عنقريب هباب فى ضل نيمة مرشوشة الحلقة الاولى

yassin assadig السبت أكتوبر 31 2009, 18:33

سلام يا شباب تكنو

رجعنالك وكيف نرفض رجوع القمرة لوطن القمارى
انا بصراحة داير اتونس وادردش معاكم شوية واحكى ليكم شوية عن الدفعة الاولى تكنو,

من الطرائف فى هذه الدفعة الجميلة واحد اخونا يلقب بوينت 1 عضو اساسى فى فطور البوش طبعا كل الدفعة دى بتفطر بى بوش عباس والشيرنق
500 جنيه من سنة 98 الى 2002 غايتو مرات اختنا فاطنة دى مرات بتجيب سندوتشات من كافتريا زيورخ لكن الجماعة بياكلوها منها ,حليل
يافاطنة لمن بتجيبى اللالوب والنبق وفول ابوقوى والدوم مشيتى البلد ديك ولقيتى سندوتشات الكى اف سى وماكدونالز رسلى ديلفرى..ربنا اديك
العافية.

نرجع تانى لى اخونا بوينت ون جاب معاهو برلومة فى الفتة وقال البت دى ما تخلصوا منها وانشا الله ح تظبط ليكم اموركم وادينها يومين تلاتة
ومافى نتيجة اخونا نزار وبكرى قالوا اها يا خالد الحل شنو قال ليهم اصبروا عليها شوية قاموا الجماعة بعد اسبوع قالوا ليها يا اختى انتى شهادة
عربية وين ردت والله انا ما شهادة عربية انا سافرت قطر اسبوعين بس لانو اختى ولدت هناك..

اخونا الابيض وهو الان مهنس كبييير فى البترول اخووى وصاحبى ربنا ازيدوا كمان وكمان اخونا على الطيب بقول ليهوا ادفع 500 جنيه
بقوليوا انا ابيض ولما نتلاقى بنتزكر هذه الايام الجميلة ونضحك كتيييير

اخونا الوسيم والمثقفاتى وهو معانا فى المنتدى دا وعارف نفسوا الا كان ما يلقى برلومة يكتب ليها شعر فى دفترها ويحكى ليها قصة ريا
ودكين ...

والباقين بلو راسكم

والعفو والعافية ونواصل..يس.

سلامات يا ود الصادق ومنور والله .. ضلك سمح والهمبريب ضارب,جينا قعدنا بمزاااااج .. لكن لقينا روحنا مصطحين ,كلام بالالغاز واسماء مستتره .. جيب من الاخر وقول الاسماء الحقيقيه بدون اشارات.. وليك الامان ..

عنقريب هباب فى ضل نيمة مرشوشة الحلقة الاولى

عنقريب هباب فى ضل نيمة مرشوشة الحلقة الاولى

رد: عنقريب هباب فى ضل نيمة مرشوشة الحلقة الاولى