عنقريب هباب فى ضل نيمة مرشوشة الحلقة (2)

yassin assadig الإثنين نوفمبر 02 2009, 07:51

[b]السلام عليكم يا شباب

ذى ما قلت ليكم انو اليوم اخر لى يوم فى الاجازة ,عشان كده انا الليلة عازمكم جبنة كاربة, نرجع للنيمة والعنقريب

وكمان رشيتها بالموية عشان نلطف الجو, المشكلة البعمل ليكم الجبنة منو طبعا انا لسة ما عرست,وبنات تكنو المعانا

ديل حنكوشات,يا حليل عرفة ومحاسن وجبنة الابيض.

الليلة عندنا رمية خفيفة من شباب تادفعة الاولى اخونا محمد او ود ابراهيم وهو الان استاذ بجامعة النيلين ربنا اديو الصحة والعافية

طبعا هو خطاط وكتاب الدفعة كلها بتصور منو انا خطى احسن منو لكن ما قاعد اكتب.

ايام الزحمة فى المواصلات والدفارات اخونا ود ابراهيم كراعو اتكسرت وفى اليوم التانى جاء اخوانا بكرى عطاالله و خالد بوينت 1

البارح يا جماعة اخونا ود ابراهيم كراعو اتكسرت ومحتاجين تبرعات ودعم والراجل دا محتاج لى جداد كتير و ترمس,و طلع كشف

فيه يس الصادق 5 الف على الطيب 5 الف اشرف متوكل 3 الف معز النعيم 2 الف ...طبعا ديل كلهم ما عندهم 5 الف ,وبدا

الكشف الحقيقى ,راوية وفاطمة وعبير ..دفيعات..ماركو,هيثم....لمن جوا لي اخونا حسام شك فى الموضوع وعصلج قال بدفع

قدام..القروش الاتجمعت كانت ذى 30 الف ,يعنى كتيرة.

توجهت الشلة الى السوق العربي ,اخونا خالد قال نمشى مطعم مهيار للقراصة,بكرى قال يا جماعة مطعم السراج دا فيه ميزة

العيش مجان,تمت الموافقة بالاجماع على السراج ,فى اللحظة دى اخونا حسام اتاكد انو الموضوع دا فيو حاجة وحلف ما يدفع

اتغدينا وضربنا الشية والعدس والكباب بعد غيبة...العصائر الشاى, بوينت 1 اشترى علبة حلاوة بى 5 الف..

ركبنا مواصلات السلمة واتوجهنا لى اخونا....

بعد وصلنا هناك وحمدلنا السلامة لقينا ود ابراهيم مظبط الغداء....ما قدرنا نتمالك من الضحك.....

لمن جينا طالعين تم توزيع حسام اشرف و.. خالد اخد 2الف وبكرى 2 ادونى الف جنية قمت طنطنتا لكن بعد ركبت

الحافلة قالوا لى حرم ما تدفع.....

والعفو والعافية....

يس..

[/size]

[/size][/b]

onatee الإثنين نوفمبر 02 2009, 12:47

ههههههههههه والله غايتو طلعتو مجارمة ..
ياحليل ايامكم
وياحليل الزمن المشي وماجاء ... Sad

هههههههه عليك الله واصل يا يس , وركز لي علي حسام ده ههههههههه

husam الأربعاء نوفمبر 04 2009, 08:00

ده شنو يايس الفضايح دى اسة المدام كانت ماخدة عنى صورة كويسة
يابشير بالراحة علينا وانشاء الله تلقى فى دفعتكم واحد لسانو فالت ذى يس كده يورينا الحاجات المستخبية

sam الأربعاء نوفمبر 04 2009, 12:52

سلاااااااااااااااااااااااام للاخ يس شنو الفضايح نقوم نغير راينا ولا شنو عندى طلب خاص عايزاك( تحكى قصة ياكريم الجود والعطا يا........ )

يس الصادق
كيفك ياباشمهندس
اخبارك شنو
مبالغة لكن دا شنو ؟؟خف شويه علي الجماعة
ناس الشغل ديل ماكان يعملوا ليك اجازة
عشان تكون فاضي للقعدات دي

عنقريب هباب فى ضل نيمة مرشوشة الحلقة (2) 151105

عنقريب هباب فى ضل نيمة مرشوشة الحلقة (2) 151105

ليك الف تحية

sam كتب:سلاااااااااااااااااااااااام للاخ يس شنو الفضايح نقوم نغير راينا ولا شنو عندى طلب خاص عايزاك( تحكى قصة ياكريم الجود والعطا يا........ )

والله القصة الجابت لينا سلمي الليله اكيد قصه مهمه (ومؤثرة) خاصه علي حسام .. يلا يا يس فك العلم

yassin assadig الجمعة نوفمبر 06 2009, 10:38

سلام يا مدير...كيف الصحة والاحوال...نعتذر لتوقف برنامج عنقريب فى ضل نيمة مرشوشة ..ولكن حتما سنعود
الرجاء توفير الحماية اللازمة...

abogola الجمعة نوفمبر 06 2009, 19:36

مع ان انا بعيد عما يدور في ذاك الزمن الجميل كما تقولون لكنني اتنسم الهمبريب عن بعد حق الواحد يستعين بي جنكيز عشان الفضائح بتأخد طابع تاني فضائح درجة تانية لكن يا ياسين انت ختري عدييييييييييييييل شكل سنائية مع ود الاصل ويا اريت تشتغلو لينا مديرنا ده شوية .

