حوار جاااااااااد بين الجنسين ؟؟!!!

Dolly كتب:هل ده عشان هو بيدفع دم قلبو
ولا لان الشكل عندو اساس ؟؟؟[/color]ياريت تردو علي

داير اضيف لكلام محمد ,ما اظن ابدا انو الموضوع عندو علاقه بالصرف والقروش
وبعدين التدقيق والملاحظه دليل علي الاهتمام الشديد .....
ثالثا نقتنا ما بتقارن بي نقتكم صاح ولا ما صاح (وش نقناق)

بالمناسبة انتو ما جاوبتو لس على سؤال دولي
انتو لي ما بتهتمو بمظهركم وبتطالبو البت تهتم بمظهرها
(مش قصدك كدا يا دولي )

مين قال ليكم انو الرجال ما بهتموا بالمظهر؟ عبد الله بن عباس قال ( إني لأتزين لزوجتي كما تتزين لي ) بل بالعكس أحياناً نحن بنكون مهتمين بمظهرنا أكتر من البنات ودي حاجة ملاحظة. والما معقول هو انو الراجل اكون مهتمي بمظهرو والبنت تكون غير مهتمة عشان كدا بنقنق في الموضوع ده. ثم انو الأصل للبنت انها تكون مهتمة ما لم تكون في حاجة غير طبيعية من مرض او ظروف في البيت. عشان كدا لما نلقى بنت غير مهتمة بي مظهرا أو اهتماما ناقص لابد من التعليق والملاحظة والنصيحة واللي انتو بتقولوا عنها نقة.
تحياتي

size=24]لكن ياشباب صعبتوها معانا شدييييييييييييييد
الا نحنسكم عشان تسألونا صح عموما براااحتكم انا جيتكم
وحسألكم سوال :
لو خيرووك بين البت المحجبة وبت الناس والرزينة وطبعا ده كلو قداام الناس بس لكن من وراهم في بلاوي وانت عارف انو هي عندها بلاوي وبين البت المامحجبة والناس بس لانها ما محجبة شايفاها بت قليلة ادب وعندها مصايب وكده وانت متأكد وتبصم بالعشرة انها ما بتعمل حاجة غلط ولا حصل عملت ؟؟ وانت كنت لازم تختار وحدة منهم عشان تتزوجها وطبعا لازم اذا اخترت المحجبة حتكون قدام اهلك اخترت البت الصح في نظرهم واذا اخترت البت الما محجبة طبعا ممكن يعارضووك فانت حتبرر بشنو في حال اختيارك لاي وحدة فيهم؟
حستنى الرد بفااااااااارغ الصبر[/size]

دولي بتجيبي اسئلة.......احيك
يا شباب رايكم شنو في مساعدة الزوجة في عمل البيت(نظافة,طبخ....) سوا كانت شغالة و لا لا
ما عايزة شعارات ساي ,كل واحد يورينا هو شخصيا ممكن يساعدها و لا لا و لي

صراحة.. أنا قريت الموضوع متأخر شوية عشان كده وعشان ما أطول حأعلق على الأسئلة الأخيرة بس..
حأقول كلام كده موزون في الأول وبعدين حأطلق لمشاعري العنان وحأتحيز لجنسي بنسبة 200%:
لاحظت إنو معظم الظواهر اللي بتسألو عنها (يا بنات) بتتركز على أفكار وليدة لحظة ومن زاوية واحدة بس يعني إنتو ما عملتو دراسة عديييييل حتى واتبين ليكم الواقع وبنيتو عنلى كده وجهة نظركم (أنا لحد هنا صح مش كده؟) ورغم كده بتطالبو بإجابة واحدة ترضي جميع وجهات النظر وتبرر موقف الشباب أو تطلعكم كسبانين.. كفاية دش...
1. حكمي على البنات ما بيقيف على إنها محجبة وبس بل بعد ما أجد إنها محجبة بحاول أعرفها أكتر قبل ما أرتبط بيها ولو ما محجبة ما محتاج أساسا أفتش عن حاجة تانية عشان أصرف نظر..
2. إهتمام الراجل بمظهرو قليل لأنو ما محتاج لبوهية كتيرة - وعندكم الدليل إنو أنا لو محتاج أتزين كل اللي حأعملو أسرح شعري ومنظري وأنا برة البيت زيو وزي جواه.. لكن تعالو شوفو البنيات !!
3. أنا لو راجل صح ومالي مركزي .. بعرف أفرق بين المنطق واللا منطق.. وبعرف أميز بين الصح والغلط.. يبقى لما تختلف رواية والدتي من رواية زوجتي حأعرف الغلط مين والصاح مين.. بعد كده إما أرضي الحاجة أو (أحكم على المرا).
4. أنا من الناس اللي بيحبو يساعدو في شغل البيت.. وما منتظر أعرس عشان أشتغل في المطبخ لأنو الحاجة ما مقصرة معاي..لكن ما بلوم اللي ما بيساعد لأنو ما حيكون ناقص (نجيهة) ولوم .. أطلع من الغرفة عايزة أنضف ، ارجع الدكان يعني إلا أقول ليك ملح مافي حتى تجيبو؟ وهلم جرا..
5. أنا لسه ما قلت حاجة.. وما دمتو فتحتو الموضوع يبقى (أرجن الراجياكن)..

رانيا محمد عو كتب:
يا شباب رايكم شنو في مساعدة الزوجة في عمل البيت(نظافة,طبخ....) سوا كانت شغالة و لا لا
ما عايزة شعارات ساي ,كل واحد يورينا هو شخصيا ممكن يساعدها و لا لا و لي

وليه لأ يارنو .. انا شخصيا بستمتع جدا والله بالشغل في البيت .. السبب بسيط لاني محروم من الحكايه دي عمري كلو .. في البيت اخواتي مابخلوني اعمل حاجه بيدي نهائي (ريده منهم والله اكتر من انها هرش) .. ومااشتغلت وخدمت نفسي الا في في فترة الدراسه كنت في الداخليه واتعلمت اغسل واكوي ودي كانت اول مره في حياتي اغسل واكوي براي (اتخيلو انها كانت في الجامعه!!).. بس المطبخ لسه ماعندو بيهو علاقه أبدا والله .. احتمال سلطه ماأعرف اقطعها كويس ..
اكيد ح اساعد زوجتي مساعده احتمال هي نفسها ماكانت ح تتوقعها .. لكن كمان علي حسب مزاجي .. يعني لو رايق بعمل اي حاجه .. بس نقه مامعانا ..

اها بعد دا كان دايرين تسالو اسالو