المنتدي في شكل جديد

بشير كمبال الأحد أبريل 12 2009, 05:55

الاخوه الاعزاء اعضاء منتدي شباب تكنو
كل الود والتحايا
اولا اسف جدا لعلكم لاحظتو كثرة التعديلات والاضافات المتكرره في شكل المنتدي خلال الايام السابقه , كنت ابحث عن شكل جديد وثيم نهائي اقوم بتثبيته علي صفحة المنتدي ليصبح المنتدي اكثر قبولا من ناحية التصميم والمظهر خاصه وانه التصميم الاول كان بغرض التجريب فقط وللامانه لم أجتهد بالقدر الكافي في عمله نسبه لاسباب كثيره اولها وأهمها وبكل صراحة هو عدم ثقتي في نجاح الفكره وتقدمها .. لكن والحمد لله لاقت الفكره كل القبول والاستحسان مماشجعني اكثر علي المزيد من التجويد والتطوير بمساعدة الاخوه المشرفين وبعض الاعضاء الذين دائما يمدونني بالافكار والمقترحات التي استعنت بها في هذا العمل .
ارجو ان اتمدوني بارائكم في هذا الشكل الجديد للمنتدي مقارنة بالسابق , واتوقع اقتراحات وافكار جديده منكم لنرتقي اكثر بشكل ومحتوي المنتدي .. انشاءالله سأقوم بتنفيذ كل الاراء التي يجمع عليها الاعضاء ماأمكن ذلك .

Obama الأحد أبريل 12 2009, 12:14

سلام عليكم يا مدير...اول حاجه مشكور علي الجهد البتبذلو لاستمرار المنتدي
..تانيا كويس انك غيرت الثيم الازرق الاخير لانو ما كان جميل ابدا..
الثيم الجديد دا كويس بس اللوقو الفوق ما معبر
..يا ريت تخشنو شويه ..يا ريت برضو شعار الجامعه يكون موجود دايما

SHAHINAZ الأحد أبريل 12 2009, 12:21

والله نحن بنشكرك كتييير يابشير علي الاهتمام بشكل المنتدي
وبجد الشكل الفات كان مزعج الحمد لله ماطول معانا
والشكل الجديد دي جميل مافي كلام

Obama الأحد أبريل 12 2009, 13:58

يا مدير..دا منو المصور مع الحديده دا MONEY

الاعزاء أوباما & شهيناز ..
شكرا علي المرور والاضافه .. وشكرا كتير ياأوباما علي الاراء وانشاء الله احاول اعدل في الصوره الرئيسيه وح احاول القي صوره أكبر شويه للكليه عشان انزلها .. لانو الصوره القديمه حجمها صغير جدا ومامناسبه مع الشكل الحالي ..
حاجه تانيه أطلبها منك ومن البقيه انو يساعدوني في اختيار صوره توضع في الخلفيه وتكون ثابته .. اكثر من شخص لم تعجبهم الصوره الحاليه .. الموضوع سهل ماعليكم الا تعملو حفظ للصوره في جهازكم وتحاولو تعدلو فيها عل حسب ذوق اي واحد وارجو ان ترسلوا الصور للاخ برعي في البريد بتاعو وانشاءالله سيتم اختيار الصوره المناسبه بعد الترشيح والاجماع .. طبعا لظروف الزواج سأغيب لفتره ماقصيره تبدأ من غدا الجمعه 17 ابريل وقد تستمر حتي نهاية مايو .. اتمني ان لا ينقطع التواصل بينكم وستجدوا المشرفين dolly وonatee متواجدين دوما انشاء الله .
ايضا ارجو ان توافقوني الراي في اختيار الاخ برعي كمشرف عام علي المنتدي نسبه لتواجده الدائم وقدرته علي ادارة المنتدي وخبرته في التعامل مع الحاسوب ليكون اضافه حقيقيه تعينني في تكملة هذا العمل مع المشرفين الحاليين ..

برعي الخميس أبريل 16 2009, 10:00

والله يا مدير بالغت معانا..أول حاجة أنا ماقدر الكلام القلتو دا..تاني حاجة لو الموضوع دا تكليف ممكن ننفذو بس من باب الطاعة فقط
واذا ممكن نتناقش فيهو يكون كويس..ولا الراي شنو يا عريس؟

بشير كمبال الخميس أبريل 16 2009, 12:24

برعي كتب:
والله يا مدير بالغت معانا..أول حاجة أنا ماقدر الكلام القلتو دا..تاني حاجة لو الموضوع دا تكليف ممكن ننفذو بس من باب الطاعة فقط
واذا ممكن نتناقش فيهو يكون كويس..ولا الراي شنو يا عريس؟

ماعندك حل يا برعي خلاص الموضوع ده بقي عليك انشاءالله , ربنا يعينك بس ..

onatee الخميس أبريل 16 2009, 12:40

وانا موافقه برضو يابرعي ع كلام بشير
وريني همتك ...

محمد الجمعة أبريل 17 2009, 09:27

تشكر يا مدير علي المجهود الكبير TAKE IT

بحكم اني ماخريج لو سمحتوا لي عندي اقتراح بالاضافه للصوره ممكن يكون في شعار (كالعلامه التجاريه) ياخذ من مضون القسم

وبالنسبه لموضوع الاخ برعي بكلام ناس الانتخابات (الرجل المناسب في المكان المناسب) 100%

وبعدين عشان يكون في مشرف (ولد)

ولاشنو

abusahar الجمعة أبريل 17 2009, 16:50

سلامات للجميع
بالتوفيق الاخ بشير وبيت مال وعيال
بالنسبة للشكل العام للموقع افتكر التغيير مطلوب كنوع من التنوع والظهور باشكال مختلفة تجزب الناس وهي مقبولة وجميلة
اما اخونا برعي فهو الشخص المناس ويتناسب مع طبيعة عمله المكتبية وتواجدو باستمرار في الموقع
الف مبروك مرة اخري الاخ بشير

برعي الجمعة أبريل 17 2009, 21:24

والله يا onatee ومحمد وابو سحر!! ما عارف اقول ليكم شنو, لكن غفرالله لكم.....

