صينية الفطور

ازيكم و الله يا جماعة مشتاقة ليكم....
وكل سنة و انتو طيبين...
احلى حاجة في الضحية اللمى...الاسرة كلــــها بتكون ملمومة..وكل زول ماسك حاجة
البقطع اللحمة ..والبقطع السلطة...و البنضف الكمونية...و البكنس في الحوش......الخ
و العجب الشية بكون شغالين فيها عشرة..وريحتى تجيب العشرة الباقين..اها ويبدو يلقطو ما تنجط قطعة الا تتخطف
و هناك يكوركو..يا جماعة الشية دي ما كملتوها ..انا طبعا من الناس البلقطو ولما تتخت الصينية بكون شبعااانة من الشية
بس لاكن بفوت قعدة الصينية!! ابدا اللمة والونسة والضحك.....وكل زول يقعد يمدح في الصحن العملو ..و جكاكة الشربوت
ططاقش.................................................
يا جماعة ما محتاجين عزومة انتو ادخلو واقعودو في الصينية دي...وكل زول يقول الداير يقولو ..ويورينا بعمل شنو
واكتر صحن بيريدو.....
يا شباب ما تفوتو قعدة الراكوبة دي و الهمبريب ضارب..وصينية فطور الضحية بتعاين ليكم..و البنابر مرصوصة
انا امشي اجيب زيادة الدمعة دي واجيكم....ما اجي القاكم كملتو الشية....

والله حقيقه الانسان مابعرف قيمة الشئ الا لمن يفقدو .. يعني يارنو لو كنتي معيده في السودان ماكان لاحظتي للحاجات الحلوه العندنا في العيد ولا كان كتبتي لينا موضوعك الجميل ده البخلي الواحد جري يشارك يكتب فيهو .. وكمان محمد ماصدق طوالي خش معاك في نفس الخط ..
العيد الكبير او عيد الضحيه ده دائما بختلف كتير عن بقية الاعياد .. اللمه فيهو بتكون كبيره والخروف ببقي احلي موضوع .. انا السنه الفاتت ماعيدت في البيت وفاتني الكتير .. لكن الحمدلله السنه اتوفقت انو اأعيد مع الاهل ومشيت عزلت الخروف برااااي .. حاجه قبافه كده .. بس مابعرف اضبح والله وانتظرنا لحدي الساعه 9 ونص نفتش في ضباح .. المهم ضبحنا متاخرين شويه .. وبع داك مشيت رقدت منتظر الشيه ..الحاجه الله يديها العافيه ماشاءالله خبره في الشيه والشربوت ..
اكلت جنس اكل في الدنيا دي ههههههه وما خليت اي حته في الخروف .. بالجد .. خروفنا عملت فيهو عمايل ..
كل سنه وانتو طيبين وانشاءالله يارنو السنه جايه معيده في يتك وبي خروفك وفي بلدك ..

قعدة الراكوبة... الهمبريب ضارب...البنابر مرصوصة..طبعا التلاتة حاجات دي لميت فيها العيد دا لأني عيدت في بلدنا (المحمية) حيث الطبيعة والخضرة والمناظر الخلابة....
الخروف وماأدراك ماالخروف..هو خروف واحد؟ مجموعة خرفان..اليوم الاول مع خالي.. فطور كاااااااااارب كدا أصلو مابشبه فطور الخرطوم.ضربت في اللحمة دي لمن فترت..الغدا كان مع عمنا..خروف تاني, ونفس الشعور...اليوم الثاني مع ود عمتنا..خروف تالت, و نفس الملامح والشبة..الطعم ياهو الطعم, والاسمح من كدا! القعدة والونسة واللمة الحلوة..لمة البلد والناس الحنان..
اللهم اعدها الينا خرافا بعد خراف...والماضبح السنة دي يضبح السنة الجاية انشاءالله

