اصل القصة!!!!!

Obama الأربعاء أغسطس 26 2009, 03:08

بيني وبينها

اصل القصة حكاية ،

اسمح بت في كل الحِلة

وكل الناس سموها هناية

عشان زي اسمها كلو جمال

وفوق بنوت الحلة ماخدها الشاية

في جواي مغروسة

فسيلة نخلة

من النيل الوافي رحيقها

ومن الليل الحاني نسيمها

ومن تكوين الكلمة الاولى

نشيدنا

,اه من لهجك

فيه خليط اللهج الحالي

وفيه دوايا

اتلاقينا

وصبح الحلة الصافي بزغرد

اتقالدنا على وعدا مكتوب في الخاطر

واتفارقنا

على كلمة نتلاقي اكيد

والمولى يشئ

وانت معايا.

ويوم في فجرا فيه سموم الصيف

الحارق

جوة حشايا

فوق المسجد

بعد اوراد الفجر وصلاتو

جانا غفير الحلة اتنحنح

وقال يا ناس

ادوني هناية!

ناسا فورا قالوا نبارك

وناسا

زيي ،

حردو ومرقوا

وبرطموا

قال ادوهو هِناية !!!

واتوجهت حداه النيل

لقيتو اتوسد قلبي لداية

حضنت القيفة الكانت نادية

لقيتها

اتيبس فيها الطين

واتحجر

وجوة اتكوم فيني اسايا

شعر د.محمد حسن