فصل .. لكل شيء

Q.T الأحد نوفمبر 22 2009, 22:57

مره في زول قال لي في الطياره واحنا بنتناقش انو شتا الرياض صعب " الشتا جميل بتحس انك داير تبكي فيه طول الوقت "
وانا وافقتو الراي .. طبعا"

الشتا فصل لكل شي .. لو عايز تحب المفروض تحب في الشتا ...ولو بتحب مسبقا".. اعشق في الشتا ..

لو اتشوكشت قبل الشتا اجل خيبة أملك لحد مايجي الشتا وبعدين .. أحزن .. واسمع الحاجات البتقطع قلبك ههههههههههههههه وابكيييييييييييييييييي ...

لو ناوي تتصالح مع نفسك .. لف بطانيتك عليك .. واستمتع باحساس الدفئ اللي بندور عليه طول عمرنا ومابنلاقيهو الا مع (بطاطينا) .. وصالح نفسك .. لانو ماممكن تكون انت والزمن الصعب والبرد عليها !!

*******
الميزه الرائعه جدا في الشتا ..اننا بنقدر نقول بردانيييييييين بصوت عالي .. لأننا دايما" مسكونين بالبرد .. دواخلنا دايما متجمده بتبحث عن دفا
لكن احنا ما عندنا شجاعه الكلام .. بنخجل من حاجتنا الملحه الدائمه للدفء ... ولما يجي الشتا .. بندفى من جوا .. وبتبرد اجسادنا..

********
بعشق الشتا.. بعشق احساس النعاس الدائم فيهو..
مع رجعتو بترجع حاجات كتيره ..
بيرجع المطر .. وتصحى فيني (عقدة المطر )
بترجع ايام ..ماشرط يكون زمانا فصل الشتا.. بس .. مجرد ذكراها كفيله انها تدفيني ..!!
بترجع حاجات اهم من دا كلو ..

بترجع لذه الشاي البيتعمل في ترمسه كبيييره .. والقراريص الما بتديك الدرب .. واهم شي .. مابتحتاج تستحمى كل يوم HAAA

" ستعود لي .. يامعطفي الشتوي .. ياأحطاب الليالي الثلجية .. ياطمأنينة العمر المتعب "

[

SHAHINAZ الإثنين نوفمبر 23 2009, 09:10

فصل لكل شئ عنوان جمييييل لكن ما أظن لشتاء

والكلام كان اجمل لكن برضو ماأظن لشتاء

تسلم علي الموضوع الرائع

onatee الإثنين نوفمبر 23 2009, 09:58

هلا وغلا ب QT الرائعة دوما" ...

بالجد فصل لكل شي ...

بالنسبة لي فصل للذكريات الحلوة ...

والطقوس الجميلة اللي مابتختلف كتير عن طقوس QT ... I love you

تخريمة :
ذكرتيني رائعة كاظم الساهر ( حبيبتي والمطر )

Q.T الجمعة نوفمبر 27 2009, 21:09

شاهيناز شكلو الشتا مزعلك Wink

تسلمي كتير واسعدني مرورك ..

onate الحمدلله انو مرتبط بذكريات حلوه ويارب دايما" كدا يا (قمرنا)..
شكرا" على المرور ..

Obama الأربعاء ديسمبر 02 2009, 14:28

انتي متاكده انو الشتاء الفي الصوره دي نفس الشتاء الانتي بتتكلمي عنو... NO NO NO

Q.T الأربعاء ديسمبر 02 2009, 16:32

والله يااوباما انا ماجربت اعيش في شتاء زي ده بس متأكده اني لو عشت في مكان زي الفي الصوره ماحتكون عندي مشكله ..لاني بحب احساس البرد ..
الصوره حلوه شديييييييييييييييد ..شكرا"

Obama الأربعاء ديسمبر 02 2009, 20:43

الميزه
الرائعه جدا في الشتا ..اننا بنقدر نقول بردانيييييييين بصوت عالي ..
لأننا دايما" مسكونين بالبرد .. دواخلنا دايما متجمده بتبحث عن دفا
لكن احنا ما عندنا شجاعه الكلام

لالالا بالجمله دي قربتي لي احلام مستغانمي ..لو واصلتي بتبقي مستغانمي السودان

لكين الصراحه والله الشتا ما بتحب كلوكلو..ياخ دا فصل الانتحار والامراض النفسيه

onatee الخميس ديسمبر 03 2009, 12:26

انا برضو عجبتني الصورة يااوباما ...
وياريت لو عندنا زي الشتاء اللي في الصورة ....
ح يكون الدفا الجوانا ( الجوا قلوبنا) اكتر كل ما كان البرد اكتر I love you

