حوار جاااااااااد بين الجنسين ؟؟!!!

السلام عليكم ورحمة الله وبركاته

اهلين و سهلين و مرحبتين ....

قرأت موضوع بأحد المنتديات

عجبتني فكرته ..و حبيت اطرحه هنا ..... اتمنى يعجبكم

وهو عبارة عن حوار مثير بين فريقين ...

فريق [ شباب ] & فريق [ البنات ]

هناك أمور يكرهها الرجل في المرأه أو لا يستطيع فهمها ...!!

(( و ))

هناك أمور تكرهها المرأة في الرجل أو لا تستطيع فهمها ...!!

وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة ... ( بدون زعل ) ..

و موضوعية وبعيداً عن التعصب حتى نستمتع و نخرج منه بنتائج إيجابية .....

[ بداية الحوار ]

سيقوم فريق البنات بطرح تساؤل عن أمر معين لا يعجبها في الشباب
وسيقوم فريق الشباب بالرد وتبرير الموقف ..!!

وذلك بسؤال واحد للبنات ... مقابل اجابه واحده من الشباب .. و الولد الي يجاوب يطرح سؤال للبنات .. والي ترد عليه تسأل الشباب ...... وهكذا تسير القافله



* ملاحظة :
- يحق للجميع المشاركه وابداء الرأي ..

- أرجوا أن نكون مع الحق دائماً بعيداً عن الإنتماء و التحيز ..وبعيدا عن الاسئله الحساسه الشخصيه ......


(( صافرة البداية ))


اوجة السوال لشباب ...

ليه دايما تمر مرحله على الشباب تسمى (( المعاكسه ))
او الترقيم في الاماكن العامه و الازعاج و المضايقات قد يخرج منها بهدفه مرة و قد يخفق مرات

في بعض الشباب الله يهديهم تستمر معهم
والبعض يمر باالمرحله هاذي ويعدي منها ..................
عايزة اجاباتكم بكل صراحه


,, وبس ,,

اتمنى تعجبكم الفكرة .. ونقدر نستفيد من بعضنا ..
احب ابدأ بسؤال موجه للشباب وهو
كيف بتنظرو الي فتيات الزمن ده بكل صرااااااحة ؟؟؟



تقبلو تحياتي

والله الفكرة رائعة وقبل ماالناس تدخل في النقاش (وما اظن اني اشارك كتير في الموضوع دا)..حابب انو يكون النقاش موضوعي وعلمي...يعني مثلا لو في حاجة سيئة في الاولاد. هل الحاجة دي في اغلبهم ولا الشواز منهم.. وبالمثل للبنت.
بمعني... الناس ماتقيس بالحاجة الشاذة(دي قاعدة علمية)...
مثلا Dolly سالت سؤال: ليه دايما تمر مرحله على الشباب تسمى (( المعاكسه ))؟ قبل الجواب ..في سؤال بفرض نفسو!
هل المرحلة دي بتمر على كل الشباب ام اغلبهم ام جزء قليل منهم؟ اذا كان جزء منهم. معناها انهم شواذ.. اذن لا جدوي من النقاش..اما اذا كانو غالبية..فالنقاش مقبول ويمكن ان نخرج بي نتيجة...
اعزروني اخواني على هذا التعليق ولكن احببت فقط أن اوجه النقاش بحيث يكون موضوعيا وذا فائدة..
ولكم التحية

I am comming

شنو يا شباااااااااااااااب السؤالين صعبين ولا شنو
اختارو اي سؤال وجابو عليهو ,, وزي ماقلت وقال برعي مافي زعل ودي وجهات نظر
انا مستنية الرد
تقبلو تحياتي

افكارك دايما لذيذة يادولي
الشباب شكلو لس ما وصل لاجابة.........

أولا أهني الأخت داليا على الفكرة الجميلة دي وأعتقد انها مخيفة نوعاً ما. وبأمن على كلام أخونا برعي في انو الصفات دي ما عند كل شاب انما عند البعض وحتى البعض بتتفاوت عندهم من حيث الغرض، والكيفية والدرجة. أنا كمثال عمري ما حصل شاغلت أو عاكست بنت. وكذلك بنات الزمن ده، في البنات المسؤولات العارفات الله خلقهم في الدنيا دي ليه وفي البنات الغير كده عشان كده انا بقول ليك سؤالك فضفاض و واسع النطاق حاولي أحصريهو في سؤال محدد موجه لكل الشباب.
تحياتي

تسلمي يا رانيا على الرد واتمنى الاقي اسألتك السخنننننننننننننننننة للشباب ..
وتحياتي ليك يا بن لادن على المرور وولا يهمك نسأل سؤال واحد ومحدد
اذا كنت متزوج وأمك ساكنه معاك في بيتك وحصلت مشكله كبيــــــــــره بين أمك ومرتك.. وسألت كل وحده فيهم عن الي حصل.. بس كل وحده فيهم بتقول كلام غير ومتناقض عن التانيه.. وانت احترت تتصرف وتحل المشكله كيف... حتعمل شنو؟؟؟؟؟؟؟؟
السؤال ما صعب وحستنى اجابتك وليك الحق تسألنا اي سؤال
تقبلو تحيااااتي

