عن العشق والهوي

والله مرحب بيك وانا من زمان داير ناقد قوي عشان كل ما يكون النقد قوي بتفاعل معاه اكتر يلا منتظرين الباقي حتي انا بكتب بيد واحده مع اسيل يلا منتظرين

ام احمد كتب:

(تعشق المرأه وتهوي بروحها وهي بهذه الطبيعه الروحانيه( الكامله )لا تهوي الا واحدا وهذا الواحد بطبيعته البشريه( الناقصه

(يأتي لها بثانيه وثالثه.......وعاشره( يعني القصه ما مدنيه ولا روح رياضيه) انما يكمن السر في كيفية الهوي( ونحن بنعرفها اكتر منكم

يمكنك سيدي الرجل ان تتزوج ثانيه وثالثه ورابعه ولكن لا يمكنك ان تهوي الا واحده( ببساطه لانو عندك قلب واحد وليس قفة قلوب) ثم ان الزواج غالبا ما يكون نتيجه للحب ولكن الحب ليس نتيجة لشئ وليس لديه سبب ولا يخضع لاي قانون من قوانين الطبيعه انما هو(قدر من الله )ولو اصابك هذا القدر مرتين لارداك قتيلا

(المرأه يمكنها ان تكون مصدر سعاده او شقاء للرجل وذلك لانها تملك سحرا تستخدمه وقتما شاءت بالكيفيه التي تري (عشان كده اعملوا حسابكم

من الظلم ان يطلب الرجل من المرأه ان تكون كما يريدها من حيث الشكل والمظهر (علي طول الخط) فهي كما تتزين وتتعطر وتتهندم له ايضا تتطبخ وتغسل وتربي اطفالا لذلك عليه ان يتقبل احيانا رائحة الثوم والبصل وبعض بقع الزيت علي ثوبها ويتذكر انها تصارع في معركه طاحنه مع واجباتها المنزليه(والتي ايضا حضرته لايقبل التقصير فيها) وقد يداهمها الوقت ولا تتمكن ان تنتظره كما يحب وذلك احيانا وليس دائما ولو من باب التغير فقط

وللرجال مشاكل لا اول لها ولا اخر( بس حسي العيال لاخمني شويه )لكن لنا عوده باذن الله

سيدتي ام احمد اولاً المرأه ليست كامله بطبيعتها الروحانيه ويمكن ان تعشق اكتر من واحد اوتحيد من شخص الي اخر ولا لما كانت الشواكيش ولا الخيانه الزوجيه
ثانياً: الرجل يهوي ممكن الشارع كله لو هو في بيته ما بلقي الدفئ المطلوب ولا الحنان والانوثه من زوجته ودي حقيقه.
ثالثاً: صاح يكمن السر في كيفية الهوي انا معاك لكن الميل القلبي ده ما شرط فيه الاولي ولا الرابعه هو شي من ربنا سبحانه وتعالي بقذفه في قلبك وانتهي الموضوع.
رابعاً: كدي نحن نسلم بي شي هنا من حق الرجل المسلم الزواج باربعه نساء مدام توفرت الاسباب لذلك. وده حكم شرعي ما قابل لي عليك الله وانا حلوه ولا شينه ولا ما لي ما احلي منها.
خامساً: صاح المره ممكن تكون مصدر سعاده لكن شقاء دي الا يكون ما عنده شخصيه والله اعرس تاني يوم اخليها تلف حولين نفسها. لكن لي نصل لي المرحله دي نحن ما نكون حلوين مع بعض وماتكوني مصدر راحه وامان وهنا واطمئنان للرجل سيدتي بعدين الراجل بشتهي زوجته كيفماء اراد وكيفماء شاء واعتقد المراه بتكون سعيده بي زوجها البحبها وبقدره وبموت فيها طيب اعملي ليه الحاجات البحبها من اكل لبس اي شي بس ما تكوني سلبيه الموضوع ما موضوع ريحة توم وبصل الموضوع بي ريحة التوم دي بسمه وضحكه واستقبال جميل والرجال دي كلهم بموتوا في الحنيه كلميتن برقد صلطه.
وذي ما قلتي مرات مرات ممكن ما تلحق تتزبط قبل وصوله لكن ما تنوم في الخط طوالي مبشتنه ومنكشه والحنك يتاع العيال ده اوكي عرفناه لكن ما علي حساب بابا كمان لازوم تتعلم المرأه كيف تستثمر الوقت وكيف ترضي كل الاطراف وانا اعني الرضا مش تميل علي جنب وتخلي الاخر حتي الرجل ما بحب اولاده يكونوا مبهدلين.

في النهاية في يديك سيدتي مفاتيح السعاده استعملي سحرك في التحكم بتحريك الاشياء من حولك لكن قلنا السحر الجميل ما بتاع الفقره ذي ناس دايراه خاتم في صباعي
ديل اعتقد جيل انتهي ونحن جيل واعي ومدرك لتضحيات الطرف الاخر في ارضاء الاول وبالعكس.

بس عشان نكمل الحلقه دي انصحكم بالزواج من شباب وفارق العمر ما يكون كبير عشان تتقارب وجهات النظر.