وذكرياتنا برضو ح تكون احلا ....
ولا شنو يا QT ؟؟؟

Q.T الجمعة ديسمبر 04 2009, 18:11

تسلم يااوباما ,,انا لو حبقى زي احلام مستغانمي حتى لو بعد 20 سنه حكون سعيده جدا جدا...
onatee ياسلام عليك ياصحبتي .. ورب صديقة لم تلاقيها او تحومي معاها HAAA

برعي الجمعة ديسمبر 04 2009, 21:47

والله ما شاءالله شايف البوست حقك يا Q.T راااااااااااااااشح..دا ما كان شتا دا..

طبعا نحن الكبار ديل الشتا ما بينفع معانا كلو كلو..الرطوبة والنزلة والالتهابات وكدا يعني....

طبعا لا بذكرني بي حاجة ولا بتدفا من جوة.. ومع رجعتو بترجع لي الرطوبة...

انتو عارفيت أظرف حاجة في الشتا دا الواحد يعمل شنو؟؟؟؟؟؟؟

تمشي شارع النيل وتضرب ليك قنقرة حااااااااارة كدا .. والاهم من دا تكون براك ما معاك اي زول

Q.T السبت ديسمبر 05 2009, 16:44

طبعا لا بذكرني بي حاجة ولا بتدفا من جوة.. ومع رجعتو بترجع لي الرطوبة...

قنقره ..يعني شنو؟؟ Rolling Eyes

برعي السبت ديسمبر 05 2009, 19:24

Q.T كتب:
قنقره ..يعني شنو؟؟

والله ناس الشهادة العربية ديل.....عموما القنقر هو العيش ريف ولو ماعارفة العيش ريف, العيش ريف هو الذره الشامية أو الـ corn باللغة الانقليزية..لمن يتنجض بالجمر أو يتسلق بسموهو القنقر..كدا وضح؟

onatee الأحد ديسمبر 06 2009, 13:21

الحمدلله مسكت لساني وماسألت ( قنقرة ) يعني شنو ؟

Obama الأحد ديسمبر 06 2009, 13:28

برعي كتب:
Q.T كتب:
قنقره ..يعني شنو؟؟

والله ناس الشهادة العربية ديل.....عموما القنقر هو العيش ريف ولو ماعارفة العيش ريف, العيش ريف هو الذره الشامية أو الـ corn باللغة الانقليزية..لمن يتنجض بالجمر أو يتسلق بسموهو القنقر..كدا وضح؟

]ما واضح ولا اي حاجه...هي شهاده عربيه وانت زول ديامي..يعني مافي اي لغه مشتركه بيناتكم ..يعني كان ممكن بدل النقه دي كلها تقول ليها شفتي الفشار ..بس ياهو زاتو لكين بالبلدي

فصل .. لكل شيء Lol

Obama الأحد ديسمبر 06 2009, 13:30

onatee كتب:الحمدلله مسكت لساني وماسألت ( قنقرة ) يعني شنو ؟

عادي عادي يا رانيا ..انتي مش من بورتسودان..يعني قريبه من الشهاده العربيه بس بيناتكم البحر فصل .. لكل شيء Lol

برعي الإثنين ديسمبر 07 2009, 08:19

Obama كتب:
onatee كتب:الحمدلله مسكت لساني وماسألت ( قنقرة ) يعني شنو ؟
عادي عادي يا رانيا ..انتي مش من بورتسودان..يعني قريبه من الشهاده العربيه بس بيناتكم البحر

والله المشكلة ما في ناس الشهادة العربية. المشكلة في المتعربنين ديل يسوو ليهم شنو................

shoosh الإثنين ديسمبر 07 2009, 11:06

برعي كتب:
Q.T كتب:
قنقره ..يعني شنو؟؟

والله ناس الشهادة العربية ديل.....عموما القنقر هو العيش ريف ولو ماعارفة العيش ريف, العيش ريف هو الذره الشامية أو الـ corn باللغة الانقليزية..لمن يتنجض بالجمر أو يتسلق بسموهو القنقر..كدا وضح؟

يابرعي ماتدي المعلومة غلط.. Evil or Very Mad

القنقر اساسا هو قندول العيش الذرة ( فتريتا وسماني وغيرها).. وهو برضو بتشوي علي الجمر وبتوكل زي عيش الريف!! اما فشارobama دا من الاول اسمو عيش ريف!!

