سيدي الرئيس ماذا ستفعل ؟؟؟

والله يا مهند لو مترشح ببرنامجك دا..بديك صوتي حتي لو انا مترشح ضدك..

برنامج مهند دا محتاج نقاش وتفكيك يا داليا..انتي وين ما ظاهره


عندي طلب يا سياده الريس مهند..تنقل لينا العاصمه وتبقي الابيض هي البندر

Obama كتب:والله يا مهند لو مترشح ببرنامجك دا..بديك صوتي حتي لو انا مترشح ضدك..

برنامج مهند دا محتاج نقاش وتفكيك يا داليا..انتي وين ما ظاهره


عندي طلب يا سياده الريس مهند..تنقل لينا العاصمه وتبقي الابيض هي البندر

والله يا اوباما الموضوع ده لسه انا ماكملته لكن داير لي فرقه شويه كده في اليومين الجايات بكتب ليك الباقي لكن والله لو ان الكيشه ده بعرف ده كله المسؤلين ديل معناها شنو والله يا حـــــــــــــــــــــ ........................... يا حـــــــــــــــــــــــــــــــــــ
والله بالجد انا متضايق جداً من الاحوال في السودان البلد الوحيد الواقف عديل او بتراجع لسه متين نحن نبقي ناس متين الشعوب التانيه تحترمنا وتعمل لينا الف حساب كقوه وبلد قوي في المنطقه انا عارف اننا كسبنا احترام الناس لينا زمان بي اخلاقنا لكن والله اخلاقنا ديك يا حليله وياحليل سودانا.
الموضوع ده الوحيد الانا حاكتب فيه بجديه لاني معروف ماجادي لكن بس محروق من جواي.
شكراً يا اوباما كتير علي انك هيجتا فينا المواجع المفروض تظل هايجه زي البركان في السودانين من اجل التغير.
وبتمني من كل المثقفين لو نحن مثقفين بالجد الدعوه لي حوارت ذي دي مع الحكومه ولا المسؤل المباشر.

