المريخ بطلا للدوري الممتاز ..سمح انت وعسل انت !!

بكل سهوله تمكن الاحمر الوهاج من انتزاع لقب الدروي الممتاز من نده (سابقا) ابو الهل التعبان ، في المباره التي جمعت بينهما امس بملعب استاد الهلال او ( الزريبه )، تقدم المريخ عن طريق المرعب طمبل في الشوط الاول وتمكن الهلال من حفظ ماء وجهه وادرك التعادل من خطأ دفاعي للمريخ سمح للمدعو سيف مساوي ( اتخيل انو ده اسم لاعب كوره ) من نطح الكره لتجد طريقها للشباك وهو غير مصدق انه احرزهدفا في فريق بحجم المريخ .. بعد الهدف وحفاظا علي ارواح الجماهير من السلوك المشين المتوقع من قبل جماهير ابو الهل التعبان ..تلك الجماهير التي عرفت علي مدي تاريخ مباريات الهلال والمريخ عرفت بالسلوك القبيح وعدم تقبل الهزيمه .. لهذا راي لاعبي المريخ ان يحافظو علي نتيجة التعادل لانها تكفل لهم البطوله .. وتحقق لهم ذلك ونالو بطولة الدوري الممتاز بعد ان احرزو 66هدفا في هذه البطوله ونال اللاعب الخطير طمبل لقب هداف الدوري برقم قياسي جديد سجل باسمه لم يحدث في تاريخ البطولة منذ انشاءها وهو 21 هدفا..

المريخ عالم جميل

ياربى انت حضرت كورة تانية ولا شنو؟؟؟ ولا الصينيين جابو ليكم مباراة تقليد

يعنى صينى تايوانى. الهلال ماسك زمام الكورة من بداية المباراة المريخ من ثلاث فرص جاب هدف
واصبح الحارس ( اكرم ميج) يدردق فى الواطة من نص الشوط الاول والعجب الراكوبة ماقادر يجرجر كرعيو.

بالبالمناسبة انت شكلك قادى جغرافية بلدك ياربى انت ( شايقى جد جد) سيف مساوى اسم مساوى دى منطقة فى الولاية الشمالية

بالقرب من القرير تسمى مساوى واللاعب سيف كان يلعب لى فريق فى رابطة امبده.
عليكم الله يا شباب الحكم ده مابالغ معانا يدينا 3 دقايق وقت بدل ضايع فى حين ان اكرم ميج براه راقد قريب 10 دقائق.
مامشكلة الناس محرومين ليهم خمسة سنة ما ضاقو طعم الممتاز ابدا.
والظريفة كمان الحارس قال ماش يطلع ى العراضة ويحتل الاستاد قال bom

ياربى الكورة انتهت تعادل ولا المريخ غلبنا؟؟؟؟
المقبرة عصية على جميع الفرق يا هو الفضل المرييييييييييييييييييخ يغلبنا فى المقبرة قال

لا والله يامحمد .. انا حضرت الكوره الكانت في الميدان المضلللللللم داك Smile

.. وشفت طمبل جاب قون والحارس اتشربك في الشبكه ( كالعاده ) بس المره دي اتشربك معاهو عمو ريتشارد Neutral

.. الجابو جوه القون شنو انا ماعارف !! يعني الحاجه المعروفه انو المدافع بلاقي المهاجم قبل مايصل القون .. لكن السواهو عمو ريتشارد امس حركه جديده لنج ..
لكن طمبل زاتو بالغ .. ماكان يعمل كده حرام والله ..

والله الحته الاسمها مساوي بتاعت المدعوسيف مساوي(تاني اتخيل انو ده اسم لاعب كوره ) الحته دي انا شفتها بعيني affraid

.. الزول ده مرق منها كيف انا ماعارف .. يعني بلدهم الانا شفتها دي حاله صعبه غير النخيل مافيها حاجه .. والنخيل طويل .. والزول ده طويل .. يعني لو قعد لقط البلح مع اهلو كان اخير ليهو من الخرمجه العملها امس دي ..
بعدين يقولو ليك المقبره والهلال لايمكن هزيمته في المقره والهلال لانيخسر في المقبره(العالم دي مغشوشه غشه غريبه خلاص ..مساكين والله) .. الهلال لايخسر في المقبره يقومو يقلعو منو الكاس عينك عينك من جوه المقبره بتاعتو .. ده كلام lol!