دايما اسئلتك صعبه

عليك الله ما تختصر اجاباتك يا اوباما
جاوب على السؤال وليك الحق تسألنا
واحنا نجاوب
مستنية ردك
تقبلو تحياتي

شكلو يا دولي الشباب عايز يخرخر
طيب انا بديكم سؤال بسيط :
لو بنت بادرت بمشاعرها لواحد منكم ,هل حيتقبل و وجهة النظر في مبادرة البنت شنو؟

سؤالك يارانيا محمد عو دا اسهل منو سؤال داليا

رداعلي سؤال داليا :
الموضوع دا بحصل كتير وصعب فعلا,,,لكين الرسول ص حسموـ لما سألوه نفس السؤال ـ اجاب بانو الاولي انو الزوج يبر امو ,,,
معليش ما متذكر نص الحديث

Obama كتب:دا اسهل منو سؤال داليا

رداعلي سؤال داليا :
الموضوع دا بحصل كتير وصعب فعلا,,,لكين الرسول ص حسموـ لما سألوه نفس السؤال ـ اجاب بانو الاولي انو الزوج يبر امو ,,,
معليش ما متذكر نص الحديث

اجابتك ما تامة ,تم الاجابة

أنا حا أجاوب على السؤالين وأمري لله بس لي بكرة عشان أنا مضغوط في الشغل شوية أسئلتكم دي دايرة قعدة وأنا طبعاً ما نقناق زي ما انتو عارفين

داليا كيف الحال ان شاء الله بخير
سؤالك ده سيف ذو حدين بس اوريك لو كانت واقع في مشكله ذي دي اول شي باجر ليها بيت تاني لي زوجتي طبعا والام نمره واحد في حياتي انا مهند الزوجه بتتبدل ,هههههههز
او انت تخت الخطوط الحمراء من الاول عشان تتفادي الاشتباكات لكن صدقيني البعد بخلق الشوق وبقلل المشاكل يعني اسكن بعيد من الاول وريح راسك
اما سؤالك يا رانية بعد والله مشتاقين موت.

عادي من حقها تعبر عن مشاعرها والله انا لو بحبها تكون وفرت علي مشوار ولو مابحبها بكل رحابة صدر بقرب منها شويه بس بغرض امتصاص الصدمه وشويه شويه بتعرف انو حبها ده ممكن يكون بطريقه تانيه ومستمر كتر و ياستي عادي شاكوش ولا تعب قلب يعني نشوكش نحنا بس لكن والله المراءه كائن جميل بس مرات كمان شياطين انا لو كنت بت كان الجامعه كلها وقفتها طابور وراي يعني بتعرفوا كيف تستخدموا خبث النساء بقت علي دي بس.شكيتكم لي الله بس وقفتوا حال الاولاد
مهند سراج الدين

بالجد يا مهند منور و شوقي ليك كميات
شوفت حكمت ربنا طلعت ولد و الحمدالله كان ناس بشير هس يكونو لافين بالصواني
زي ما قالت دولي(دولي سلاماااااات يا عسل) اجابتك دبلوماسية و موزونة وبديك نقطة

طيب سؤال واحد, لمن يقال لهم الجنس الماعارف شنو كدا....بالله عايزكم تجاوبو بي صرااااااااااااحة شديدة..وبدون لف ودوران..السؤال يمكن يكون فيهو احراج شوية لكن انا عارف انتو ح تجاوبوهو وح تردو لينا رد ساااخن...لكن أنا متأكد انكم في النهاية ما ح تقدرو لينا..ماعلينا.. نسأل السؤال....





أخ!! أنا متأسف والله نسيت انو وعدكم قبل كدا اني ما أشارك في الموضوع دا...بكرر اسفي تاني وسحبت السؤال

[b]صعبتها شديييييييييد يابرعي
يعني تدخل وتهيئناوفي النهاية ماتقول السؤال ,, شكلهم الشباب ماقادرين علينا
مش كدا يا رانيا ولا حيقدرو يقيفو قدامنا ..
لو ما سألتونا لحد بكرة حجهز ليكم سؤال تأمنو بيهو بالجد
تقبلو تحياتي

صباحاتكم ورد
على قوليك يا دولي الشباب ما قادر علينا
الحالة نحن لس ما سالنا...دي تسخينة بس... و جاوب بس مهند
يا برعي ما تخاف الخايف منو ما حنسالك ليه

عزرا ايتها الاخوات! انه الهدوء الذي يسبق العاصفة

انا ممكن اسأل صاح???,,,
عندنا عرف في السودان انو الولد لمن يشتغل في السودان بيكون مطلوب منوانو 90% من مرتبو يكون لناس البيت وال 10% يتصرف بيها هو... فى حين انو اذا البت اشتغلت ما في زول عاوز منها حاجه بس 10 % من مرتبا للبيت و ال 90% ليها تتجدع بيها ,,,لييييـــــــــه ???????????

حمد الله على السلامة...

انا بتفق مع دولي في الاجابة و بضيف...
نحن برضو من عاداتنا في السودان الراجل ما بحب يشيل من البت..يعني الاب و الاخوان ما بقبلو تصرف عليهم البت
رغم ان شيئ عادي جدا..و انا شايفة ان مفروض المسئولية تكون مشتركة...

سريع سريع يا (زوائل) اي سؤال نحنا جاهزين


Pssss :لمعرفة معني زوائل فتش المنتدي بوست بوست