الي لقاء قريب

سيدي الرئيس ماذا ستفعل؟

صلينا المغرب استدعيت رئيس القضاء واستدعيت النائب العام. في ناس في الوقت ده بكونوا في جماعه غادروا البلاد لكن عادي قصدت اخليهم يتخارجوا عشان يعرف السوداني الحراميه مين لي سبب بسيط لو ماعامل عمله ما كان اتخارج.
المهم اطلب منهم بي شفافيه محاسبة كل مسؤلين الدوله بدون استثناء عن اي املاك وكل الاستثمارات وكل شارده وارده اظن من حق الشعب يعرف امواله بتتصرف كيف وعلي مين.
استدعي قادة الجيش واعلن حالة التاهب القصوي و طبعاً بتاع بكره داك .........................................
المهم من الصباح يتم استدعاء وزير التخطيط العمراني ومدير الطرق والجسور بالوزاره والاثنين ديل يتم وضعهم في الاقامه الاجباريه من اجل التحقيق في احداث السيول الاخيره ونفق عفراء وحاجات كتيره. تانيه هم كانوا مسؤلين عنها.
مره حصل يوم الوفقه بتاعت عيد الفطر قبل عدة اعوام انه ام وفتاة كانوا كعادة السودانين بيشتروا في ملابس العيد والفتاة يبدوا عليها الغبطه والسرور وهم بالسوق عشية يوم الوقفه ولا يعلم الاثنان ان الاهمال الجسيم للاسف من المسؤال عن قسم شرطة السوق سوف يكون بالمرصاد لفرحتهم. كان الشارع كالعادة في ذلك الوقت من العام مزدحم بالباعه والمشترين حتي يصعب فيه الحركه وكانت هناك ام وفتاة لم يبلغ عمرها ال8 اعوام بعد من ضمن الماره وبما ان الحمل ثقل علي الام فكانت تستبدل الكيس من ايد الي اخري وتضطر الفتاة للدوران حول امها لتمسك بيدها ولكن دارت والام تنتظر وتنتظر وتنتظر واطلقت الام صرخة اهتزت لها ارجاء المكان باسره وهب من هب لنجدتها اين ابنتي وصرخت في الوجوه ولكن لم يجبها احد ونظرت من حولها ووجدت حفره عميقه علي الجانب الايمن منها وصرخت ابنتي فاجابت بنتها بصوت خافت من داخل الحفره وهب احد الماره واخرج لباسه ونزل الي الحفره يتحسس الطريق وبعد جهد ومعاناة وتدخل الشرطه واضيت الحفرة تمكن من اخراج الفتاة ولكن فات الاون. وتحولت الفرحة الي ................................................................... كان الله في عون امها.
انا ماعارف لو لبسته حزام ناسف وفجرت نفسي دخل مكتب المسؤل ده ربنا بحاسبني كان ممكن نخلي بس الاسره دي تسعد ولو ليوم واحد لي بي الطريقه البشعه دي لي عشان الشرطه شرطه ممكن تعمل سبتانك خارج المبني وفي الشارع وحتي كمان مامقفول والله شي مولم انا بكتبه ماقادر عارفين المفروض يحصل شنو يجيبوا المسؤل ويرموه جوه ويقفلوا عليه. لكن كاعادة طبعاً الحمد لله قدر الله حصل ربنا يحسن العزاء........ الخ.
لمتين تحصل الاقدار نتيجه لي الاهمال لمتين بس ممكن تاريخ محدد. كان ممكن يا سعادتك بس تشتري ليك غطاء حديدي المتوفر في اقرب مغلق وكمان ماتتعب نادي عسكري يشيله واقفل الفتحه دي حتي لو مكتوب ليها تموت كان ممكن ده يكون في سريرها في بيتها وسط اخوانه تديهم فرصة لحظة وداع.
احب اذكرنا كلنا هنا بي قوله صلي الله عليه وسلم (كلكم راعي وكلكم مسؤل عن رعيته....... الي اخر الحديث الشريف).
وقوله تعالي ( واتقوا يوماً ترجعون فيه الي الله ثم توف كل نفس ماكسبت وهم لا يظلمون)
صدق الله العظيم لو علم هولاء انهم عنا مسؤلؤن لجافاهم النوم ولكن عميتهم الكراسي وشغف الدنيا ورونقها لكن من يحاسب من يوقف هذا من من من من من ....... وامثالهم كثر.


