ممغوووووووووسه من الرجال

onatee الثلاثاء فبراير 24 2009, 09:17

من زماااااااااان وانا الرجال ديل رافعين لي الضغط... راس كبير على الفاضي: ! عليك الله رافعين نخرتم على شنو الواحد فيهم لو غشيتي زي الشافع بيتغشى ليك...
الفصل الأول:
قبل الزواج: اسمعي يا عسل... ايه رايك نمشي المطعم الفلاني... قلتي غالي؟؟ ما في شي بيغلى عليك يا اعز الناس ... بعد الزواج : نجيب فول من الفوال البرة ليه؟؟ انا جايب ليك قدرة من سوق ليبيا بالشي الفلاني عشان نخسر قروشنا عند الفوال؟؟ مرة مسرفة!! لا .. و الظرافة قبل الزواج: انا بصراحة ما بحب الملاح والحاجات دي بحب البيتزا والمعجنات وهو كان شمه ريحة ام رقيقة حيلو يبرد ويجري عليها واهم شي يشتريه في عفش البيت الصاج...
واحلى شي لما يقول ليك قرووووووششششششي وانا حر فيها : ياخي يقرش حلقووووومك ( سوري على الدعوة دي بس من زماااان نفسي اقولها ).... المرة من الفجر تصحي الاولاد تحشي السندوتشات تعمل الشاي تنضف البيت تعمل الاكل وهو يجي الساعة 3 من الشغل ويعمل فيها بني الاهرامات براااااه : تعبان وزهجان و ما داير يعمل اي شي ... مرتو بعد شغل النهار دا كلو تغسل عدة الغدا وتبدا تقري الاولاد وبعدين شاي المغرب بعدين العشاء يعني قروشششششو دي: شرااااااااااكة بينم امال هو متخيل انه اتخق عشان يتخدم بلووووشي.... دقيقة اشرب موية باردة واجي ريقي نشف من الغيظ.
المهم : الفصل التاني:
طلباتم الغريبة : الواحد ياخد بت الناس من بيت اهلها و يكون داير يبكي من الفرح ما مصدق انه رضت بيه.. بعد شوية يبدا النقة: نكدية.. سمينة/ضعيفة ... ما بتهتم بنفسها ... بيتها مااااا نضيف شديد... طبعا مفروض النهار كلو زي تور الجر ...الاولاد لازم تقريهم يطلعوا من الاوائل والبيت يكون زي القصور ( وهو كان قالو ليه جيب ملاية جديدة يقرب يبكي!) و مفروض يكون شكلها يكون نانسي عجرم( او هيفا وهبي عشان المكسرين في هيفا ما يزعلو) وهو كان قالت ليه كوفير ساااااااي يسمعها بيان تفصيلي بالمنصرفات عاد هو تعايني ليه تلقي الصلعة لياقة القميص بي ورا والكرشة مدورة وكبيييييييييييييرة و ما عاجباه مرتو !
الفصل التالت: التعامل :
طبعا الرجال بيحاولو يقنعونا انه اسهل طريقة للتعامل معاهم الكلمة الحلوة والدلع ... عشان تدلعيهم طبعا ... الواحد يعدل نضارتو ويحك جلحاتو و يديك نظرة حنونة ويقول ليك: عارفة دايما بيقولو الرجل ( مش الرااجل) زي الطفل كل شي ممكن معاه بالكلمة الحلوة واللطافة .. قال يعني هو لما كان طفل كان بيعاملوه بالكلمة الحلوة واللطافة ( شوفة عيني امه ساكاه طول النهار بالسفنجة) .. اسمعي يا اختي نصيحة مني للتعامل مع الرجال: دايرة منو شي: قولي اول شي بأدب ووضوح رضى رضى ...ما رضى: صري وشك لما يبقى زي الخيارة النشفانه و حمري ليه بعدين ارفعي انبوبة الغاز بيد واااااحد ونزليها( أنبوبة فاضية طبعا بس انتي ما حتقولي ليه )) وبعدين كوووووركي وقلبي ليه القديم والجديد ...و بعدين بكل لطافة ورقة وحنية كرري طلبك ! و ان شاء الله حيحصل.

