طاقية الاخفاء

سلامات ياحلوين ...

القصه دي كنت عاوزة اكتبها ليكم امبارح بس كنت مزروووووورة في الشغل وماممكن اختصر تفاصيلها المضحكة ... هههه
المهم ...
القصة حصلت ليها 3 يوم ...
المكان : الترحيل بتاعنا - ترحيل الشركة طبعا " - في ناس هنا حالتهم صعبة ومابجمعو بالساهل- يفتكروترحيل تاني- لانهم بشتغلو night shift ذي بيشو لووووووول ..
الزمان : الساعة 5 العصر
البطل : سائق الترحيل - زول طيب شديد وجدع
اليكم القصة ....
فجاءة واثناء ما سائق الترحيل موصلني وكنت اخر واحدة في الترحيل قام قال لي : عارفة يارانيا طاقية الاخفاء ؟؟؟
قمت نططت عيوني وسالتو : مالها ؟؟؟ بتعرف بتتباع وين ؟؟؟
قام ضحك وقال لي انت عاوزة واحدة ؟
رديت اكيد طبعا " ودا كلوووووووووو وانا واخدة الموضوع هظار .
قال لي : هي ما بتتباع لكن بتتعمل ....!!!
نططت عيوني زيادة لانو بالجد انا نفسي فيها ( ماتضحكو )
قلت ليو كيف ؟
قال : تجيبي 10 قعونجات وانا في اللحظة انفجرت بالضحك هههههههههههه 10 شنو قول تاني !!!
قال :10 قعونجات وواصل كلامو بكل جدية ..
تقومي تضبحيهم وبررررررررضو انفجرت بالضحك وهو مازال جادي ... وقبل مايواصل سالتو : انشااااااءالله انا الحاقبض القعونجات دي ( لاني بقرف منهم )؟؟؟
رد : طبعاااا مش انت العاوزة الطاقية ؟؟
اقلت : اها واصل كلامك ...
تقومي تسلخي القعونجات وتجيبي يد الفندق وتدقيها وتدبغيها
وتعملي منها طاقية وتلبسي الطاقية وقبل ماتجي صلاة الصبح تصلي وتقولي ليك اوراد وتصلي لكن في مكان خلاء ولما يجي الصبح تصلي وتقري ليك اوراد ( السر يكمن في الاوراد دي ياجماعة )وتفضلي قاااااعدة لمممممما يجيك الضهر وانت في حتتك دي وتصلي وتقري الاوراد يلا يا رانيا انتظري العصر وصليهو واقري تاااااااني الاوراد وبعد تنتهي عايني لضلك ح تلقيهو بدأ يختفي شوية شوية وبكدا تكوني انتي اختفيتي ( وانا الضحك قطع لي مصاريني من جوة بس مسكت نفسي )
قال لي : اها شفتي كيف الموضوع ساهل ودي حاجة مجربة يارانيا ...
رديت وانا متفطسة من الضحك : طبعا اكيييييييييييييييييد سااااااهل
واكييييييييييييد ح اختفي بما انو انا قاعدة ومتقمبرة في حتة وااااااحدة من الصبح لحدي العصر ...

توتة توتة خلصت الحدوتة
ومازال بطل القصة مصر علي فعالية طاقية القعونجات ...

اوباما & اشرف
سعدت بمروركم الكريم