,,-,,-,,المنتدي بشكل جديد ,,-,,-,,

سلام بشير والله بالجد ما شاء الله انا قايل نفسي دخلته مكان تاني ايوه كده نحن اصحاب الالوان والتراكيب الملونه عشان كده لازم نكون كده بالجد ماشاء الله شديد عديل كده حتي الخطوط حلوه شديد يا سيدي ربنا يديكم العافيه وبالتوفيق دوللي ومشكوره كتير يا ستي لكن ان شاءالله عشان تتفرغتي لي كتاباتك الحلوه ومرحب اوباما ان شاء الله بالتوفيق شباب ومشكورين كلكم لكن والله حلو المنتدي وان شاء الشكل الجديد يكون بوابه لي جذب اعضاء جدد.
وكل عام وانتم بخير انا مسافر السودان اغطس شويه وبرجع اواصل مشواري معاكم ( مشوار الكوارث). اكيد
شباب كل عام وانتم بالف خير

اهليييييييييييييييييييين
سنة وردية وحلوة عليكم يارب زي حلاة المنتدى واكتر
الشكل الجديد لذيييييييذ تسلم يا بشير
تغطس وتطلع بالسلامة يا مهند
اوباما مبرووووووك المنصب الجديد

OPsss مبروك يااوباما نسيت اهنيك ع المنصب ...
وتاني شكرا" يابيشو وذي ماقلت ليك اذا الاجمل موجود ليه لأ ..
تحياتي ...

احم احم ..السلام عليكم والسنه الجديده تكون كلها خير عليكم..انا سنتي باسطه غايتو بديتها بمشرف..مين عارف يمكن تنتهي وانا رئيس جمهوريه ولا حاجه..




انا معترض يا مدير علي اللون الجديد دا..لانو قريب للاحمر..وانت عارف انو الاغلبيه في المنتدي هلالاب..كما لايخفي عليك انو الهلال شايل الكاسات كلها السنه دي ..وانا بطالبك بانك تكون حيادي في الحته دي

التوقيع :اوباما مركب مكنتو الجديده ..لكين شكلو ح يترف قبل ما يتهنا بيها

سلام لكل الشباب كل سنة وانتو طيبين ولامين
شكرا يامدير علي اهتمامك بالمنتدي وهويرتدي ثوب جديدفي احتفالية العام الجديد مزيدمن الابداع
اعزرونا ياشباب علي الانقطاع حنطل عليكم من حين لاخر

shoosh كتب:

لون باهت وبناتي بحت ... انا جد خجلت انو المدراء بشير وبرعي واوباما ..
..

الاخ اشرف , مشكور علي الملاحظات , لكن باين عليك عاينت لشكل المنتدي وشاركت في الموضوع ده بدون ماتمر علي موضوعي الاساسي, يعني بديت من التعاليق ..
أعيد وأكرر تاني انو الشكل ده مامرضي بالنسبه لي شخصيا لكن حاولت اعمل تغيير في شكل المنتدي بعد المطالبات الكتيره من عدد من الاعضاء.. واستغليت بداية السنه الجديده كتاريخ لحدوث تعديل ولو بسيط يتبعه تعديلات اخري من اقتراحاتكم وعلي حسب اتفاق الاعضاء واجماعهم علي شكل محدد..
موضوع ارتباط اللون بالاولاد او البنات في تقديري ده موضوع ثانوي لايرقي انو المناقشه فيهو تاخد اي حيز .. تصنيف الالوان لبناتي واولادي مفروض مايجي منك يا اشرف لانو دي طباع وصفات بناتيه بحته.. مايهمنا هو الشكل المقبول للجميع واللون المقبول للجميع .. واذا اتفق الاعضاء علي لون محدد يتم تطبيقه بدون نقاش .

shoosh كتب:
اتحداكم يامشرفين انكم تقرو واحدة من قصص منتدى(حكاوي الدنيا) بدون ماتزهجو.. لانو نوع الخط دا ينفع عنوان بس ..غير كدا لا.. لانو مضغوط والحروف متداخلة ..حتقولو ممكن تتحكم في نوع الخط من عندك ..اوكي لكن كل القديم نرميه..صدقوني مافي حد يقدر يقرا موضوع كامل بالخط دا بس حاولو تقرو قصة فضايح من الدفعات لمهند وح تتاكدو من كلامي ....

..

انا شخصيا رجعت للموضوع ده ووضح لي الفرق , الخط القديم كان صغيرا جدا ..
ولو في واحد من الاعضاء متذكر القصه بشكلها القديم او كان مهند نفسه متذكر الخط الكتب بيهو القصه ونزلت بيهو ممكن يأكد كلامي ده , حاليا الخط عريض وواضح جدا .. علي حسب تقديري نوع الخط تحديدا هو اكتر حاجه بتميز الثيم الجديد ده .. وعلي العموم رأي بقية الاعضاء هو البحسم الموضوع ده ..
شكرا كتير يا اشرف علي الاهتمام بشكل المنتدي وتطويره ,ارجو انك تواصل في كتابة ملاحظاتك , وارجو من بقية الاعضاء الاضافه وتقديم الرأي

اهلييييييييييييين
ممكن اكون متفقة مع ابو الشوش في اللون بس الخط بالعكس
بيقى اوضح وافضل

onatee كتب:OPsss مبروك يااوباما نسيت اهنيك ع المنصب ...
وتاني شكرا" يابيشو وذي ماقلت ليك اذا الاجمل موجود ليه لأ ..
تحياتي ...

هلاااا يااشرف كيف اخبارك ..
الشكل الجديد عموما" احسن من القديم دا راي لانو القديم هو الباهت والوانو باهته وذي ماقال بيشو ممكن الناس تتشاور وتخت الشكل النهائي وانا في انتظار اللنك من بيشو عشان اقترح عليهو اقتراحي ونشوف الناس رايهم شنو ...وتاني بقول اذا في الاحلي ليه لأ ...؟؟
اما بخصوص الخط اممممم انا شايفة برضو انو دا كويس ...
وفي النهايه كلنا اكيد ح نتفق ع حاجة مرضية للجميع وتمثل الكلية باحسن صورة ...
تحياتي ،،،

مرحبا...
والله يا أشرف انا شخصيا" ماكنت بجامل لما قلت إنو كده احلى لأنو المنتدى فعلا كانت الوانو كئيبه وماجميله نهائي يعني هسه احسن مقارنة" بالأول بس طبعا ممكن يكون احسن من كده