منقوووووووووووووووووووووول

SHAHINAZ الثلاثاء فبراير 24 2009, 10:26

يسلم راسك يا onatee ده كلام صاااااااااااح
انت الليلة بكلامك ده فشيتي مغستنا كلنا
ونحن دايرين نقرا ردود بكل صراحة
من الجنس الاخر Laughing

onatee الثلاثاء فبراير 24 2009, 10:33

اها ياام احمد انشاءالله بالكلام دا تكوني اتفشيتي

رانيا ياااااعسل
تسلمي والله على الموضوع الرهيييييييييييب
بالجد فشيتي غلنا ومغصتنا بالكلام ده
الله يدينا العافية على صبرنا وتحملنا ..
تسلمي مرة تانية

ام احمد الثلاثاء فبراير 24 2009, 18:48

تمااااااااااام 100%
CLAB

Obama الأربعاء فبراير 25 2009, 00:09

تحذير لكل (الرجاله) اتخذ ساتر وما تدخل الموضوع دا لغايه ما الجماعه (يتفشو) اصلو الحرب (كر) و(فر) .

GIFT

انت يا ابوباما الجماعة ديل قصدى ناس رانيا وداليا

متزوجات؟؟؟شنو فشيتينا؟؟؟؟ كلام غرييييب scratch

ثم ثانيا الراجل طول اليوم يشتغل ويكدح وتعباااااااان لازم عليكم تهيئو الجو

فى البيت عشان مايطفش منكم ويرجعكم تااااااااااااانى لحياة العزوبية HAHA

وبعدين تعالن هنا

انتوا فى البيت مرتحاااااااااااااات وماشغالات اى شى غير ماشية لى فلانة وجاية من فلانة.... لمن يقولو ليكم خذو بالكم

من البيت تنقنقو؟؟ فى زمنا ده البنت تلقاه ليها راجل يعرسها تحمد ربها الف مرة.....ولا شنو يا ابوباما 100%

يعدل نضارتو ويحك جلحاتو و يديك نظرة حنونة

ماتكونى قاصده بشير بالكلام ده؟؟؟؟ HAAA

noon الخميس فبراير 26 2009, 14:18

محمد جيولوجيا كتب:يعدل نضارتو ويحك جلحاتو و يديك نظرة حنونة

ماتكونى قاصده بشير بالكلام ده؟؟؟؟

هههههههههههههه هااااااااااااااااااااااااااااااااي ضحكتني 100%

تسلم

محمد جيولوجيا كتب:يعدل نضارتو ويحك جلحاتو و يديك نظرة حنونة

ماتكونى قاصده بشير بالكلام ده؟؟؟؟

شكلها قاصداني عدييييل والله ..
لكن دي ماالمشكله , المشكله في noon.. الكلام عجبها شديد !!
وبرضو الوجوه الضاحكه يبدو انها عاجباها جدا ..
خلاص ننزل ليكم صورة الجلحات ياجماعه عشان تشوفوها .. ومعاه النظاره كمان .. لكن نظره حنونه مافي .. قطع !!

Obama السبت فبراير 28 2009, 01:19

انت يا ابوباما الجماعة ديل قصدى ناس رانيا وداليا

متزوجات؟؟؟شنو فشيتينا؟؟؟؟ كلام غرييييب

يكونو دايرين يبدو يتفشو من هسه (علي وزن بكره النقه)

فى زمنا ده البنت تلقاه ليها راجل يعرسها تحمد ربها الف مرة.....ولا شنو يا ابوباما

كلمهم عليك الله ...وعّيهم .. ِِِAAA 8

ّ(بكره = غدا)

onatee السبت فبراير 28 2009, 07:41

والله انا ماعاوزه اقول ايييييي حاجه MAAMM

وقياسا" بكمية الردود بتاعت الشباب وحدتها DRIVE

فيظهر انو الموضوع ادي الغرض المطلوب lol!

onatee السبت فبراير 28 2009, 09:30

Obama كتب:تحذير لكل (الرجاله) اتخذ ساتر وما تدخل الموضوع دا لغايه ما الجماعه (يتفشو) اصلو الحرب (كر) و(فر) .

الدور دا يااوباما ح تكون ليكم فـــــــــــــــــــــررررررررر

Obama السبت فبراير 28 2009, 14:44

: ياخي يقرش حلقووووومك

يا ساتر يا ساتر ...دا اسمو العنف اللفظي lol!

بشير كمبال الأحد مارس 01 2009, 12:41

[quote="Obama"]

كلمهم عليك الله ...وعّيهم ..

