انه هيثم مصطفي وكفي.... انه الابداع شاهدا"

abogola الثلاثاء مارس 24 2009, 16:29

انه هيثم مصطفي وكفي … أنه الابداع شاهدا"

ظل المبدع ومازال هيثم البرنس من الارقام الصعبة في كرة القدم با السودان لبصماتة الواضحةالتي وضعها
في كرة القدم با السودان، ويعد من اللا عبين الذين سوف يسجلهم التاريخ الكروي السوداني، لما يتميز به من
ايقاع ابداعي رفيع المستوي طيلة فترة عطائه ، الذي ظل محل استهداف دائم من اعلام الوصيف ، وكلما زاد
ابداعه ذاد حقدهم عليه وظلو ينسجون له المؤامرات مرة اساءة صحفي ومرة لاعبين …لخ من فبركة اعلام الوصيف
المشروخ .
حتي وصل الي دس السم وسط الجماهير محاولة لتعبئتهم ضد قائد الابداع البرنس ، هذا الاتجاه يجب ان يحارب ويوقف مبكرا"فنحن نقدر ابداع البرنس وسنواته التي قضاهاومازال قائدا" قادرا"مخلصا" مبدعا"خلوق .
مدخل ثاني: سئل البرنس العارف بشؤون كرة القدم والعزف الايقاعي عن معني الابداع.فقال: هذه هبة من الله لا تحرجوني ارجوكم ارجوك يا علي لكن علي ابو جلحات أصر أخبرني سيدي فقال . البرنس وهو خجول كعادة العظماء عندما يتحدثون عن انفسهم ســـرعة الايقاع وجــهجهة الدفاع وتوصل الكرة للمهاجم بسرعة الاندفاع فقال ابو جلحة ثم ماذا : فقال الرقم ثمانية هو السر الاهم والباص البيني هو مفتاح النصر الاعم وفاتني شئ وهو ان تكون لياقتك تمام وترسل الباص والخصوم نيام.. اي تصنع الهدف وتخلي جمهور الخصم في ترقب وارتجاف. فنط اخر وهوعبدالله ابوشاكوش : سيدي اذا" السر في الرقم ثمانية فقال البرنس " أجل ولكن هنالك ارقام لها سحر البيان فهمهم الجميع ماهي سيدي فقال البرنس : انه الرقم 8+2 فهو من فصائل الرومان في سحر الجنان كما لا يفوتني جن الجن الجديد الرقم7 + الرقم8 فهو خليفتي في الميدان وسوف يكون له عظيم شأن .
فصاح صالح ابو عكاز وهو احد الحاضرين ,وهو مشهور بانه اشتر في حب الزعيم طيب يا برنس وريني الناس ديل بنبزوك و بكرهوك ليه والله انا محروق شديد فتبسم البرنس ولم يجب فقام ابو عكاز عليك الله يا مولاي توريني انا حشاي محروق با الحيل فجلس البرنس فقال تعال واجلس بجانبي الله لا حرق حشاك يا اخي ديل في الحقيقة ناس تابعين لقبيلةالوصيفاب تعرفها. فقال ابو عكاز اي بعرفها با الحييييل ديل مش الناس الكانو سا كنين في الخر ابة ديك خمسة سنين ما جابو مسور سمح وحالهم كانت تحنن وكنا بنرسل ليهم اولادنا علشان يدوهم باقي اكلنا فقال البرنس ايوة ياهم زاتهم.
فقال ابو عكاز بس ليه كدا نحنا ما احسنا فيهم والله صحي الحسنه في الوصيف زي الشماعة في البص زمان طوالي بنشلوك فقال البرنس حفظة الله انه الحسد وان النفس لأمارة با السوء دائما" لما تشوف اي ابداع خاصة في ديارنا ديار الجعلين ام بحرا" ازرق يعني با اختصار كدي يا ابو عكازالما بتلحقو شتمو فهمت علي فقال الجميع اجل اجل كلامك صحيح ربنا يكملك با ابداعك وبا صاتك الحلوة فقال ابو عكاز علي الطلاق يا برنس انا اسمع اي زول بنبزك الا يحجزوني منو عديييل عشان دي حقارة عديل والبنبز ليك قائدك قاااااااااصدك عديل وانا حرم ما بقبل فقال الجميع ابقي اعقل يا ابوعكاز الشي دا مازي الزول العوير البخرمج في الحلة ما في حل غير تقول ليهو الله يشفيك الله يشفيك
عندها نهض البرنس وقال ايها الجمع الكريم ان ابداعي باقي وخالد في هذه الحياة وان مسيرتي لن توقفها الاقلام الصفراء الباهتة واصحاب النفوس المريضة ، والهلال دايما"سوف يظل مكمن الابداع وطالما هنالك ابداع هنالك اساءات مثل الشجرة المثمرة فتقذف با الحجارة من الجميع لأجل الثمار الناضجة وحدو الصفوف وارعوا الشباب الناشئ واتحدو حفظ الله هلالنا من الحاسدين والشامتين فقال الجميييع اميييييييييييييييييييييييييييييييييييييييييييييييييييييين واحفظ قائدنا ققائد الابداع من فعل الشياطيييييييييييييييييييييين

