أغاني الحوت تشكل حياتي

{عندي كلمة} عن قصتي و{حكايتي معاك} أنتي {من زمان} عايزه كدا كنت {عمري} ما فكر في غيرك تتذكري {السنين} الحلوة الجمعتنا و{دنيتنا الجميلة} و{الحنين} الكان بينا كنا ذي {توأم روح} ما بنفترق وبتقولي لي أنت الناس دي {سيدا} وأنا {يا روحي} {برتاح ليك} وأتمني أعيش {عمري} كلو معاك ما{الزمن زمانك}.

وفي يوم من الأيام قلتي لي {يا الوسيم} ما {تسيب عنادك} وخلي فكرة { السفر} دي لكن أنا أقنعتك ما أنتي إنسانة {سكرية} و{قنوعة} يا {ست الفريق} أنتي بالنسبة لي { الحلم الجميل} وصيتك عن حبنا {وخلي بالك} من روحك و{اكتبي لي} عنك وعن {تباريح الهوى} وقلت ليك كمان {ما تشيلي هم} أنا {الحنين ألبي} ما ح يخليني {أنساك} ولا انسي الأيام {الفرايحية} لأنو {احلي منك} ما شايف وقلبي {مفتون بيك} وعتيني ما تتخلي عني وأنتي تبكي وتصرخي {تفارق كيف} وامسح دموعك {يا عيوني ما تبكي} طبطبتك لمن { قطاري أتخر} ودعتك وقلتي لي {مع السلامة} وسافرت.

وان في الغربة رسلت كم {جواب للبلد}{ بسال عليك} ولا رد منك وصلني وشوفتك الـ{بفرح بيها} اتحرمت منها وحاسس انو قلبي ما {ساب البلد} معاي خليتو يحرسك واصبر في روحي وانا {سامع صمتك} وزادني {شوق العيون} وهب لي {لهيب الشوق} واتمنيت {وعد اللقيا } البينا يتحقق ولما {هجت الأنام} اقعد أتذكرك يا {اللالاية} يوم زواجنا {أفكر فيه واتامل} وعقلي شارد و{قلبي ماهو شديد} و{مرت الأيام} و{عدت سنة} و{النار ولعت } وما ستحملت الفراق ورجعت ليك لكن الصدمة الكبرى {لقيتك} نسيتي اى شي و{غدر الزمن} بي حبي ولازمت الصمت والفرار {وسكت الرباب} {معقولة بس} البينا بالسرعة دي انتهت وراحت علي.

دا {كلو منك} يا قلبي {كدا برضو} بالبساطة دي {خدعوك}{يا عمر} ضعت {في 60} داهية و{اتفضلي} يا جراح ويا هم ويا وحده يا عٌزال {ما بلومكم} الليلة الحزن {وافر ضراعو}.

قلت {العودة تأني} للغربة وأنا ماشي بـ{غصن الرياض} البنتلاقيا فيه زمان سمعت صوت اندهشتا الصوت ما غريب علي دا صوتك أنتي بتبكي عشان الخليتنيني عشانه هو خلاك عشان غيرك.

ودموعي {طروني ليك} ولي حبك وعيوني بسالوا {شنو الحاصل} وحاولت أقرب منك لكن عقلي قال لي {جاي تفتش الماضي} تأني و{بعد الفراق} ما بتهمك و{الفات زمان } مات زمان وداير تفتح الجرح {من أول جديد} وطوالي تكون {شايل جراح} ياخي {الله يكون في عونك} مش قلبها {هو الاختار}البعاد وبعدين {منو القاليك} أنها تستحق ونسيت الـ{قســـــــــــــــوة}.
لكن قلتي ليهو هي حبي الاول والأخير وهي {شمس المزاد} و{شذي الأيام} و{سمحة الصدف} لأنو {دروب الشوق } لمتنا تأني لأنو أنت {البيه ما حاصل} وضميتك لي يا{أمل موعود} وفي {النهايات} نحن مع بعض.


الكلام دا طبعا قبال سنين واسي عندنا {العباس} و{خادم النبي}.



(خ)