ّ(بكره = غدا)

عندي احساس يا اوباما انك بقيت بتاع سطله !! HAAA

فُله الخميس مارس 05 2009, 14:55

موضوعك مبااااااااالغه تماااااااااام التماااااام 100%

عجبني شديد خالص خالص
والكلام ده حاصل من أغلب الرجال
ماجربنا لكن شيايفين وسامعيييييين
وفعلا عاجبااااااهم روحهم
وقايلين الواحده لوجاها عريس ماتصدق كأنو لقت كنز
وده ماحاصل لأنو أغلبهم (ما تعميم)بعرسوا نظام عرست وبس
ماعشان هو جنتل مان(والتي أصبحت نسبتهم قليله)

فُله كتب:موضوعك مبااااااااالغه تماااااااااام التماااااام
عجبني شديد خالص خالص
والكلام ده حاصل من أغلب الرجال
ماجربنا لكن شيايفين وسامعيييييين
وفعلا عاجبااااااهم روحهم
وقايلين الواحده لوجاها عريس ماتصدق كأنو لقت كنز
وده ماحاصل لأنو أغلبهم (ما تعميم)بعرسوا نظام عرست وبس
ماعشان هو جنتل مان(والتي أصبحت نسبتهم قليله)

الجنتل للجنتل ولكن البنتا اول زول جااااااااااااااااهز من مجاميعو بس ده ياهو العريس اللقطة

هسى البنات راقدااااااااااااااااااااات ونحن نعزل على كيفنا ولا شنو يا حاج نظرية...؟؟؟ 100%

noon الثلاثاء مارس 10 2009, 12:54

بشير كمبال كتب:
محمد جيولوجيا كتب:يعدل نضارتو ويحك جلحاتو و يديك نظرة حنونة

ماتكونى قاصده بشير بالكلام ده؟؟؟؟

شكلها قاصداني عدييييل والله ..
لكن دي ماالمشكله , المشكله في noon.. الكلام عجبها شديد !!
وبرضو الوجوه الضاحكه يبدو انها عاجباها جدا ..
خلاص ننزل ليكم صورة الجلحات ياجماعه عشان تشوفوها .. ومعاه النظاره كمان .. لكن نظره حنونه مافي .. قطع !!

شنو ياقائد ما تخلي روحك رياضيه وبعدين بقولو الجلحات دي دلاله علي العبقريه والنضارات دلاله علي الذكاء
بختك بغرانه ما حاسده ذكاء ومعاها عبقريه
امسك الخشب. LOOVE

بشير كمبال الخميس مارس 12 2009, 01:45

فُله كتب:
وقايلين الواحده لوجاها عريس ماتصدق كأنو لقت كنز

شفيق ياراااجل MAMA

BIG BOSS الجمعة مارس 27 2009, 21:28

الموضوع جميل والله.. ويخلي الزول يراجع حساباتو.. ويشوف حيناسب منو ومنو البتستاهل يتعمل فيها الكلام القالتو رانيا.. وطبعا ما لقيت.. واتأثرت شديد يعني وكده لحد ما بقيت أبكي.. ودموعي نزلت من عيوني على الكيبورد.. وولع الكيبورد وما قدرت أكمل كلامي..
عليييييييييك الله يا رانيا تاني ما تقولي كده ياخي.. فقعتي مرارتي وكان ما خايف يقفلو علي الموضوع كان قلت ليك أها بجي اليوم البتعرسي فيهو وبعد داك إلا تطيري.. تسوي شاي الصباح والفطور والغدا والعشا وتذاكري للشفع وتغسلي الهديمات وتكوركي فيهو لحد ما حلقك ينقرش ويفقع مرارتك وقروش الصندوق بتاعت قعدة الجبنة بعد الضهر بدل تجيبي بيها طقم جلوس أو تجددي بيها العدة حتعملي بيها عملية المرارة التي (إنفقعت) (بعد الشر عليك دي ما قاصدها والله).. وهلم جرا..
ويبقى برضو ضلك.. وضراك.. وسندك.. وحتحبيه بالفيهو والعليهو.. ولو خيروك ورجعو بيك الزمن ما حتختاري غيرو..
ولا شنو يا ناس (الخبرات)؟

abogola السبت مارس 28 2009, 17:09

لاحوله ولا قوة الابا الله اها انا بجيك با الشريع الاسلامية عديييييييييييييييييييييل والنشوف اخرتا شنو