وبالمناسبة يا ابوسحر أنا زاتو ماعندي مكتب في المركز,, أغلب الوقت قاعد في المعمل..عموما الواحد لو انقطع لأي ظرف من الظرف أعذروه وانا اتخييلي اي واحد منكم ممكن يكون مشرف بي متابعتو وملاحظتو لمساهمات الاعضاء..

محمد الأحد أبريل 19 2009, 17:50

اها من اسي بدينا نكوب الذوقه DRIVE

ياسيدي الموضوع دا سيك سيك معلق فيك HAHHH

محمد الإثنين أبريل 27 2009, 23:20

عندي اضافه نص المنتدي ياريت يكون ((ملتقي طلاب وخريجي قسم تكنولوجيا الهندسة الكيميائية)) flower

يعني شنو لو راعيتوا ظروفنا ما نستاهل مظلة حبنا

برعي الثلاثاء أبريل 28 2009, 20:27

والله يابوحميد ((ملتقي طلاب وخريجي قسم تكنولوجيا الهندسة الكيميائية)) فكرة ممتازة...عموما أنا بأييدا..وممكن نشاور السيد المدير في الموضوع دا

محمد الثلاثاء أبريل 28 2009, 20:41

تسلم يابرعي وانا متاكد انو بشا ماح يعارض
بالمناسبه انا نزلت اعلانات في الجامعة للمنتدي ب((ملتقي طلاب وخريجي قسم تكنولوجيا الهندسة الكيميائية))

محمد الثلاثاء أبريل 28 2009, 21:59

والجميع عجبتهم الفكره وافتخروا واتباهوا 100%

بالخرجيين امام الكل ((حظكم)) ليقتوا ناس يتونسوا بيكم HAHA

بشير كمبال الإثنين مايو 04 2009, 14:45

السلام عليكم ورحمة الله
من القاهره الفين سلام وتحيه ,, والله افتقدتكم وافتقدت المنتدي كتير ، ماشاء الله الناس مواصله وبرعي قام بدوره كاملا كما كنت اتوقع وأكثر .. لي عوده انشاء الله قريبا .
اقتراحك جميل والله يامحمد وانشاءالله بعد اخذ راي الاعضاء سيتم التعديل .
اسف لضيق الوقت .. لي عوده قريبا انشاءالله
في أ مان الله

برعي الإثنين مايو 04 2009, 22:48

هاااااااااااااااااااااااك القاهرة دي!!!

Obama الثلاثاء مايو 05 2009, 02:22

هاااااااااااااااااااااااك القاهرة دي!!!

محمد الثلاثاء مايو 05 2009, 19:16

يابشير تكل قبلك سخانت عدوك مظلة حبنا

Obama الأربعاء مايو 06 2009, 18:24

بشير كمبال كتب:
السلام عليكم ورحمة الله
من القاهره الفين سلام وتحيه ,, والله افتقدتكم وافتقدت المنتدي كتير ، ماشاء الله الناس مواصله وبرعي قام بدوره كاملا كما كنت اتوقع وأكثر .. لي عوده انشاء الله قريبا .
اقتراحك جميل والله يامحمد وانشاءالله بعد اخذ راي الاعضاء سيتم التعديل .
اسف لضيق الوقت .. لي عوده قريبا انشاءالله
في أ مان الله

ونحن والله فاقدنك يا مدير(سابقا lol!

) ..

الف مبروك تاني..وسلام لرانيا ...

برعي كتب:

هاااااااااااااااااااااااك القاهرة دي!!!

أها جينا راجعين للكتاحه والسخانه يابرعي .. أفرح AMMM

:

برعي الأربعاء يونيو 03 2009, 20:37

كتاحتنا وسخانتنا ولا زحمة القاهرة..

Obama الخميس يونيو 04 2009, 22:47

برعي كتب:
كتاحتنا وسخانتنا ولا زحمة القاهرة..

يا مدير ياخي احكي لينا شويه عن القاهره..انا متمني اشوفها فعلا..

برعي الجمعة يونيو 05 2009, 09:41

Obama كتب:

يا مدير ياخي احكي لينا شويه عن القاهره..انا متمني اشوفها فعلا..

علييك الله زول قاعد في السويد داير بي القاهرة شنو..دا زي الزول الخاتين ليهو اصناف chiken وسجوك وكفتة وبيسأل عن الفول

المنتدي في شكل جديد

المنتدي في شكل جديد

رد: المنتدي في شكل جديد

رد: المنتدي في شكل جديد

رد: المنتدي في شكل جديد

رد: المنتدي في شكل جديد

رد: المنتدي في شكل جديد

رد: المنتدي في شكل جديد

رد: المنتدي في شكل جديد

رد: المنتدي في شكل جديد

رد: المنتدي في شكل جديد

رد: المنتدي في شكل جديد

رد: المنتدي في شكل جديد

رد: المنتدي في شكل جديد

رد: المنتدي في شكل جديد

رد: المنتدي في شكل جديد

رد: المنتدي في شكل جديد

رد: المنتدي في شكل جديد

رد: المنتدي في شكل جديد

رد: المنتدي في شكل جديد

رد: المنتدي في شكل جديد

رد: المنتدي في شكل جديد

رد: المنتدي في شكل جديد

رد: المنتدي في شكل جديد

رد: المنتدي في شكل جديد

رد: المنتدي في شكل جديد