الكرسى الساخن(2 ) مع مدير الموقع بشير كمبال

Dolly كتب:تسلم يا بشير كمبال على الرد الجميل والوااااضح


سؤال :
*هل حصل شفت غلط قدامك وما حاولت تصلحو او تتدخل وتو قفو ؟؟

*ماهي القيمة الاهم والاغلى عندك (الصداقة) ام (الحب) ؟؟؟
ولو خيرت بين الصديق والحبيب حتختار شنوووووو .....


حستنى الاجابة فاااارغ الصبر

اول حاجه يادوللي خلاص كفاك .. دي اخر اسئله منك .. بعد كده اصبري لي بس واستعدي لاسئلتي انا ..
*هل حصل شفت غلط قدامك وما حاولت تصلحو او تتدخل وتو قفو ؟؟
اكيد طبعا شفت حاجات كتيره غلط في حياتي وماعجبتني او كانت بتزعلني شديد .. لكن تدخلي في المواضيع دي مابقدر احدد ليك انو مثلا انا بتدخل طوالي في اي شئ شايفو غلط واحاول اصلحو .. ح ابقي منافق لو قلت كده .. لانو بعض الاحيان مابقدر اتدخل في شئون الناس في اي مكان .في الشارع في الشغل في الجامعه في الاستاد او في اي حته تانيه بتجمعني بمجموعه من الناس .. اولا اي زول حر في تصرفاته واي زول مسئول عن نفسه وعن سلوكه .. انا علي انصح واوجه لكن ماعلي اتدخل بالقوه وا باي طريقه تانيه في شأن بهم شخص اخر مابتربطني بيهو معرفه .. لكن طبعا في بعض الاشياء التدخل فيها بكون عفوي او بطريقه بتفرضها عليك الاعراف والتقاليد والدين والمروه .. ودي امثلتها كتيره وواضحه وبتحصل خاليا كتير وحصلت في حياة اي واحد مننا انا متأكد ..واخيرا حديث الرسول (ص) المعروف للجميع والمحفوظ عن ظهر قلب لكل واحد مننا هو الاصح وهو الافضل..(اذا رأي احد منكم منكرا فليغيره بيده فان لم يستطع فبلسانه فان لم يستطع فبقلبه ، وذلك أضعف الايمان)

ما مشكلة بس رفقا بالقوارير....
بعد اجابة جزر هاواي صحي انت رومانسي..
انا قريت الجريمة و العقاب كتاب حلو بتمنى ترسل لي نسخة البداية و النهاية و اكون ليك شاكرة
مامشكلة عفيتك من اجابت السؤال الخامس

رانيا محمد عو كتب:
ما مشكلة بس رفقا بالقوارير....
بعد اجابة جزر هاواي صحي انت رومانسي..
انا قريت الجريمة و العقاب كتاب حلو بتمنى ترسل لي نسخة البداية و النهاية و اكون ليك شاكرة
مامشكلة عفيتك من اجابت السؤال الخامس

شكرا يارنو علي اسئلتك الجميله ومااتعبتيني كتير زي ماكنت متوقع .. ح ارسل ليك كتاب البدايه والنهايه عبر الايميل . مشكوووووووووره ..

ماهي القيمة الاهم والاغلى عندك (الصداقة) ام (الحب) ؟؟؟
ولو خيرت بين الصديق والحبيب حتختار شنوووووو ...
شكرا يادوللي ...
اولا انشاءالله مايجي يوم واكون في موقف حقيقي لاختار بين الصديق والحبيب ، لانهما الحياة عندي .. لمن احب معزه ومكانه خاصه وشعور متبادل لن اجد له مسميا ولا مثيلا .. وهو يتمتع بهذا وحده .. يمتلك ذلك الحيز الكبير داخل القلب وحده .. فلا حياة لي بدونه .. وهذا الاعتراف يجعله في مكانه كبيره لكنها علي اي حال المكان الطبيعي للحبيب في قلب من يحب صادقا ..
والصداقة عندي ايضا هي الحياة .. اعتبر نفسي ممن يقدسون تلك العلاقه الحميمه التي وصلت مع البعض لدرجة الاخوه ..الاخوه الحقيقيه وليست تلك التي تقال لمجرد وصف او مبالغه .. لي صداقات قويه وعلاقات امتددت لسنين طويله مع اصدقاء من الجنسين لازالت متينه وافتخر كثيرا بها وبهم .. والحمد لله ان موفق جدا في هذا الامر وكل اصدقائي أراهم خيار من خيار.. الصداقة والمحبه هما اجمل مافي حياتي ..لامجال للتنازل عن احدهما .. ابدا ..

يا جماعه بشبش المدير وين الليله???..داير اذكرو الكرسي الساخن ..البنات ديل عملو رايحين..
دايرين واحده تقعد في الكرسي المره دي

اي والله بشير دا كفاهو...بعد دا ندخل واحده من البنات....
وانا برشح ليكم .......................
هو عااااااااااااارف نفسو! زول نضام وكلامو كتير بالذات في المنتدى دا...
عرفت نفسك طبعا.. خلاص بالله المرة الجاية نلقاك دخلت الكرسي الساخن برااك

ياجماعه وييييين (المتزرزرون ) في الارض ولا دي اجازه لزوم العيد

انا والله ياشباب ماكنت قايلة الزول دي دبلومسي لدرجة دي لكن عافية منكم زرزره كده شكلي جيت متاخره لكن
انا كمان عندي سؤال ممكن في الكورة ماذا يعني لك المريخ وهل ممكن يوم تكون هلالابي؟