بسم الله الرحمن الرحيم

وصية رسول اله صلى الله عليه وسلم لابنته فاطمة

أنة دخل رسول اللة (ص) على السيدة فاطمة الزهراء عليها السلام فوجدها تطحن شعيراً وهى تبكي فقال لها: ما الذى ابكاكى يافاطمة لا ابكى اللة لك عينا. فقالت عليها السلام: ابكاني مكابدة الطحين وشغل البيت وانا حامل فجلس النبي (ص) فقال بسم الله الرحمن الرحيم ثم جعل الطحين بين يديه المباركتين (والقاه) في الرحى وهي تدور وحدها وتسبح الله سبحانه وتعالى بلسان فصيح، وصوت مليح ولم تزل كذلك حتى فرغ الشعير، فقال (ص): اسكني ايتها الرحى. فقالت (الرحى): يارسول الله والذي بعثك بشيراً ونزيراً، لو امرتني لطحنت شعير المشارق والمغارب طاعة لله ومحبة فيك يارسول الله ولكن، لا اسكن حتى تضمن لي على الله الجنة ففي القرآن يارسول الله ( فاتقوا النار التي وقودها الناس والحجارة) . قال النبي (ص) ابشري فانك من احجار الجنة في قصر فعند ذلك سكنت. فقال النبي (ص): يا" فاطمة" ! لو شاء الله سبحانه وتعالى لطحنت الرحى وحدها وكذلك اراد الله تعالى ان يكتب لك الحسنات، ويمحو عنك السيئات ويرفع لك الدرجات في الجنة في احتمال الاذى والمشقات. يا فاطمة ما من امرأة طحنت بيدها الا كتب الله لها بكل حبة حسنة ومحا عنها بكل حبة سيئة يا فاطمة ما من امرأة عرقت عند خبزها الا جعل الله بينها وبين جهنم سبع خنادق من الرحمة يا فاطمة ما من امرأة غسلت قدرها الا وغسلها الله من الزنوب والخطايا يافاطمة ما من امرأة نسجت ثوباً الا وكتب الله لها بكل خيط واحد مائة حسنة ومحا عنها مائة سيئة يا فاطمة افضل اعمال النساء المغازل. يا فاطمة ما من امرأة برمت مغزلها الا كان له دوي تحت العرش. فتستغفر لها الملائكة في السماء يا فاطمة ما من امرأة غزلت لتشتري لاولادها الا كتب الله لها ثواب من اطعم الف جائع يا فاطمة ما من امرأة دهنت رؤوس اولادها وغسلت ثيابهم وسرحت شعورهم الا وكتب الله لها بكل شعرة حسنة ومحا عنها بكل شعر سيئة وزينها في اعين الناس اجمعين. يا فاطمة ما من امرأة منعت حاجة جارتها الا منعها الله الشرب من حوض الكوثر يوم القيامة يا فاطمة خمسة من الماعون لا يحل منعه: الماء والنار والخمير والرحى والابرة. ولكن واحدة منهن آفة فمن منع الماء بلي بعلة الاستسقاء ومن منع الخمير بلي بالغاشية ومن منع الرحى بلي بصداع الراس ومن منع الابرة بل بالمغص يا فاطمة افضل من ذلك كله رضاء الله ورضاء الزوج عن زوجته يا فاطمة والذي بعثني بالحق بشيراًونزيراً لو مت وزوجك غير راض عنك ما صليت عليك. يا فاطمة اما علمت ان رضاء الزوج من رضاء الله وسخط الزوج من سخط الله يا فاطمة طوبى لامرأة رضي عنها زوجها ولو ساعة من نهار يا فاطمة ما من امرأة رضى عنها زوجها يوما وليلة الا وكان لها عند الله افضل من عبادة سنة واحدة صيامها وقيامها يا فاطمة ما من امرأة رضي عنها زوجها ساعة من نهار الا وكتب الله لها بكل شعرة في جسمها حسنة ومحا عنها بكل شعرة سيئة يا فا طمةان افضل عبادة المرأة في شدة الظلمة ان تلتزم بيتها يا فاطمة امرأة بلا زوج كدار بلا باب وامرأة بلا زوج كشجرة بلا ثمر يا فاطمة جلسة بين يدي الزوج افضل من عبادة سنة وافضل من طواف اذا حملت المرأة تستغفر لها الملائكة في السماء والحيتان في البحر وكتب الله لها في كل يوم الف حسنة ومحا عنها الف سيئة فاذا اخذها الطلق كتب الله لها ثواب المجاهدين وثواب الشهداء والصالحين وغسلت من زنوبها كيوم ولدتها امها وكتب الله لها ثواب سبعين حجة فان ارضعت ولدها كتب الله بكل قطرة من لبنها حسنة وكفر عنها سيئة واستغفر لها الحورالعين في جنات النعيم يا فاطمة ما من امرأة عبثت في وجه زوجها الا غضب الله عليها وآتية العذاب. يافاطمة ما من امرأة قالت لزوجها افٍ لك الا لعنها الله من فوق العرش والملائكة والناس اجمعين. يا فاطمة ما من امرأة خففت عن زوجها من كآبته درهماً واحدا ًالا بنى الله لها بكل درهم واحد قصر في الجنة. يا فاطمة ما من امرأة صلت فرضها ودعت لنفسها ولم تدع لزوجها الا ورد الله عليها صلاتها حتى تدعوا لزوجها. يا فاطمة ما من امرأة غضب عليها زوجها ولم تسترضي منه حتى يرضى الا كانت في سخط الله وغضبه حتى يرضى عنها زوجها. يا فاطمة ما من امرأة لبست ثيابها وخرجت من بيتها بغير اذن زوجها الا لعنها كل رطب ويابس حتى ترجع الى بيتها. يا فاطمة ما من امرأة نظرت الى زوجها ولم تضحك له الا غضب الله عليها يافاطمة ما من امرأة ادخلت الى بيتها ما يكره زوجها الا ادخل الله في قبرها سبعين حية وسبعين عقربة يلدغونها الى يوم القيامة. يا فاطمة ما من امرأة صامت صيام التطوع ولم تستشير زوجها الا رد الله صيامها يا فاطمة ما من امرأة تصدقت من مال زوجها الا كتب الله عليها زنوب سبعين سارقا.

