احزر بيوت العزابا

sabri .m .s الأربعاء مايو 06 2009, 22:41

أقولها نصيحة ليك يا بابا
أحذر جيرة العذابة
أهل الضمنة والكشتينة
ديل أهل الطباع الشينة
ليهم مرة نحن مشينا
لا إتغدينا لا إتعشينا
***
لو وقعت ما بتنحل
حتى إن كان بقيت زي بله
ديل القوم في أي محله
نص الليل بشدوا الحلة
***
يعبوا البيت زي الباخرة
ما بعرفوا السراير الفاخرة
دفاتر الكل عليهم ساخرة
أصلوا خلاص بقت دين آخرة
يخلوا البيت مبشتن ديمة
يدخًلوا فيه عدة قديمة
كمان لو فيه شجرة نيمة
يكون وسخان وحالتو أليمه
***
الملاية ما مفروشة
وجوه الأوضة قامت كوشه
ست البيت تكورك فيهم
ديل أخواننا ضربوا قروشا
***
الغسًال يكورك فيهم
والتاجر أبا يديهم
والجزار مشرك ليهم خلاص يا اخواننا عرفوا الفيهم
زحمة شديدة في الشماعة
ريحة كريهة في البلاعة
ديل في الحلة عملوا مجاعة
شفطوا القدرة في نص ساعة
***
ضد العرس رفعوا الراية
ديل إنحلًوا من الداية
لا تطعيم كمان لا رعاية

Obama الخميس مايو 07 2009, 13:10

دي لذيذه جدا ياخ... cheers

farah الخميس مايو 07 2009, 15:39

حلوة والله .
لكن نحذر بيوت العزابة ولا نحذر العذوبية يا sabri . lol!

محمد الخميس مايو 07 2009, 15:57

farah كتب:
لكن نحذر بيوت العزابة ولا نحذر العذوبية يا sabri .

تحذيري ارهابي bounce

sabri انت

تسلم..

برعي الجمعة مايو 08 2009, 21:07

ليه كدا ياصبري؟؟
ما كل العزابه عزابة!!
عموما كلامك ظريييف وعذب بس كان توديهو (عذب الكلام)

abogola الخميس يونيو 04 2009, 07:51

شرار القوم عزابهم الله يحلنا من العزابة والعزوبية واكل الطعمية

ودفاتر اليومية وعدم الماهية والركوب من الردمية اللهم زوجنا بنت
الحلال الهنية ورضية تنسينا عيشة العزابة الغلابة ونفارق حالة التابة

حالة تحنن وعزوبية تجنن بشتنة وخراب ديار DOWN

[center]

بشير كمبال الخميس يونيو 04 2009, 20:49

يااخوانا صبري ده اختفي كده وين!!
وبمناسبة العزابه :
قالو واحد مسطول عندو جيرانه عذابه قاعدين ليهم سنين , يوم من الايام جا واحد طلب منو ايد بتو
.. قال ليهو بتي علي الطلاق كان تقعد عمرها كلو بلا عرس مابديها لواحد عزابي !!

احزر بيوت العزابا

احزر بيوت العزابا

رد: احزر بيوت العزابا

رد: احزر بيوت العزابا

رد: احزر بيوت العزابا

رد: احزر بيوت العزابا

رد

رد: احزر بيوت العزابا