راضي عن أسمك ؟؟

موضوع اكثر من رائع يا دولى
الاسماء طبعا افضلها كما قال الرسول صلى الله عليه وسلم ماحمد وعبد

يعنى محمد محمود عبد الرحمن حميده وهكذا

اما بخصوص موضوعك عن الاسماء القديمة وكيفية تقبلها لدى الناس
والله فى اسماء بنقول عليها قديمة ولكن بتكون جميلة خالص

ذى اسم بشير اسم جميل والسر عمر خالد مدثر ومزمل دى كلها اسماء جميلة

بس البنات عندهم عقده من الاسماء القديمة ماعارف ليه اذا البنت ماكان اسمها
شهيندا ولا شاهيناز والق وفرح وتسنيم و و و و و
تخيل بعدين تجى واحده تقول ليك اسم حبوبتك شنو تقول ليو اسمها شهيناز

الحبوبة لو مابقا اسمها ( عشاء. الورع. حرم.النعمة.بتول. ) مابتبقى حبوبه..

وبصراحة اكثر الاسماء الغريبة دى دخيلة على مجتمعنا السودانى وطبعا فى ناس بيقولوا عليها مواكبة للحضارة والتقدم...
اى رقى هذا واى تقدم.... فى واحده مسمينها دو رى لمن سئلت ابوها قال لى دى على النوتة المسيقية
دو رى مى فا صولا ......

ارجعوا لى مجتمعنا السودانى السمح فيو اسماء جميلة نرجوا ان لا تندثر بمرور الزمن...

ومن هسى انا اذا ربنا رزقنى بى بنت بسميها نعمة ........[/

شكرا يادوللي ..

والله موضوع الاسماء القديمه ده عجبني شديد .. طبعا العبد لله احد المتضررين من مقولة (سميناهو علي جدو ) .. يعني جدي

مااتوفي الا قبل ولادتي بي يوم وااااااحد .. فقبل مايلدوني سموني بشير علي جدي بشير الله يرحمه ..

نفس القصه حصلت مع الوالد - كمبال - قبل ولادته بفتره اتوفي جده - كمبال - سموهو عليهو طوالي ..

بقي اسم ابوي كمبال بشير كمبال - وبقي اسمي بشير كمبال بشير كمبال !!

اكيد المشكله مافي اسمي (بشير) لكن المشكله في التكرار في الاسماء احيانا أراه ممل ولا داعي له علي الاطلاق.

**************

لكن الحقيقه يادوللي لا اعتقد انو في انسان بيتعقد من اسمو لانوماحلو !! معظم الاسماء التي يسمي بها المواليد

ويقال انها اسماء قديمه او غير مواكبه, هي في الحقيقه اسماء صحابه او اسماء للرسول (ص) كما هو الحال

بالنسبه لاسمي (بشير) فهو احد اسماء النبي عليه افضل الصلاة والسلام .. ايضا اسم (خادم الله) حاليا اسم كثير من الناس

لايقبلونه اطلاقا برغم معناه الجميل والواضح المعني والمضمون ..

وبترسيخ فهم انه توجداسماء قديمه وغير مواكبه يعني مسح اسماء كثيره يطلقها الناس تيمنا بالسلف الصالح

كاسماء الصحابه رضوان الله عليهم بالنسبه للرجال وللنساء كاسماء (زينب ) (وعائشه) (ورقيه) (وام كلثوم).. والامثله كثيره .

والاخ محمد ذكر بعض الاسماء ايضا الناس لاتقبل بها وتصبح اسماء للتهكم والسخريه , برغم دلالاتهاالعميقه .


اتمني اكون جاوبت ليك علي كل الاسئله من خلال هذه المداخله البسيطه ..

سلمت الانامل يا داليا علي الموضوع الجميل دا


انا رايي انو انها عاده هدفها نبيل وهو الوفاء لكين هي ما الطريقه الوحيده الممكن نعبر بيها..

الاسماء القديمه ما كلها بتصلح لايامنا دي اي نعم هي اسماء اجدادنا وكده لكين كمان زمننا دا زمن مختلف
،،ودا ما بمنع انو في اسماء قديمه جميله جدا ومعناها راقي..
اما بالنسبه للسؤال التالت .. ممكن اسمي علي زول عزيز علي ..

اولادنا ليهم كل الحق في انو يكون ليهم اسماء مقبوله اجتماعيا لانو حيحملوها طول عمرهم
..والرسول صلي الله عليه وسلم وصي بي كده..


اها بعد الكلام الجادي دا انا رايي انو اسم (بشير) دا ما خالص كدا

اها يا جماعه كان اترفدت العفو والعافيه