farah الثلاثاء مارس 24 2009, 17:25

اميييييييييييييييييييييييييييييييييييييييييييييين ربنا يحفظ سيدا واخوان سيدا وجمهور سيدا وحبايب سيدا .

فُله الأربعاء مارس 25 2009, 17:02

آآآآآآآآآآآآآآآآآآآآآآآآآآآآآآآآآمين تشكر بعد كلامك يا ابو جله ماف كلام يكفى انو البرنس قائد الهلال وقائد المنتخب الوطنى وده كفايه 100%

noon الأربعاء مارس 25 2009, 17:08

انا بضم صوتى لفله يكفى انو البرنس سييييييييييدا وده كفايه CLAB

بشير كمبال الإثنين مارس 30 2009, 23:00

الكابتن في اي فريق يكون غدوه حسنه لبقية زملائه .. حتي في الحواري والازقه عندما يختار الصبيه احدهم ليكون الكابتن يتم الاختيار علي هذا الاساس .. بعد الفضيحه المدويه لهيثم مصطفي في احد لقاءات القمه والتي تم توثيقها عبر شاشة التلفاز لتبقي شاهده علي مدي انحطاط مستوي اخلاق هذا اللاعب.. لا اري فيه سمات القائد ولا ملامح الكابتن الحقيقي ..
بقدر قناعتي بمستوي هيثم مصطفي اللذي اعتبره فوق الوسط .. الا انه افضل لاعبي الوصيف حاليا وهذا مايجعله الأول دائما في نظرهم .. فهو كابتن الفريق واحد لاعبي الفريق القومي الاساسيين اللذين شاركو في معظم المبارايات وخدمهم الحظ في تقلد شارة كابتنية المنتخب فقط لانهم التحقو قبل اشهر قليله من لاعبين علي اعلي مستوي ويستحقون شارة الكابتن اكثر منه .. لا اقلل من مستوي هذا اللاعب ولكن في وجود عمالقه امثال فيصل العجب او الملك .. اعتقد بانه محظوظ جدا لانه سبقهم بقليل في الاتحاق بالمنتخب واللذي يتقلد شارة الكابتن فيه الاقدم حتي وان كان بأيام قليله وهي التي تفصل سلطان الطرب واسر القلوب الملك فيصل العجب احد افضل اللاعبين اللذين مروا علي تاريخ الكره السودانيه .. وهذاالكلام بالاحصاءيات وليس بالتمنيات والكلام الاجوف اللذي يقصد منه رفع اسهم احد اللاعبين كما يحدث حاليا ..
لي عوده لانجازات الملك العجب علي المستوي الافريقي والمحلي ..
بالتوفيق لكل من يخدمهم الحظ .. سيجدون كل التقدير منا علي حظهم الجميل .. ولكن التاريخ لايعرف سوي الانجازات .. ولايعترف الا بالابطال الحقيقيون .. ليس ابطال الصحف .. وضربة الحظ ..

abogola الأربعاء أبريل 01 2009, 20:38

من هسي يا كمبال قبال العرس بقيت تسرح ولا اقول ليك خليهو يا عديلة النومة بتريحو شوية
ا
البرنس الاان قائد المنتخب وين العجب صحي النوم وكان علي الاافاظ كلنا بشر ما رسل بنغلط

بنغلط مهما كان في اي زمان ومكان البرنس كابتن الفريق القومي وكية للمابين ودا مجتمع الكورة ياحبيبي يا كمبال

البرنس عالم جميل النعيم احلا

محمد السبت أبريل 04 2009, 14:07

انه هيثم مصطفي وكفي … أنه الابداع شاهدا"

STOP

انه هيثم مصطفي وكفي.... انه الابداع شاهدا"

انه هيثم مصطفي وكفي.... انه الابداع شاهدا"

رد: انه هيثم مصطفي وكفي.... انه الابداع شاهدا"

رد: انه هيثم مصطفي وكفي.... انه الابداع شاهدا"

رد: انه هيثم مصطفي وكفي.... انه الابداع شاهدا"

رد: انه هيثم مصطفي وكفي.... انه الابداع شاهدا"

من هسي وبقيت تنسى

رد: انه هيثم مصطفي وكفي.... انه الابداع شاهدا"