بعدين كدي شي اخر ممكن نسأل سؤال مين المهندس البقدر يقول لي المناخ في السودان مستقر وحيكون مستقر مدي الحياة ياخي منتهي الغباء انه مافي يكون نظام تصريف لي نفق منخفض مع انه مفتوح طبعاًً للسماء ياخي تجي من فوق تمشي وين والله بالجد شي مؤسف مين القال ليه ده اننا بنبني لي سنه ولا سنتين نحن بنبني لي اجيال جايه يعني 20 او 30 سنه.بعدين هل مع تداعيات تغير المناخ وتقلبات الجو في العالم كله ماممكن نتوقع يجينا جليد ولا فيضانات ولا امطار فوق المعدل الطبيعي. لو انا الشافع ود امبارح بفكر كده معقول انت يا مدير ولا جابوك بي الواسطه ذي الباقين. معقول ده السودان البصدر العقول للعالم الخارجي.
اعتقد يا سيادة رئيس القضاء كدي نعمل لجنة لي التدقيق في الشهادات الجامعيه وهل هم عندهم شهادات ولا لا من الاساس. وديل منهم كتير مافي داعي اذكركم بي الكليه........
المهم انا لحدي هنا بكون اعلنت الحرب العالميه الثالثه في الداخل والبلد ولعت بين معارض ومناصر طبعاً حاستغل الموقف واتمسك بالسلطه عشان انا احسن واحد للكرسي والشعب ده مامؤهل ناس وهم ساكت اها كيف الحلل اي لقيتها اهم شي اجيب اهلي ديك من الرتينه بقت واملكهم في البلد بيوت وعربات وشركات ومصانع ...............................
وانسي موضوع من اين لك هذا في الدنيا قبل الاخره. دي الخايف منها مولانا رئيس القضاء ماتخاف يامولانا انا ماعندي اهل عندي بس انتو اهلي ناس السودان ديك اهل الحاره ديل اهلي, عشان نتفادي نقع في الشرك ده اي مسؤل يشغل اي منصب في الدوله يمنع عليه منع بات انه يشارك او يستثمر خارج نطاق مكتبه يعني المرتب بس حتي الرئيس كلهم يقيفوا في صف المرتب تاني ولا زياده ولا نقصان كيفن الكلام ده يا ولدي ده دستور يجيزه البرلمان بعدين ناس البرلمان ناس الجلاليب ديك القماشه بي الشي الفلاني ممكن سؤال جلابيتك دي لو بعتها سعرها بشبع كم اسرة ياخي خاف الله عمر بن الخطاب بي عظمته ومكانته في الاسلام كان ينام تحت الشجره قرير العين اتخيل لو جلابيته كانت بيضاء وجميله كان رقد تحت الشجره ولا بكون علقه فوق ونام بي العراقي.
بي صراحه ناس البرلمان ديل مين اصلاً لا انا داير دما شابه انسي اي واحد عمره 60 مادايره العمر المحدد 30 لي 55 ويسمح للعضو المنتخب انه يشغل المنصب ده فترة خمسه سنه في الحياه فقط ما اكتر وما يتمتع بي اي امتيازات من الدوله بالعكس مرتب عادي ويحق له ممارسة المهنه التي كان يمارسها من قبل الانتخاب يعني يعيش من عرق جبينه.
بعدين الوضع نظام الخدمه الوطنيه ده والله كلف السودان 50 جنيه شهرياً للمجندين ما اكثر وعذب الشباب وكرهم الجيش مما انعكس علي الانضمام لي الكلية الحربيه اتحدي واحد يجيب لي واحد من اولاد الخرطوم او امدرمان او بحري القدام الان طالب حربي ما ممكن كلهم من الاقاليم عاجبهم شكل الطالب الحربي. ومن خارج الولايه عذراً للشباب ناس الاقاليم ناس كرماء لكن بس في حاجات كتيره غايبه عليهم بحكم انهم عايشين في رغد وبي اخلاق عندنا في الخرطوم شويه نقصت.
او عندهم عقدت نقص او ممكن من الخرطوم بس مالاقين اي فرصه تانيه الناس كرهت الجيش الفيه ناس بتموت وقروش ماعندها يعني الا تبقي لواء وتسف ليك سفه حتي تحس انك لحقت بقية المواطنين مما يؤدي الي حقد علي المجتمع المدني والمدنين ( سفلين).
نرجع للخدمه في داعي تاخد طالب الجيش عشان يحرس بوابه واقفه ليها 100 سنه ومحروسه اصلاً عملته شنو يعني جديد للسودان حتي البشتغلوا في مجالاتهم شنو يعني البلد اتحصلت منهم علي شنو غير هم قبضوا الخمسين حق المواصلات ما بتكفي بالعكس ولدت نوع جديد من الزل للمواطن الشريف.
سؤال كدي السودان حجمه قدر كيف والمساحات المزروعه كم من المئه 10% ولا اكتر كم يعني؟ حتي لو 50% وده مستحيل الاراضي البور قدر كيف طيب ياخي انت يا الدولة عندك اراضي وزعوا كل 5 من الشباب بتاعين الخدمه ادوعهم ارض وفترة 3 شهور لشق القنوان الفرعيه الدوله توفر ليهم اي شي بي الايجار حتي الارض وخليهم يزرعوا ويشتغلوا ليل نهار واشتري منهم المحصول بي السعر العالمي واخصم ايجار الماكينات والارض واي شي واديهم الباقي طيب بنستفيد شنو من كده
• الارضي البور بتصل لي الصفر% مع الوقت.
• المحاصيل بتصدر وبتدخل عملة صعبه لي البلد بي المليارات.
• الشاب بحس انوا انتج والناتج مجزي بالتالي بحب بلده لانها بتديه.
• بتحقق اكتفاء زاتي من كل شي وكل انواع المنتجات.
• تاني بنكون شكلنا قوة اقتصاديه لا يستهان بها في فترة وجيزه
• اهم شي خلقنا فرص عمل ومصادر رزق جديده للمواطن والدوله معاً.
• نسبة العوائد بتكون ضخمه لي خزينة الدوله بتساعد علي تطوير البلد في كل المحافل.
• انشاء علاقات تجاريه مع الدول القريبه وتصدير معظم المنتجات الزراعيه للعالم العربي وحتي بعض الدول الاجنبيه لي ما ممكن.
وده كله من الخدمه الوطنيه يعني مجان في مجان والناتج قروش بالجد خياليه
طيب لو الدوله بتشتري بي السعر العالمي بتستفيد شنو بتستفيد انها تحرك اراضي بور بعد تنجح تواصل الدوله فيها يعني يبقي الشغل حقها والمزارع يملك نسبة من المحصول مجزيه والشباب بتاعين الخدمه يستصلحوا اراضي جديده. يعني نحن حانكون احسن من الخليج بعد كم سنه.
تاني الاسواق والمدن دي قصه طويله.
كدي نمشي لي مثال بسيط سوق سعد قشره لانه اسهل واحد
السوق ده من الزنك والمباني معروش بي طريقه عشوائيه فيه كم دكان 1000 الفين كم يعني
طيب نجي نقعد مع التجار نديهم كل واحد 2000 جنيه في الشهر اوكي نهدم السوق ده وفي 3 شهور نعمله خمسه طوابق غير طابقين تحت الارض بارك للعاربات يعني 7 طوابق طيب تحت مداخل الكترونيه الا بي بطاقة بارك. ونعمل في كل طابق الف دكان ونديهم الدكاكين مجان لا قرش لا تعريفه اها بنستفيد نحن كدوله من شنو. اوكي
• انت لما توزع الدكاكين وتدي الالف تاجر ديل بكون اديتهم كل واحد دكان ببقي لي 4000 دكان باجرهم لي حساب الدوله لي المواطنين الداير دكان طوالي مباشرة من الدوله.
• تاني البارك ده بي الف جنيه بس وتضمن عربتك امنه وحتي ممكن تخليها مفتحه بدون الكارت ما بقدر يفتح البوابه الخارجيه ومافي حد بيدخل بي رجليه من تحت الا من جوه وبي المصد او المهبط وبي الكارت برضو.
• بنكون خلقنا كم مليون وظيفه جديده من حارس لي مشرف امن لي متابع للشاشات وكاميرات المراقبه ومرتباتهم من وين من المول ذاته اكيد مول سعد قشرة.
• وتاني باقي الاسواق بس نفس الطريقه ام درمان الشعبي كل البلد تبقي كده واهم شي فرض شروط صارمه في النظافه وحدود غرامه تصل لي نزع المحل لصالح الدوله في حالة الاهمال في نظافته تعيين شركات نظافه بس ما ذي شركة ال......... شركات تابعه للدوله والدخل بتاعه بصب في الخزينه. وتخيلوا معاي كم موظف وكم عامل بشتغلوا في البلد.


