الهلال والمريخ افريقيا

رمت قرعة مرحلة المجموعات لبطولة دوري أبطال أفريقيا قمة السودان المريخ والهلال في مجموعة واحدة ، وسيكون إلى جوارهما في المجموعة كل من كانو بيلارز النيجيري وزيسكو الزامبي.

وجاء النجم الساحلي التونسي الممثل العربي الثالث مع الثنائي السوداني في البطولة في مجموعة واحدة مع مازيمبي الكونغولي ، مونوموتابا يونايتد الزيمبابوي وهارتلاند النيجيري.

وستكون مباراة القمة السودانية هي الأولى خلال مرحلة المجموعات في منتصف يوليو المقبل في مباراة ملتهبة ستجذب الأنظار ، خصوصا أنها المرة الأولى التي يمثل فيها السودان بفريقين في هذه البطولة ، ونجحا معا في الوصول إلى مرحلة المجموعات

Group A:
El Merreikh (Sudan)
El Hilal (Sudan)
Zesco United (Zambia)
Kano Pillars (Nigeria)

Groupe B:
TP Mazembe (RD Congo)
Heartland (Nigeria)
Monomotapa (Zimbabwe)
Etoile du Sahel (Tunisia)

عايزين اعلام هادف وجمهور هادف من اجل السودان

مشكور على الاخبار الجميلة يامحمد ونتمنى ان نشاهد منافسة نزيهة وكورة نظيفة من طرفى القمة.
وبنتمنى والله ان تلعب المبارة النهائية لدورى البطال بين الهلال والمريخ فى الخرطوم .بس عندنا طلب من الجماعة انو يفضوا لينا الاستاد من الكراسى وبعد المبارة تنتهى يرجعوها تانى عشان مايعملوا لينا موضوع تانى مستعدين نقيف طيلة الشوطين بنتحمل عشان نشوف القصير وارغو.

اخر نكته

* تمهيداوي ركب ليه في (حافلة) .. ما لقي ليه (كرسي) فاضي .. عاين هنا وهناك ونزل.. قال الهلالاب ديل ما بخلوا ليهم (كرسي).. كراسي الحافلات قبلوا عليها.


اخخخ.. نحن عايزين روح رياضيه

ياابو حميد سمعته بكرسى جابر استاد المريخ ياربى فيه كم جابر

farah كتب:ياابو حميد سمعته بكرسى جابر استاد المريخ ياربى فيه كم جابر

الحقيقه لا لكن اسمع دي




مسطول هلالابي سالوا عرسك متين يافرده؟ ردا عليه كنت عايز اعرس في (اول اغسطس) لكن ما لقيت (كراسي) للحفله




تسلم..

باقى لى المنتدى ده مافيه مريخابى غير بشير كمبال واليومين دى مافاضى لينا نسرح ونمرح على كييييييييييييييييييفنا يامعلم .
قال ليك الهلالاب بقى عندهم هاجس من الكراسى الهلالابى كل مايشوف ليه كرسى يلاوز يقعد فيه يقوم يتكسر(اصلوا ده كرسى ولا بسكويت محشى) .
بالله كرسى جابر ماعرفته يا فرده انا اقول ليك .
زماااااااااااااااان فى ثوب ظهر فى السوق واشتهر باسم كرسى جابر ( انا ماعارف جابر ده منو) لكن الهسع اليومين دى فى السوق اسموا كرسى الوالى الغالى .
استاد عندنا فيه مية الف دولار دفعناها قبل خمسة سنين ومستخسرين علينا كرسيين تلاته شى عجيب والله .
مع تحياتى

farah كتب:باقى لى المنتدى ده مافيه مريخابى غير بشير كمبال واليومين دى مافاضى لينا نسرح ونمرح على كييييييييييييييييييفنا يامعلم .

عشان كدا اخدو راحتكم ساااي مافي زول سائلكم

يابرعي يادوب انا عرفتك واقف ليه في الصوره!!!
اتاريك خايف علي الكراسي ياصفوه

وانت يافرح بالغت عديل كدا كنت متصور قاعد في كرسي اوعي تكون جبتو من استاد الحكومه؟












تسلم..

ههههههههههه ايوااااااااااااااااا اتاريك مابقيت مشرف عام ساكت يابرعى .
والله ياابو حميد الكرسى الكنت قاعد فيه كرسى حيكومة دقة قديمة لكن الواحد لو لقه كرسى زى كراسى الاستاد ديك ياسلااااااااااااااااااااام قمة الراحة .
بالمناسبة فى هلالاب كتار فاقدنهم فى المنتدى اين هم.

مع تحياتى

يافرح نحن الناس ديل ضغطنا عليهم الواحد فيهم بشوف المنتدي الرياضيه وبزوغ طوالي



خفف اللضغط شويه

سوري مررررررررررررريخاب





ختوا الرحمان في قلبكم وجيبوا (كراسي) واقعدوا في الضل (البارد) وطلعوا (بيان).. وبعدين خشوا المنتدي دا