عام المساطيل

*مسطول اشتري عربية شبح جديدة لنج
....وهو سايقها فتح الراديو سمع هنا لندن، قال انعل ابو السرعة ذاتو

*مسطول سالوه رايك شنو فى المراة العصرية ؟ قال ليهم ما تخلوها تمغرب شوية.

*مسطول راقد بى مزااج ومفتح الشبابيك جات طيرة داخلة بالشباك وطلعت بالتانى قال ليها يعنى عملتى شنو؟.

*أتنين مساطيل سايقين عربية صدموا ليهم زول قام السايق قال لصاحبو كدى انزل شوفو مات ؟ داك نزل وقال ليه لف يمين شوية لالا شمال ايوة كدة يلا امشى لى قدام بس كدة مات

*واحد عندو ارنب عاوز يبيعو جاهو واحد مسطول قاليهو: القرد ده بكم؟؟
رد الرجل: دا ارنب ما قرد!
المسطول قاليهو: يا ابو الشباب انا سألت الأرنب ما سألتك انت

*مسطول احوص دايرين يشنقوهو سألوه: امنيتك شنو؟
قال: اشوف نفر واحد بس

*مسطول سأل بتاعة الاتصالات:
عندكم مفتاح كندا
قالت ليهو ايوه في
قال ليها: اعملوا لي منو نسخة


*مسطول سايق تاكسى واحد وقفو قال ليهو:
نادى الأسرة من فضلك
رد قاليهو ناديهم براك

*عسكرى سعودى سال سودانى مسطول قاليهو انت سودانى رد عليهو لا لبنانى مظلل

*سألو مسطول أمك حية ؟
قال : لا ثعبان
قالوا : لا نقصد امك عايشة ؟
قال : لا مريم

*واحد مسطول جدا اشترك فى اسرع مسابفة رسم ، بدأت المسابقة ورسم نقطة..... المشرف بيسأله ايه ده يا زول ....
فقال المسطول ده فيل بس جاى من بعيد

جميلة شدييييد يافرح
ومشكور علي الابتسامة

مشكورة ياشاهيناز على المرور وربنا يديم البسمة على الجميع