لو دايرة تعرسي ...اوعك من ديل!!!!
+5
بشير كمبال
حكاية زمان
محمد جيولوجيا
BIG BOSS
angel eyes
9 مشترك
صفحة 1 من اصل 1
لو دايرة تعرسي ...اوعك من ديل!!!!
ردا على موضوع الاخوة الرجال المابعجبهم العجب وقايلين روحهم كاملين
حبيبتي البتفكري تعرسي اياااااكي ثم ايااكي تعرسي واحد فيهو على الاقل صفة من ديل
1111-العينو زايغة وقلبو زي الزريبة
1-البخيل الماعندو غير مايقوليك مااااااااااااااعندي
2-الكسلان ,, ,, ,, تعبااااااااااان
3-الخجولو المسكين
4-الدكتاتوري
5-الكورانجي----
6-الاناني
7- الود امو
8-....ياخي كتااااااااااااااااااااارمابكملو!! حاخلي الباقي ليكم يابنات وانا لو اتذكرت حاجة بضيفو
حبيبتي البتفكري تعرسي اياااااكي ثم ايااكي تعرسي واحد فيهو على الاقل صفة من ديل
1111-العينو زايغة وقلبو زي الزريبة
1-البخيل الماعندو غير مايقوليك مااااااااااااااعندي
2-الكسلان ,, ,, ,, تعبااااااااااان
3-الخجولو المسكين
4-الدكتاتوري
5-الكورانجي----
6-الاناني
7- الود امو
8-....ياخي كتااااااااااااااااااااارمابكملو!! حاخلي الباقي ليكم يابنات وانا لو اتذكرت حاجة بضيفو
angel eyes- عضو نشط
- عدد الرسائل : 33
تاريخ التسجيل : 08/11/2008
متابعة
9- المبهدل والمابهتم بمظهرو...
10- الماعندو غير كلمة انا
11- المعندو شخصية
12-الجبان .....يتبع.....
10- الماعندو غير كلمة انا
11- المعندو شخصية
12-الجبان .....يتبع.....
عدل سابقا من قبل angel eyes في السبت نوفمبر 29 2008, 19:25 عدل 1 مرات
angel eyes- عضو نشط
- عدد الرسائل : 33
تاريخ التسجيل : 08/11/2008
شكرا .. شكرا .. شكرا يا تراجي
يخاطبني الـ........... بكل قبح
فآبى أن أكون له مجيبا..
يزيد .............. فأزيد حلما
كعودٍ زاده الإحراق طيبا..
أقول حاجة؟ أحسن تراجعي.. أجمل ما قيل في ( )النساء..
فآبى أن أكون له مجيبا..
يزيد .............. فأزيد حلما
كعودٍ زاده الإحراق طيبا..
أقول حاجة؟ أحسن تراجعي.. أجمل ما قيل في ( )النساء..
BIG BOSS- عضو متطور
- عدد الرسائل : 92
العمر : 40
الموقع :
العمل/الترفيه :
تاريخ التسجيل : 07/11/2008
رد: لو دايرة تعرسي ...اوعك من ديل!!!!
يساتر عليك وعلى كلامك زي الرصاص المسموم..... ودي لصفة المنبووذة ال13
ياحليلها البتعرسك دجست دقسة كبيرة .. محظوظة البتعرس واحد عندوال 12 صفةاللي فوق اكتر من اللي بتعريس صاحب الصفة ال13
ياحليلها البتعرسك دجست دقسة كبيرة .. محظوظة البتعرس واحد عندوال 12 صفةاللي فوق اكتر من اللي بتعريس صاحب الصفة ال13
angel eyes- عضو نشط
- عدد الرسائل : 33
تاريخ التسجيل : 08/11/2008
رد: لو دايرة تعرسي ...اوعك من ديل!!!!
الاخت تراجى :
ممكن تورينا اى واحد من الشخصيات الذكرتيها
عيوبها شنو؟؟؟؟؟؟؟؟؟؟؟؟
ممكن تورينا اى واحد من الشخصيات الذكرتيها
عيوبها شنو؟؟؟؟؟؟؟؟؟؟؟؟
رد: لو دايرة تعرسي ...اوعك من ديل!!!!