التحية ليك وطمعانين لسة فيك اكتر زيدنا من عندك كتييييييييييير.

تحياتي **ودبانقا**

yassin assadig السبت نوفمبر 07 2009, 18:48

سلام كتييييييير ليك يا اخونا ابوجلة ومرحب بيك كتير فى عنقريبنا العامر ويا ريت تجيب معاك اخونا جنكيز.

yassin assadig السبت نوفمبر 07 2009, 19:03

مرحب بيك اختنا الاستاذة سلمى.....والله منورة النيمة

بشير كمبال الأحد نوفمبر 08 2009, 09:05

شنو يا ياسين , قلبت الحكايه ترحيب سااااااااااكت , عندي احساس انو (هرشوك) ..

shoosh الأحد نوفمبر 08 2009, 10:22

ابو السوس !!!!!!!!!!

الدرب ده سيبو!!!!!!!!

جد زكريات حلوة ...............

سلمى ازيك...... اخيرا !

بالجد عاوزين الجماعة يعرفو قصة (ياكريم الجود والعطا..............)

حليييييل!!!!!!!!!!!!!!

NO NO NO

غيابك طال يا يس
الحاصل شنو ؟

yassin assadig الثلاثاء نوفمبر 10 2009, 21:00

أعزائي الأعضاء ...

من خلال تواصلكم اللبق و الراقي ،

إتضح لنا إنه يوجد من بينكم من هم

" بارعــــــــــون في الســــــــــرقة "

المحترفة والتى تشِّل

الخاطر وينتصب لها

لن أذكر أسمائهم
وسأكتفي بالإشارة لهم

ففئة من الأعضاء

" سـرقوا القـــلب "

حيثُ تربعوا فيه وسكنوا جدرانه
فأحببناهم دون رؤياهم ، وأصبحنا
نحزن لحزنهم ، ونفرح لفرحهم ؛؛
ونُسعد حين نحتضن أشيائهم

وفئة آخرى

" ســرقـوا الأنــامــل "

فـأصبـحت مـُتـأسر فيـهـم وبـهم
تـكـتـُب لهـم وتـُـعـبّـِر عـنـهـم
وتـفترش لهم الصفحات وروداً

وفئة آخرى

" سـرقـوا أوقـاتنـا "

فأصبحنا نُخصص لهم من وقتنا الكثير
لنتحاور معهم و نتعمق في فهمهم
ونُـدرك طعـم عطـائـهم

وفئة آخرى

" سـرقــوا الـوفــاء "

أجبرونا على إحترامهم ومُعانقتهم بإخلاص
وتقديرهم فحين يكتبون يتعالون فينا بما كتبوا
وحين يتناقشون يفتح لهم الفكر أوسع أبوابه
..
.

فعقاب هؤلاء الأعضاء على هذه السرقات هو :

.
.

.

السجن المؤبد داخل منتدى

ويُمنع عنهم مغادرته لأي سبب كان..

فهم في القلــــب دائماً..

husam الأربعاء نوفمبر 11 2009, 09:11

بشير كمبال كتب:
غيابك طال يا يس
الحاصل شنو ؟

صاحبك هرشوهو يامدير OHH

onatee الأربعاء نوفمبر 11 2009, 09:17

الاخ ياسين ..قريت كلماتك مرة ومرتين وتلاتة ...
شكرا" ع الكلام الجميل في حق اعضاء المنتدي والحمدلله اني بقيت منهم عشان ينولني من الطيب نصيب ....

كلامك عسل يا يس TAKE IT

لكن بديت تحيد عن الخط بطريقه واضحه جدا .. الحكايه يبدو انو فيها (هرشه جامده) ِِِAAA 8

,,
الفيك اتعرفت .. كان شكرتنا ولا شاكلتنا DOWN

رانيا عوض السبت ديسمبر 12 2009, 12:28

اهلييييييييييييييييييييين
شكله الهمبريب بيقى سموم وقلت اخير ادخل في التكيف جوة
بس عارف يا يسن كنت بشوفك ماشبه الدفعة هادئ وعاقل ...لاكن طلعت دفعة ناس ابو الشوش HAHA

عنقريب هباب فى ضل نيمة مرشوشة الحلقة (2)

عنقريب هباب فى ضل نيمة مرشوشة الحلقة (2)

رد: عنقريب هباب فى ضل نيمة مرشوشة الحلقة (2)

رد: عنقريب هباب فى ضل نيمة مرشوشة الحلقة (2)

رد: عنقريب هباب فى ضل نيمة مرشوشة الحلقة (2)

طلب خاص

رد: عنقريب هباب فى ضل نيمة مرشوشة الحلقة (2)

رد: عنقريب هباب فى ضل نيمة مرشوشة الحلقة (2)

سلام يا بشير

رد

مرحب يا ابوجلة

يا مرحبا..

رد: عنقريب هباب فى ضل نيمة مرشوشة الحلقة (2)

رد: عنقريب هباب فى ضل نيمة مرشوشة الحلقة (2)

رد: عنقريب هباب فى ضل نيمة مرشوشة الحلقة (2)

عنقريب هباب فى ضل نيمة مرشوشة الحلقة(3)

رد: عنقريب هباب فى ضل نيمة مرشوشة الحلقة (2)

رد: عنقريب هباب فى ضل نيمة مرشوشة الحلقة (2)

رد: عنقريب هباب فى ضل نيمة مرشوشة الحلقة (2)

رد: عنقريب هباب فى ضل نيمة مرشوشة الحلقة (2)