لمة العيد

شباب .. شباب .. شباب
لمة العيد متين..؟
ما تعملوها لينا زي فطور رمضان .. وتتعبونا ويجو نفرين بس..
لو سمحتو

والله فكره جميله ياأحمد .. الناس تتلمه وتتقابل .. بس طبعا في ناس كتيرين بره البلد ربنا يرد غربتم ،وفي ناس خلال اجازة العيد بكونو مع اهلهم خارج العاصمه .. عشان نضمن انو الناس كلها تتلاقي انا بقترح انو اللمه تكون في مناسبة زواج محمد المصطفي وسحر خاصه انها في وقت مناسب بعد العيد بفتره كافيه .. لانو كده بنكون شاركنا في المناسبه وده الاهم ،بالاضافه لي انو المناسبه ح تجمع ناس كتيرين طولنا ماشفناهم وح نعتبر دي فرصه طيبه عشان الناس تلاقي بعض فيها ..
وانشاءالله فكرة اللمه دي تتواصل وتبقي برنامج ثابت في كل الاعياد ..

والله أنا رايي من راي بشير....لكن مالو نحاول لي قدام نرتب لي برنامج يلم كل اعضاء المنتدى.ولا الراي شنو؟

فكرة جميلة
فعلا محتاجين نتلاقي كل الشلة بس انتو ريتبو وكلمونا

والله أنا أشجع الفكرة بشدة بالرغم انو نحن ما ح نكون في لمة العيد معكم بس حلال عليكم

طيب كويس..
لمة العيد لازم تتثبت مع لمة رمضان وعيد الفطر..
أنشط زول ممكن يقوم بالتنسيق هو عبدالرحيم عشان كده أنا بستأذنكم نكلفو بمهام اللمة من هنا وجاي..
ضروري نشوف كل الشباب في عرس محمد المصطفى....

مالك علينا يابوس...عموما الحاجات دي بسيطة مادايرة زول نشيط ولا كسلان..والتنسيق في النهاية تلفونات, والحمدلله الناس كلها
معاها موبايلات, بس الناس في البداية تقترح البرنامج والزمن وكدا..
على العموم بعد كم يوم جاييكم عرس جنابو والاخت سحر..ممكن نذكر الناس بالتاريخ..

الفرح بدار الشرطة ببري - يوم 27-ديسيمبر
والحاضر يكلم الغائب
للتهانى تلفونات محمد المصطفى: 0126150662
0912968968

طيب انت ما كويس أهو! وامّال أنا مرشحك ليه..
أها حكاية التهنئة حقت التلفون ولا خطرت لي على بال
ده طبعا عشان الناس البرة بس لكن الجوة ما عندهم طريقة غير تشوفني وأشوفك..