onatee الأحد مارس 29 2009, 07:53

الاخ جلال ....
اولا شكرا ع المرور الكريم ..
تانيا" الحمدلله ع النعمه والاجر البتلقاهو حواء من خلال اداء الواجب عليها واللي هيه بتكون بتعمله وهيه راااااااااضيه تمام الرضا وربنا عزوجل ارحم بعباده واعلم انو الحاجه دي صعبه (أنة دخل رسول اللة (ص) على السيدة فاطمة الزهراء عليها السلام فوجدها تطحن شعيراً وهى تبكي) وعشان كدا كتب لينا الاجر عليها والحمدلله ... وكذلك من الجانب الآخر اذا قام آدم بواجبه ع اتم وجه فله الثواب والاجر ...
ثالثا" الموضوع للضحك وانا اعتقد انو في مواضيع كتييييييييره نزلت قبل كدا في حق المرأة في المنتدي بتاعنا دا والناس اخدت المواضيع مأخذ الضحك والمتعه ليس الا والموضوع دا انا ختيتو برضو للضحك والمتعه ليس إلا .....
الاخ ... BIG BOSS
شكرا ع المرور الكريم ...
فعلا ... كلامك صح ح اعمل دا كلووووووووو بس ح يكون ذي العسل ع قلبي لانو ح اعملو و انا مبسوطه

ملحوظه :قعدات الجبنه وصندوق دي انا ماشايلاها

ممغوووووووووسه من الرجال

ممغوووووووووسه من الرجال

رد: ممغوووووووووسه من الرجال

رد: ممغوووووووووسه من الرجال

رد: ممغوووووووووسه من الرجال

رد: ممغوووووووووسه من الرجال

رد: ممغوووووووووسه من الرجال

رد: ممغوووووووووسه من الرجال

رد: ممغوووووووووسه من الرجال

رد: ممغوووووووووسه من الرجال

رد: ممغوووووووووسه من الرجال

رد: ممغوووووووووسه من الرجال

رد: ممغوووووووووسه من الرجال

رد: ممغوووووووووسه من الرجال

رد: ممغوووووووووسه من الرجال

رد: ممغوووووووووسه من الرجال

رُجال الزمن ده

رد: ممغوووووووووسه من الرجال

رد: ممغوووووووووسه من الرجال

رد: ممغوووووووووسه من الرجال

رد: ممغوووووووووسه من الرجال

أن كيدهن عظيم

رد: ممغوووووووووسه من الرجال