فرحانييييييييييييييييييييين مالكم متخيلين نفسكم غلبتونا ولا شنو ؟؟
احنا متعادلين ,, والحكاية محسومة بفرق النقاط ,, وزي ما قال صلاح ادريس النتيجة اصلا محسومة من المكاتب من بدري
وكلو كوووووووووم وحارسكم الغريب اكرم كوم تاني ,, وزي ماقال محمد ادو وقت اضافي 3 دقايق واكرم ده رقد جنس رقاد في الملعب نام عديييييييييييييييييييل كدا ..
ولا لاعبين المريخ البيتوقعو في الارض زي الشطرنج بس عشان يضيعو الزمن ,, غايتو لعبو لعب شييين شديد
قلنا ليكم قبل كدا الحقد الجواكم خلو والكاس ده شبعانييييييييين منو خلو ليكم المهم انكم ماغلبتونا
والهلال فوق رغما عن انوف الجميع فووووووووووووووووووووووووق
تقبلو تحياتي

هسى اتاكد انك ماحضرت الكورة يا حبيبنا الكان مع المعز وحاول

ابعاد الكورة هو مرق وليس ريتشارد يا حبيبنا

الولاية الشمالية تصدر البلح واالى جميع انحاء السودان
يعنى يزرعو منجا هناك؟؟ ممكن تقولى العجب كان دورو شنو فى المباراة؟؟؟
ولا الزومة عمل شنو؟؟؟ احسن واحد كان اكرم ميج يتدردق فى الملعب ويضيع فى الزمن بس

بالمناسبة امر الكاس ده محسوم من المكاتب ذى ماقال الريس صلاح الشفت.
وانت الوحيد المريخابى البعرفو فرحان للكاس ده نحن هنا المريخاب ابو يحضرو التتويج وبقى ليهم مسيييييييييييخ

برعي الثلاثاء نوفمبر 18 2008, 20:19

انت عارف يا بشير المنتدى دا هلالابو كتار كتار كتار كتار خلاص....
( فعلا المريخ فريق الصفوة)

فرحانين يادوللي لاننا ماخلينا حاجه للهلال المحلي .. فرحانين لانو القون جابو طمبل .. وماأدراك ماطمبل ..
وفرحانين لانو الكاس من داخل الزريبه عندو طعم .. وفرحانين لانو المريخ حاليا ضمن افضل مائة نادي في العالم حاليا .. والثالث علي المستوي العربي .. ولاعزاء لكم .. فريق جعجعه وهتيفه .. وصـــــفر كبـــيــــــر يمثل عقده ازليه لافكاك منها في القريب مع مجموعة الفاقد التربوي التي تلعب باسم ابو الهل الغلبان حاليا .. ولافكاك منها مع وجود رئيس اشتر .. صحفي .. فنان .. شاعر .. ملحن .. وقريبا ممثل .. رئيس متخصص في الربربه والكلام الاجوف .. رئيس يشاكل (ضلو)..رئيس يسمونه الارباب ولكنه ربراب .. يسمونه شفت .. وهو زفت ..
المباراه القادمه ايضا مريخ هلال في نهائي كأس السودان .. يطول الحديث عن المريخ في هذه البطوله .. له عوده
وتاكيد الجداره والتفوق سيكون في المباراه القادمه
المريخ عالم جميل

حكاية زمان السبت ديسمبر 06 2008, 02:17

احب اقول للمريخ ولكل المريخاااب
مبرووووووووووووووووووووووووووك الكأس تستاهلو والله
فرحنا ليكم من قلبنا وبيني وبينكم عندكم حارس امانة ما خطير
لكن برضو
يظل الهلال سيد البلد والكنج دوماااااااااااااااااااااااا

برعي السبت ديسمبر 06 2008, 05:52

فعلا والله زي مابقولو الهلال سيد الـ ........ سـيــــد اللـــــبن. lol!

المريخ بطلا للدوري الممتاز ..سمح انت وعسل انت !!

المريخ بطلا للدوري الممتاز ..سمح انت وعسل انت !!

غريب

المــــــ الزعــــيـــم ــــريخ...المــــ الانـيق ــريخ...المـــــ البــطل ـــريخ

رد: المريخ بطلا للدوري الممتاز ..سمح انت وعسل انت !!

رد: المريخ بطلا للدوري الممتاز ..سمح انت وعسل انت !!

اثبات حقيقة علمية

مواكب الفرح الاحمر..

رد: المريخ بطلا للدوري الممتاز ..سمح انت وعسل انت !!

رد: المريخ بطلا للدوري الممتاز ..سمح انت وعسل انت !!