ازيكم ..كيف اصبحتو؟؟
عاد يا محمد اقوم اجيب زيادة الدمعة دي اجي القاك كملت السلطة و لحست الشطة....المرة دي يقوم زول تاني يجيب الزيادة
انا عارفة شطتي سمحة...معني ما باكل الشطة..بس بزبطى ديـــك يا الشطة الخضراء المدقوقة و التوم ومعاها حبت شطة حمراء ام عيون
والدكوة والليمون...اجري يا دولي جيبي جك الموية دا الناس ولعت....
هههههههههه مديدة البلح اخير من العدم....
صحي يا بيشو عيد السودان ما بتعوووووض....قلت لي جبت الخروف انت عاد القيافة دي اشك فيها
دا ما بيقى ليكم غداء ..و النوم الواقع فيه شنو ما تقوم تهب ليك جمر و لاتقطع ليك لحمة..الحاجة الله يديها العافية وطولت العمر و يخليها ليكم يارب
ينفعك ويرقعك انشاءالله الاكل
امين يا بيشو يا خوي...
عاد يا برعي العيد ما عندك..صحي عيد البلد عندو طعم تاني..شوفت النفس دي بتتفتح كيف للاكل,انا السنة الفاتت عيدت في مروي صحي دا العيد
ما شاءالله تاني سنة يابرعي ما تاكل لحمة..
انشاءالله السنة الجاية كلكم بخرفانكم وتامين وسالمين و ملمومين..
ياخوانا حلفتكم ماتقومو من الصينية دي الاكل رااااااقد..انتو كان سألتكم باقي الناس ديل مشو وين دي ساعت حوامة
بشير قوم نادي البنات ديل ..خايتو جنس حالة...
انا كوركو لي ..هس بجيكم راجعة...

عليك الله يا رانيا ناوليني صحن شيه الحله...يا محمد جولوجيا ياخي كملت الشطه...شيه الجمر دي انا ما حاكل منها لانو انا النجضتها...عيش شنو ياااا بشبش .اكلو انت العيش دا .

ااااااااااااااااااااخخخخخخخخخخخخخخخخخخخخخخخخخخ

قلبتي علينا المواجع يا رانيا..والله انا لو ما صلينا العيد ما كان عر فت انو في عيد..صلينا العيد ..
صلينا العيد ٢٠ نفر .بعد الصلاه كل زول قام جاري العندو شغل والعندو لكشر ..ياخ انا من الصلاه مشيت لحقت لكشر ...

معلش متاخره لكن الليله يادوووب انا قدرت ادخل المنتدي .... طبعا احنا كان كل يوم خروف وبالتالي شيه مظبطه بس انا طبعا ماكنت واعيه ليها
(بسبب الحادث طبعا )
لكن بالجد قربت ابكي وجعتو لي قلبي ربنا يرجعكم البلد سالمين غانمين ( اهم حاجه ) وانشاءالله دايما تامين وانشاءالله ابدا ماتشوفو شر
رانيا , داليا , ولي , اوباما
وانتو ياالقاعدين معانا لكن في الخلا ربنا يحميكم وانشاءالله اعيادكم كللللللللها متلمين مع ناس البيت .... يارب

ana
ziek ya obama tsdg anta a7san lano ana alsla ma sleat....... kan 3ndi emt7an......w b3d alamt7an
mrgna alb7r geina aliom altani....... w al3ied raaaaaaaaaaaaaaaaaaaaaaaaa7

كل سنة وانتو طيبين
كل سنة وانتو معيدين
كل سنة ونتاوعايدين سالمين غانمين مضحيين
معليش ياشباب اصلوالما ضحي معانا يضحي مع رانيا
ماتكترو من الشطة خصوصا ناس القرحة
شكرا رانيا علي العزومة لكن شية الجمر دايرة شربوت حجيبو ليكم من بلد الشوايقا من مروي
انظرونا الضحية القادمة بي شررررررررررررررررررررررررررررررررررربوتا

اهلين ,كيفكم انشاءالله كويسين
تسلمي يا داليا دا بس من ذوقك
اوباما خلي السلبطى عشان هبيت لي الفحم مرة عامل لي فيها انت السويت الشية
بعدين قول الحمدالله انت فضلت فيها حاجة..قال ما عايز ياكل منها....
يا اوباما و ولي يحليلكم والله حالي احسن منكم بكتييييييييييييير,انشاءالله السنة الجاية معيدين مع اهلكم
ولي انشاءالله تكون اشتغلت كويس
رنوية حمدالله على السلامة ..البركة في سلامتك يختي
العفو يا بشرا بس ما اكلت حاجة.....الشربوت دا كملو الاولاد ديل ..داخلين بكباية ..طالعين بكباية
يا سلاااااااااااام مستنين شربوت مروي بلدي ...شوفتو سمح كيف يا بشرا

والله ما شاء الله صينية كاااااااااااربة!
عملتي لي شنو يا رنو في صحن أم فتفت القلت ليك ضايريهو لي؟ عسى برعي ما يكون قام بيهو!