفات دي فيني ولا انا بحلم حتي اني قراءت التعليق مرتين لكن تسلم ياسيدي وربنا يجعلنا من احبائبه لانه من احبه الله سبحانه وتعالي حبب خلقه فيه. فربنا يجعلنا جميعاً من احبابه يارب.
لكن بالجد قصة يوم تخريجكم دي انا مابنساها وماظن اقدر انسي اليوم داك. ربنا يوفق كل الشباب يارب, انا ما عارف لكن ارتباطي بي ناس الدفعه الثالثه والاولي كان قوي شديد دون عن باقي الدفعات احتمال تقارب الاعمار ممكن.
انت من يومك يا بشير دبلوماسي وراقي جداً في تعاملك مع الاخرين. واعتقد الشباب مامحتاجين لي اعرفهم بيك يامديرنا علم علي راسه نار.
وخلينا من تبادل الاطراءت علي الهواء.
شكراً يا رائع .