رايكم شنو ؟

بالله وبصراحه رايكم شنو في قذف الجزمه علي وجه الطاغيه بوش ؟
والله الصحفي ده عبر عن شعورنا بقوة لان كل عربي كان يتمني الجزمه دي تكون حقته ويصيب بوش يقد عينه ولا انشاء الله يرعفهو بس
لكن عمك طلع زواغ وزاغ من الجزمه جنس زوغه تمحن

سلامااااااااااات...
والله رغم ان التصرف سيئ و غير حضاري بس
كيفني شديد و اتمنيت يطلع التانية يضربو بيها

بالمناسبه يا رانيا هو ضربو بالاتنين بس ولا واحده جات في وشو القبيح

بوش ما جزمة لازم يأخد با الجزمة قمة الأساءة والله الصحفي دا ريحني راحة
بس ابن الكلب دا زواق لبد منها كيف بس الله يعين الصحفي ..................!!

تسلمي يازوق

شكرا ياام احمد علي الموضوع ..
انا شفت اللقطه دي زي ماشافوها ناس كتيرين طبعا .. الحقيقه كان حدث غريب ومفرح جدا لكل الناس .. كل القنوات الفضائية اتسابقت في نقل الحدث .. الصحفي العراقي بطل القصه دي اسمو منتظر الزيدي .. وهو مراسل قناة البغداديه .. اللقطه الاولي كان المؤتمر شغال عادي والصحفي يجلس في الصف الثاني او الثالث .. يعني مابعيد من بوش .. المهم فجأه كده قام علي حيلو ورمي بوش بالجزمه ( الفرده اليمين كمان ههههه) .. الجزمه جات قرييب من بوش وزاغ منها بي سنه بس ومرت بين كتفو اليمين وخدو .. وقبل الناس ماتستوعب الحصل قام الصحفي ناولو الفرده التانيه ( شكلو كان ماااااااااالصه وجاااااهزه للجدع) المهم بوش طلع حريف تاني زاغ بس المره دي استخدم الساتر ونزل لتحت .. طبعا بسرعه الامن قبضو علي الصحفي واظن اطلقو صراحو بعد الحادثه ..
الموجودين ذكرو انو الصحفي لما جدع الجزمه كان بهتف ( دي قبلة الوداع يابوش من ارامل واطفال العراق ) .. الحقيقه كان حدث فرحت ليهو شديد وكان سعادتي ح تكون اكبر لو الجزمه جات مباشره في وجهه ..

بصراحة انتابني خليط متناقض من المشاعر شعور بالنصر والفرحة لهذا التصرف الذي يستأهله بوش
وشعور أخر بان تعاليم الرسول أولا وفن التعامل الراقي الاتكيت ثانيا لا يحبذ ذلك التصرف
فالدين يدعونا ويؤكد على المعاملة الحسنة ونحن أرقى الشعوب في التحاور والتصرف بأدب وكفى بالرسول سماحة في التعامل مع جيرانه اليهود ومع قبيلة قريش وتلك القصص الجميلة عن الرسول في كتم الغيظ

ولكن أقول أخيرا ان قليل من التنفيس ولو خالف التعاليم من وجهة نظري لا يضر فقط أتمنى أن يفهم العالم الرسالة بصورة صحيحة ولا ينتقد التصرف وينسبه الى الإسلام كما يحدث دائماً
فسلمت يداك ايها الصحفي

يستاهل ...

يستاهل أكتر والله
ودي حاجة بسيطة قومت الدنيا وما قعدتها
ويا ريت كل المسلمين يكونو بالشجاعة دي ويقدرو يحركو ولو ألسنتهم بالدعاء بس..

ههههههههه حلوه بابرعي والله ..