هام...دعوه للمشاركة...

[السلام عليكم ورحمه الله
شباب أحيكم علي المجهود الرائع وأنشاءالله تامين ولامين
وأنا محمد في تالت تكنو يعني برلوكم كلكم في ناس منكم عرفتهم والباقين علي أمل شرف التعرف ومقابلتم في اقرب وقت
في الحقيقه أنا رئيس الجمعية وبنخطط لعمل أحتفال ضخم بمناسبة الارقام الهندسية وبالتاكيد ما بنتخطاكم في حدث ذي دا (منكم ولكم الفضل) بقدم ليكم الدعوة للمشاركة معانا والمساهمة في أنجاح اليوم والحفل.
تشكروا

في أنتظار النصح و الارشاد والتوجيه.....

السلام عليكم اخ محمد , وشكرا على المشاركة , وياريت تكون عندكم مشاركة دائمة باسم الجمعية بعد التشاور مع الاخ بشير, عشان نعرف اخبار الجامعة وياريت تكونو رافعين راية تكنو عالية

الأخ محمد اهلا ومرحب بيك كتير .. التحيه عبرك لكل طلاب القسم حاليا ونبارك لكم ولانفسنا هذا النجاح التوفيق الكبير بالحصول علي اعتراف المجلس الهندسي بالقسم ومنح الرقم الهندسي ... الحدث كبير وعظيم ويستحق منكم اجتهاد ونتسيق حتي يخرج الاحتفال بحجم المناسبه .. انت بصفتك رئيس للجمعيه ارجو ان تكون علي اتصال دائم بنا في المنتدي وارجو ان تمدنا بتفاصيل البرنامج المقترح وتحديد زمان الاحتفال قبل وقت كافي حتي نتمكن جميعا من المشاركه .. معرفة زمن الاحتفال قبل وقت كافي ستمكن عدد كبير من الخريجين من حضور الاحتفال وترتيب ظروفهم العمليه قبل وقت كافي ..مسئوليه كبيره جدا ملقاه علي عاتقكم لكن ثقتنا كبيره في قدرتكم علي اخراج برنامج يليق بالمناسبه .. اذا كانت هناك حوجه لمشوره او رأي في اي موضوع ارجو ان تكتب لنا مباشره في المنتدي وستجد رد فوري باذن الله ..
لك كل التحيه ووفقكم الله ..

سلام يامحمد ...
شكرا ع التنوهية ... وارجو منك انك تورينا اقتراحاتك وترتيباتك للاحتفال عشان احنا برضو نساعدك .

السلام عليكم ياباشمهندسين
تشكروا علي المرور
وربنا يوفق وأنشاء الله نرفع راسكم