ما دايرة ابدا شرح.... لكن برضو بشرح ليك
العينو زايغة:
ماممكن واحدة تعرس ليها واحد لو طلعو حتة تلقى راسو زي مروحة الطربيزة وعينو يمين شمال يعاين للنسوان
ويكلم دي ويحب دي من وراها ودي بتدخل في دائرة الخيانة... ودي من اكتر الصفات البتمقتها المراة على الاطلاق
البخيل:
دا كمان مصيبة تلقاهو مكدس قروشو وياكل اولادو فول وطعمية ووجبة واحدة في اليوم سيادتو بوفر... مرتو مما عرسها بي توبها الواحد داك...ودي تاني صفة فعلا بتكرها المراة اكيد
الخجول والمسكين:
كل صفة على حدة الخجول ودي صفة بتظهر من قبل الزواج (وهي اصلا مفروض تكون من صفات خطبتو ماهو)الما ببوح بمشاعرو وحتى ما بقدر يعاين لخطبتو في عيونها تلقاه دايما مدنقر راسو ويلعب بايدو كانو بعمل اجة غلط ولو استمر الخجل لبعد الزواج دي تبقى الطامة الكبرى
اما المسكين اللي الناس بتضحك عليهو وهو ما داري وبيحقر بيهو البسوا واللي مابسوا
العينو زايغة:
ماممكن واحدة تعرس ليها واحد لو طلعو حتة تلقى راسو زي مروحة الطربيزة وعينو يمين شمال يعاين للنسوان
ويكلم دي ويحب دي من وراها ودي بتدخل في دائرة الخيانة... ودي من اكتر الصفات البتمقتها المراة على الاطلاق
البخيل:
دا كمان مصيبة تلقاهو مكدس قروشو وياكل اولادو فول وطعمية ووجبة واحدة في اليوم سيادتو بوفر... مرتو مما عرسها بي توبها الواحد داك...ودي تاني صفة فعلا بتكرها المراة اكيد
الخجول والمسكين:
كل صفة على حدة الخجول ودي صفة بتظهر من قبل الزواج (وهي اصلا مفروض تكون من صفات خطبتو ماهو)الما ببوح بمشاعرو وحتى ما بقدر يعاين لخطبتو في عيونها تلقاه دايما مدنقر راسو ويلعب بايدو كانو بعمل اجة غلط ولو استمر الخجل لبعد الزواج دي تبقى الطامة الكبرى
اما المسكين اللي الناس بتضحك عليهو وهو ما داري وبيحقر بيهو البسوا واللي مابسوا
angel eyes- عضو نشط
- عدد الرسائل : 33
تاريخ التسجيل : 08/11/2008
رد: لو دايرة تعرسي ...اوعك من ديل!!!!
الدكتاتوري:
ياعيني عليهو سي السيد اي حاجة هو الامر الناهي حتى اي موضوع للنقاش غير وارد في حيتاتو هو اللي يقرر اي شي وكان مرتو دي ولا شي وكانو معرس ليهو غنماية ...
كورنجي:
اللي بحبو الكورة حد الجنون مما يدخل البيت على القنوات الرياضية اي كورة حايمة تلقاه بتفرجها كانو عايش لوحدو وما بهتم مرتو متابعة حاجة ولالأ اولادو قرو ولا لا في ضيوف في البيت ولا لا كووووووووووورة بس يصل بيهو يطلق مرتو عشانك يالكورة طب مالك مابقيت لاعب محترف كان على الاقل استفدنا منك قروش بدل ما تكرهنا عيشتنا.....
الود امو:
دلوع ماما حبيب مامتو دا كمان قصتو قصة امو تقول ليهو سوي بسوي امو تقوليهو ماتسوي مابسوي لو حتى قالت ليهو طلق مرتك بطلقها بدون ماحتى يقوليها لي....(ودا موضوع مختلف اللي حيتفاصح ويقول لي بر الوالدين)
امك على العين والراس بس مرتك عرستك انت ما امك وما تبقى زي الخشخيشة في يد مامتك
ياعيني عليهو سي السيد اي حاجة هو الامر الناهي حتى اي موضوع للنقاش غير وارد في حيتاتو هو اللي يقرر اي شي وكان مرتو دي ولا شي وكانو معرس ليهو غنماية ...
كورنجي:
اللي بحبو الكورة حد الجنون مما يدخل البيت على القنوات الرياضية اي كورة حايمة تلقاه بتفرجها كانو عايش لوحدو وما بهتم مرتو متابعة حاجة ولالأ اولادو قرو ولا لا في ضيوف في البيت ولا لا كووووووووووورة بس يصل بيهو يطلق مرتو عشانك يالكورة طب مالك مابقيت لاعب محترف كان على الاقل استفدنا منك قروش بدل ما تكرهنا عيشتنا.....
الود امو:
دلوع ماما حبيب مامتو دا كمان قصتو قصة امو تقول ليهو سوي بسوي امو تقوليهو ماتسوي مابسوي لو حتى قالت ليهو طلق مرتك بطلقها بدون ماحتى يقوليها لي....(ودا موضوع مختلف اللي حيتفاصح ويقول لي بر الوالدين)
امك على العين والراس بس مرتك عرستك انت ما امك وما تبقى زي الخشخيشة في يد مامتك
angel eyes- عضو نشط
- عدد الرسائل : 33
تاريخ التسجيل : 08/11/2008
متاااااااااااااااااااابعة
المبهدل و اللي ما بهتم بمظهرو:
دا يما بنسمع انو لازم المراة تتجمل وتتزين لزوجها ودي حقيقة والحمد لله ما اظن في زوجة ما بتتهندم لزوجها خاصة المراة السودانية عندها حاجات كتيرة ومتعبة لكن عشان عيون زوجها كلو يهون...