لقيتني كيف في البيولوجي.. MUSIC

Q.T الثلاثاء ديسمبر 08 2009, 14:51

برعي لو عارفه سؤالي بيزعل كده كان ما سألت lol!

بعدين بعد الفصاحه دي كلها طلعت معلوماتك غلط .. اخير انا Wink

اوباما

كان ممكن بدل النقه دي كلها تقول ليها شفتي الفشار ..بس ياهو زاتو لكين بالبلدي

للوهلة الاولى كنت قايلاك بتدافع عني لكن طلعت غلطانه DOWN

اشرف .. ينصر دينك .. انا غايتو بصدقك في ايييييي شي .. ياابن حتتي HAHA

برعي الأربعاء ديسمبر 09 2009, 14:32

Q.T كتب: انا غايتو بصدقك في ايييييي شي .. ياابن حتتي

اااااااااي بس قولي من حتتك وخلاص..ما كان في داعي للمحاضرة دي كلها...

onatee الأربعاء ديسمبر 09 2009, 14:38

برعي كتب:
Q.T كتب: انا غايتو بصدقك في ايييييي شي .. ياابن حتتي

اااااااااي بس قولي من حتتك وخلاص..ما كان في داعي للمحاضرة دي كلها...

لووووووووول حصلت شكله lol!

shoosh الخميس ديسمبر 10 2009, 08:48

onatee كتب:
برعي كتب:
Q.T كتب: انا غايتو بصدقك في ايييييي شي .. ياابن حتتي

اااااااااي بس قولي من حتتك وخلاص..ما كان في داعي للمحاضرة دي كلها...

لووووووووول حصلت شكله

انتي اقعدي فوريها.... يامفتنه NO NO NO

انا وبرعي حبااايب..

برعي الخميس ديسمبر 10 2009, 20:38

تسلم يا حبيب...

mohanad yasin الخميس ديسمبر 10 2009, 22:04

شتاء شنو اليكون عندنا احنا لو جانا شتا زي ده ولا ربعه بس بنموت كلنا لي سبب بسيط ماعندنا ملابس برد ملابس الرد العندنا فالصو يا كيوتي بعدين مره السخان وقف عندي كنت بتوضاء من الظهر مره واحده اما الحمام داك الا اتصلح بس بركه الكنت في الخلاء تعالي هنا جربي بطانيتك

يابت حلة اشرف انا باقي لي شهر هنا تاني بقيت لوحة تزلج اما بردكم داك فصدقيني قاعد انوم بالمكيف امي قايله عندي سكري

Obama الجمعة ديسمبر 11 2009, 19:49

رانيا عوض السبت ديسمبر 12 2009, 11:33

هههههههههههههههههه @ مهند سراج ....بالغت
غايتو يا برعي انا عارفة قنقر يعني شنو لاكن شرحك طير لي العارفاه THINK

نصيحة مني ابعد عن مهنة التدريس STOP

رانوية طلعت شهادة عربية ونحن ماعارفين
lol!

بس موضوع جميل ويدل على احساس مرهف (ابو الشوش وبرعي مرهف دي بتلقو
معناها في المعجم MUSIC

)......تسلمي يا Q.T

فصل .. لكل شيء

فصل .. لكل شيء

رد: فصل .. لكل شيء

رد: فصل .. لكل شيء

رد: فصل .. لكل شيء

رد: فصل .. لكل شيء

رد: فصل .. لكل شيء

رد: فصل .. لكل شيء

رد: فصل .. لكل شيء

رد: فصل .. لكل شيء

رد: فصل .. لكل شيء

رد: فصل .. لكل شيء

رد: فصل .. لكل شيء

رد: فصل .. لكل شيء

رد: فصل .. لكل شيء

رد: فصل .. لكل شيء

رد: فصل .. لكل شيء

رد: فصل .. لكل شيء

رد: فصل .. لكل شيء

رد: فصل .. لكل شيء

رد: فصل .. لكل شيء

رد: فصل .. لكل شيء

رد: فصل .. لكل شيء

كدي نرجع لي موضوعنا

رد: فصل .. لكل شيء

رد: فصل .. لكل شيء