الرد كاسل رفع راسنا ولكن اخرين فلقونا في راسنا

محمد الخميس نوفمبر 19 2009, 20:32

< انا اول مرة اشوف لي ناس (مخلوعين) من استادهم حقتهم.

< معقولة يا جماعة الناس وصلوا كاس العالم وانتوا فرحانين عشان استاد المريخ سوف يلعب فيه منتخب مصر ومنتخب الجزائر.

< هسع العالمية في الموضوع دا شنو؟.

< ان شاءالله يدوكم 6 نقاط في الدوري الممتاز علي تنظيمكم للمباراة دي.

< المريخاب يوم المباراة بدخلوا بشجعوا (النجيلة).

< البرازيل وانجلترا لعبت في الدوحة واقيمت في اجمل استاد عربي ...مع ذلك ما سمعت لي قطري واحد بتكلم عن الاستاد.

< دا شنو البتعملوا فيه دا؟.

< ان شاءالله نجيلتكم دي تمشي تلعب في كأس العالم.

< يا جماعة ما تحرجونا ...اطوروا شوية ...استادكم دي خايف بعد المباراة ناس الجزائر يشكوا منو؟.

< واحتمال المصريون برضو يشكوا منو؟.

< ما تسمعوا الكلام البقولوا ليكم قبل المباراة ...عشان اي مسؤول مصري او جزائري لازم يقول ليه كلام سمح قبل المباراة عشان يكسب الناس.

< والله انت يا جمال الوالي ليك حق تركز في (الاستاد).

< النجيلة بقت اخير ليكم من وارغو.

والله الحديث عن التاريخ (المصنوع) دا اخير ليكم من الحديث عن النجيلة والكراسي والطابق التاني.

< بعدين انتوا ما عندكم طريقة تتكلموا في الدوري الممتاز (الفرق 10 نقاط).

< ولا عندكم طريقة تتحدثوا عن البطولة الافريقية (الخسارة من الهلال بثلاثية).

< قنعوا من وارغو ومن طمبل ومن كلتشي...وبقوا يتحدثوا عن (الاستاد).

< املهم في الدنيا دي كلو اتحصر في (النجيلة).

< عليكم الله ما تحرجونا مع الضيوف ساكت.

< طبعا الجماعة ديل (ضلنا).

< اكيد الضيوف ما عارفين المعلومة دي.

< كنا ما عاوزين نجيب سيرة للموضوع دا..لكن الجماعة ديل فلقونا بي الكلام (الدراب).

< الاستاد سمح والنجيلة جميلة والاضاءة عجيبة.

< تتخيلوا صحف المريخ وقت تعمل ليها حوار مع لاعب من احد المنتخبات او مع احد اعضاء الجهاز الفني..تتخيلوا الصحيفة بتقول للاعب او المدرب شنو؟.

< بقولوا ليه : اها رأيك شنو في الطابق التاني؟.

< الاضاءة كيف؟.

< احرجتونا.

< بالله صحف المريخ كلها بتتحدث عن (الاستاد)..نسوا الجزائر ونسوا مصر وقعدوا يتحدثوا عن (الكراسي).

ملاحظه:يا بشير استاد الهنأ