ياعــــــــــــمو لا

abogola الأحد مايو 31 2009, 21:14

واحد خطب ليهو واحدة واهلها جننو بالطلبات سافر للسعودية لكي يقدر أن يوفر لهم طلباتهم وعندما حضر وجد البنت عرسوها لرجل كبير في السن فكتب الآتي :
ياعمو لا
البت بكت البت شكت قالت ابيت
الأم حلفت تحججه وغشيت ابوها اديتو بيت
بيتك انيق عربية بيجو ومرسديس
قايل العرس حزمة قروش
قايل الفساتين والتياب
قايل الزخارف والنقوش
كل السعادة في الزواج الريدة بس
والباقي في حكم الرتوش
ياعمو لا .. ياعمو لا .. ياعمو لا
ياعمو بتك قدره وامكن تكون اصغر من عمره
ياعمو بعد الشيب تعب ناس الرطوبة في العضام والسكري العشرين صليب
ياعمو كملت السمك داير كمان تشرب حليب
ياعمو لا..
بالله حتقول شنو لمن تجيك وتكلمها
حتقول اقة اللحم السمين بقت بقرش!!!
والويكة مفروشة فروشة في السودان بالبرش!!!
عقلك يعود للماضي تمنين سنة يخرب مشاعر خدره دوب يشقي البنية ويالمها
وخليك كمان يادون جوان عمر الشريف خليك ظريف
جايز تعيش معاك زي راهبة في دير وجايز تخونك ياعوير
ياعمو داير تبقى جوز امشي الحديقة بتلقى حاجة بتشبهك قدامه موز
شمبانزي لاكن ما عجوز بتعجبني ليك وبندورا ليك
ياعمو داير تهج احسن تحج
كتر صلاتك والصيام ومن سجودك والقيام
واعرف تمام عرس الصقر من الحمام اكبر حرام ؟؟؟؟؟؟؟؟؟؟؟؟؟؟؟؟؟؟؟

بشير كمبال الأحد مايو 31 2009, 21:49

ياعمو داير تبقى جوز امشي الحديقة بتلقى حاجة بتشبهك قدامه موز

هههههه الزول ده متضايق شديد ..

ياعــــــــــــمو لا

ياعــــــــــــمو لا

رد: ياعــــــــــــمو لا