عارفين ده بس انا بحلم كتير بي وطن دافئ وكريم وحياة رغيده عشان نحن بنستاهل ده
لما ده يتحقق ممكن بعد كده نقول نحن دوله محترمه والعواليق الاساوء لينا ديك بركعوا عشان ندخلهم ونشغلهم في بلدنا لكن نحن مادايرن نغلط غلط الخليج نحن دايرين اي شي لينا لاننا قادرين نعمل اي شي انا بؤمن شديد بالكفاءت السودانيه ومقدرتنا اننا نكون في المقدمه.

بس شي مهم جداً التغير بالجد ببداء من الذات.
ده كان لمحه من برنامجي الانتخابي عنده فروع كتيره ما تطرقنا لها لكن كل شي في وقته حلو.
قبل كده تاني يوم الصباح بعلن الحرب علي مصر مالم تسحب قواتها من حلايب ياخي ديل ما نرسل ليهم جيش بس نعمل لينا سد تاني ذي سد مروي بموتوا عطش وجوع.
طيب ياخي انت عارف ده لي بتدخل ارضنا وعامل فيها ضكر بط وانت قربه منفوخه.
سيادة بلدنا بنفرضها بالقوة والاحترام ما بجي قبل القوه.
المهم لو اتحقق كل ده بتنازل لي اي واحد انا ماداير ابقي رئيس الله بسألني منكم بس داير اشوفكم سعداء خلوني ارجع اشتغل في خلاي داك وربنا يسهل علينا جميعاً.


وكل عام وانتم بخير والسودان بالف خير