آلانا

Obama الأحد مارس 07 2010, 12:12

آلانا دي يا جماعه كانت مسلسل زماااان (لكين ما زمان شديد).. الانا بنت عندها اله زمن وبتسافر بيها ..المهم الناس كانت متابعه المسلسل شديد..مع انو كان بالقطاعي..حلقه كل اسبوع.. ناس حلمنتيش كتبو قصيده عنها

هى زى هبهانة وما هبهانة

وزى بنانة وما بنانة

غايتو نحن مجننانا

حتة حتة مكسرانا

لسة ما عرفتوها برضو

دى ما ألانا

ألانا خلتنا عاد ننضم برانا

غايتو لو سكنت حدانا

نحن ما الله معانا

ألانا ما بتاكل فتة اصلو

وما بتمشى الاجزجانة

فيها حاجات مغلغلانا

تلاتة شامات جنب خدودا وجنب اضانا

اضانا زاتا مطنشانا

تلاتة حاجات لاها وحدى ولا توأيز

وفيها أيز اى واحد شافا مرة

الجماعة رقدوا خردة

أولزا بيبل راقدين جنايز

اف انا مرة اغتربت

ولى امورى اورقانايز

لى ابوها جوة هاوسو بمشى ليهو وما بلاوز

اصلى حربى وفقرى ييشن

اقولوا امايستميشن انى يور دوتا

رهيبة وليها عايز اعرسيشن

اف هو قال لى رافضيشن

ولى عيونو حمريشن

بقولو ليشن وبالحجارة بجدعيشن

وابقى بيشن

ألانا جاتنا فى الخرطوم هنا

الجماعة جنس دفر وجنس عفص

وجنس كبع وحريمنا عاد فتحولو تب

من الزعل داير ينفقع

ألانا جاية من استراليا

جكسينا عاد امبدة والديم والربع

ألانا جاية من استراليا

لابسة جنز بلوزة غالية

جكسينا ناس جكس العباية

وفى العباية قماش ملاية

ألانا جاتنا بقوها زى ست الودع

جاها واحد قال ليها يا ألانا

جرى كبسولة الزمن دى شهرين لى قدام

شوفينى بعد الامتحانات بباصى ولا بتشلع

جاتا وحدى قالت ليها الرسول يا ألانا

تجرى كبسولة الزمن دى عشرين سنة

شوفينى بتزوج ولا شاكوش بتلبع

بعدين ألانا لا بتنخلط ولا بتقتنع

الا لى انا دة فقرى جدا مطلع

انا عاد بخاف

قلت ليها ارح نقعد فى سنة تلاتة الاف

وفو مشينا سنة تلاتة الاف

قلت ليها تعرفى ناس القرن العشرين

ناس متخلفين ••• سفر بالطيارة

وكمبيوترات وجنس عوارة

اها قمنا راجعين كبسولة الزمن ضهبت

وقعت بينا فى امبدة جنب المزارع

نزلت منها ألانا شافت الناس بتاكل فى الكوارع

جرت للكمبيوتر قالت ليهو يااى

نحن فى ياتو زمن ؟

قال ليها نحن فى الزمن الضائع

ألانا معاها وحدى قالوا جانا

يعنى بس بالشايقى جينى

يالحلوى وظريفى

الكريشة ماها ظاهرى والرويس تب ماهو نيفى

جينى قمى وكونوا زاتا نشوفا نحنا

دى زاتا نعمى

والشايقى فيها اندهش داير

يقول دة الشغل قال دى الخدمى

يا وجع ساكن كلانا

الا جد جد وبامانة فى بناتنا بنلقى

مليون زى ألانا

فى السماحة عسل بدفق

ومسخن سكر كنانة

وفى العلم افكار دؤوبة

شان يطوروا مستوانا

فى بناتنا بنلقى حاجة ما بنلقاها فى ألانا

فيهن العفة الرزانة

وفيهن الامل البيضوى

فى مدنا وفى قرانا

onatee الإثنين مارس 08 2010, 12:44

كح كح كح ....وووب علي جنس غبار ..
تصدق بالله يااوباما المسلسل دا انا كنت بحضرو لكن شي افهمو وشي ما افهمو كل العارفاهو انو المسلسل حلو وكذلك البطلة.

بالمناسبه انا كانو بقولو لي اني بشبها لووووووووووووول
( مااااالي انا زاتي حلاتي )

abogola الثلاثاء مارس 09 2010, 17:15

ده مسلسل تركي مدبلج بس بأي لغة . Laughing

Q.T الثلاثاء مارس 09 2010, 20:22

حلوه القصيده ...
للأسف مابعرف الانا دي .. مع انو شكلها كانت ظريفه Wink

برعي الثلاثاء مارس 09 2010, 21:24

عيييييييييييييييييييييك !!! والله رجعتنا زمن طويل يا اوباما
أكثر من 13 سنة..The Girl from Tomorrow كان واحد من امتع المسلسلات الحضرتها..والله اتمنيت لو يعيدوه تاني...
معليش يااوباما طبعا البرالمة ديل كلهم مابيتذكرو المسلسل دا عشان كدا ما حيفهمو القصيدة الظريفة دي...
عموما دي مشاهد من مسلسل (الانا) The Girl form Tomorow

أتمنى لكم لحظات جميلة

You Will Find more on Youtube

Obama الأربعاء مارس 10 2010, 02:25

ايواااا دايرين تعملو فيها مولودين في التسعينات ..واحده تكحكح وواحد عامل ما فاهم وواحده نكرتو حطب عديل ..

خليكم شجعان زي برعي دا..لكين انت زودتها يا برعي.. في داعي لي 13 سنه دي : Evil or Very Mad

onatee الأربعاء مارس 10 2010, 08:42

اوباما ركز انا قلت ليك حضرتووووووو

تينة الجمعة مارس 12 2010, 02:55

المسلسل جميل والقصيدة اجمل
بصراحة انت بتجيب اشياء مبااااااااااالغة "الغربة تعمل اكتر من كده"

Obama السبت مارس 13 2010, 01:46

بالمناسبه انا كانو بقولو لي اني بشبها لووووووووووووول
( مااااالي انا زاتي حلاتي )

الا جد جد وبامانة فى بناتنا بنلقى

مليون زى ألانا

فى السماحة عسل بدفق

ومسخن سكر كنانة

وفى العلم افكار دؤوبة

شان يطوروا مستوانا

فى بناتنا بنلقى حاجة ما بنلقاها فى ألانا

فيهن العفة الرزانة

وفيهن الامل البيضوى

فى مدنا وفى قرانا

ا