[b]للزعلانين والمتضايقين والحردانين ووووووو

onatee الأحد فبراير 22 2009, 13:53

[b]إمام حلفاوي بيصلي بي جماعه من الحلفاويين,
كُل يوم وكُل صلاة يقرا الحمدُ وسورة ألهاكم التكاثُر حتي زُرتُم المقابر
الإمام مات وولدو بقا يصلي بالجماعه بدلو,
أول يوم صلي قرا ليهم سورة - التين والزيتون- ,
الجماعه ورا طوالي قالو ليهو (أثناء الصلاة) أيوا كِدا الله ينصُر
دينك جيب لينا الحاجات الحلوه دِي,
أبوك كُل يوم شابِكنا هاكُم التذاكِر أمشُو المقابر.

جعلي كان مُسافر وقام ابوهو مات , الجماعه دفنوهو في مقابر الشايقيه.
لما رجع الجعلي شال كوريقو ومشا يحفر في قبر أبوهو داير يرحل لي
مقابر الجعليين , أهلو جو مارين قامو سألوهو مالك بتحفر, قال ليهم
والله أبوي ده أضانو تقيله ولو القيامه قامت الجماعه الدغيلين ديل ما
بصحوهو معاهم.

مسطو أهلو أصرو يودوهو للشيخ في الخلوه عشان يتعلم القرآن,
أها أول يوم مشا وجا راجِع أهلو سألو ,الليله الشيخ أداكم شِنُو ؟
قال ليهُم والله الشيخ ذاااااتو ما عارِف.. مره يقول القارِعه ومره
يقول ما القارِعه

واحد جعلى غرق فى النيل مافى جنبو الا شايقى . قال للشايقى عليك الله انقذنى
الشايقى قال ليه يازول ما تستغفر الله ... ده م يومك .....

مسطول أخوهو مات ، الجماعه غسلوهو ولفوهو
في الكفن ، قام إتلفَت ليهُم وقال ليهم
مافي واحد معاهو ولاعه

واحد بيحكي لرباطابي عن أنواع الثعابين، قال ليهو
في نوع مع عضّتو للزول بيخلّي أسنانو جوّه جسم الزول
الرباطابي: أها وكان لاقاهو زول تاني في نفس اللحظة؟
قال ليهو: ربّنا بيقوّم لو سنون جُداد وتااااني بيغرسن في جسم الزول التاني
الرباطابي: هو الشي ده دبيب وللا دبّاسة؟

واحد مرتوعضتها كديسه و المره
ماتت جاء واحد يعزى الراجل
لقى اعداد غفيره من الرجال متزاحمين سأل واحد
ما شاءالله كل الخلق دي جاية تعزي
الراجل قال ليه لا... ديل جايين يستلفو الكديسه

رُباطابي مُتشاكِل مع مَرَتُو
قامت قالت ليهو والله الواحده
كان عرَسـت إبليس كان أخير مِنك
قال ليها معا حق..
لكن بس حرام الواحده تتزوج أخوها

إتنين شوايقه زهجانين من نسوانُن
واحِد قال للتاني:نِحنا لمن نموت
ونتزوج الحور العِين نِسوانا ديل بودُوهُ وِين؟
التاني قال ليهُو بعزِبو بيهُم الكُفار

شايقي دخل البيت زعلان شديد .. مَرَتُو سألتو مالك ي راجِل
قال ليها تخيلي الصيدليه عامله تخفيض كبير في الدواء
وما عندنا زول عيان

مسطول قالو ليهو عادل إمام مات
قال ليهم الليله نكير الضحك شرطو

مسطول خطيبته قالت ليه أنا أهم حاجة عندي (ألإخلاص) قال ليها وأنا أهم حاجة
عندي الحمدو

رُباطابي فتح دُكان جاب واحد فلاتي قرا فيهو يس
أول شهر الدكان رِبح 4 مليون ..الفلات سمع جا للرباطابي
قال الا يشيل 2 ملون .. الرباطابي قال ليهو لي إنتَ يس دي
قايلا من تأليفك

شايقى وجعلى ماشين فى الغاية فى الجنوب
ظهر ليهم نمر عاتى وجاء هاج عليهم
الشايقى ... شال نعلينو فى ايدو . واستعده للجرى
الجعلى قال ليهو شلته نعليك فى ايدك
قايل نفسك دار تسبق ليك .نمر
الشايقى قال للجعلى ..انا عارف نفسى ما بسبق
النمر انا داير اسبقك انت..؛؛؛؛؛؛

أمريكي و إنجليزي و سوداني دخلو نار جهنم سوا , الامريكي قال
لي إبليس عليك الله شوف لي طريقه داير أتصل بي أهلي بواشنطن بالتلفون
بس خمسه دقايق .. إبليس جاب ليهو الخط وبعد المكالمه إنتهت قال ل الحساب
مليون دولار .. الانجليزي طلب نفس المُكالمه لي لندن و إبليس حاسبو بي
مليون جنيه استرليني .. السوداني طلب مُكالمه للخرطوم قام إبليس أداهو ساعتين
قام السوداني سأل الحساب كم؟ إبليس قال ليهو دولار واحد بس لأنها
مُكالمه داخليه

مسطول مشا يعزي جيرانو ولدهم مات
دخل الخيمه شال الفاتحه وقعد
الزول القاعد جمبو قال ليهو كيف تشيل
الفاتحه انت ما عارف الناس ديل أقباط؟
المسطول قال والله أول ما إتذكرت انهم
أقباط كشحتهم ليك بي (قل يا ايها الكافرون[/b]

إتنين شوايقه زهجانين من نسوانُن
واحِد قال للتاني:نِحنا لمن نموت
ونتزوج الحور العِين نِسوانا ديل بودُوهُ وِين؟
التاني قال ليهُو بعزِبو بيهُم الكُفار

Obama الإثنين فبراير 23 2009, 17:06

واحد مرتوعضتها كديسه و المره
ماتت جاء واحد يعزى الراجل
لقى اعداد غفيره من الرجال متزاحمين سأل واحد
ما شاءالله كل الخلق دي جاية تعزي
الراجل قال ليه لا... ديل جايين يستلفو الكديسه