بس لما تلقى زوجها دايما مبهدل وما بهتم باناقتو ولبسو, حتى لو مرق حتة ما عندو مشكلة لو لبس جلابية طالعة من خشم بقرة(مكرفسة يعني
ودقنو تقول عش حمام مافي اي تهذيب وريحتو معتتة
ما بتريح الا ماشي ليهو عرس
دا يما بنسمع انو لازم المراة تتجمل وتتزين لزوجها ودي حقيقة والحمد لله ما اظن في زوجة ما بتتهندم لزوجها خاصة المراة السودانية عندها حاجات كتيرة ومتعبة لكن عشان عيون زوجها كلو يهون...
بس لما تلقى زوجها دايما مبهدل وما بهتم باناقتو ولبسو, حتى لو مرق حتة ما عندو مشكلة لو لبس جلابية طالعة من خشم بقرة(مكرفسة يعني
ودقنو تقول عش حمام مافي اي تهذيب وريحتو معتتة
ما بتريح الا ماشي ليهو عرس
angel eyes- عضو نشط
- عدد الرسائل : 33
تاريخ التسجيل : 08/11/2008
الله اكبر
الله اكبر الله اكبر الله اكبر
عجبتيني ياتراجي شديييييييييييييييد
وفشيتي غلي
دقستو معانا يا شباب دقستو عديييييييييييييييييييييييييييييل كدا
عجبتيني ياتراجي شديييييييييييييييد
وفشيتي غلي
دقستو معانا يا شباب دقستو عديييييييييييييييييييييييييييييل كدا
حكاية زمان- عضو أساسي** حائز علي وسام تــكــنـــو الذهبي
- عدد الرسائل : 417
العمر : 41
تاريخ التسجيل : 02/11/2008
رد: لو دايرة تعرسي ...اوعك من ديل!!!!
angel eyes كتب:المبهدل و اللي ما بهتم بمظهرو:
دا يما بنسمع انو لازم المراة تتجمل وتتزين لزوجها ودي حقيقة والحمد لله ما اظن في زوجة ما بتتهندم لزوجها خاصة المراة السودانية عندها حاجات كتيرة ومتعبة لكن عشان عيون زوجها كلو يهون...
بس لما تلقى زوجها دايما مبهدل وما بهتم باناقتو ولبسو, حتى لو مرق حتة ما عندو مشكلة لو لبس جلابية طالعة من خشم بقرة(مكرفسة يعني
ودقنو تقول عش حمام مافي اي تهذيب وريحتو معتتة
ما بتريح الا ماشي ليهو عرس
صعبتيها عديييل والله .. طلعتي أصعب من فلانه ..
رد: لو دايرة تعرسي ...اوعك من ديل!!!!
انا داير أسأل سؤال...أخير الواحدة تلقى الزول بالصفات دي ولا تقعد طول عمرها ......
ياخي هي لاقية؟ تحمد الله ساي
ياخي هي لاقية؟ تحمد الله ساي
برعي- المشرف العام
- عدد الرسائل : 443
الموقع : ديامي احمد الله
العمل/الترفيه : Researcher/Industrial Research Centre
تاريخ التسجيل : 27/10/2008
وازيدكم من الشعر بيت
رجعت ليكم ياشباااااااااااب
اياكم يابنات و ........
الرجل المغرور: اللي بيكون شايف نفسو ولا (توم كروز )او( شاروك خان) وكانو مافي في الدنيا زيو والعجب لو ربنا اداهو حبببببببة سماحة مع الغرور حيعملو شغل خطيييييييييييير والمسكينة مرتو قدر ماتحاول تتعامل معاهو ما بتقدر
اعوذ بالله منو
الرجل الطفل وده حكايتو حكااااية عامل زي الشفع يحنسو عشان ياكل او يتحرك وداير مرتو تعمل ليهو اي حاجة يمكن حتى تغير ليهو وتحكي ليهو حكاية قبل النوم ,, ولا لما يجيهو صداع دي مشكلة في البيت واااه ياراسي واااه صداع حالة صعبة بالجد
الرجل المنظراتي وده الله لاوقعكم فيهو سيادتو ينظر في اي شى بيعرفو ولا ما بيعرفو ,, حتى لو كلامو غلط ولا بيفرق معاهو حتى شغل المطبخ والاكل يحشر نفسو فيهو الاكل ده عملتيهو كيف ده غلط كدا غلط المفروض تعملي كدا وماتعملي كدا ويكرهك حيااااتك ....
والبقية تأتي
سلام
اياكم يابنات و ........
الرجل المغرور: اللي بيكون شايف نفسو ولا (توم كروز )او( شاروك خان) وكانو مافي في الدنيا زيو والعجب لو ربنا اداهو حبببببببة سماحة مع الغرور حيعملو شغل خطيييييييييييير والمسكينة مرتو قدر ماتحاول تتعامل معاهو ما بتقدر
اعوذ بالله منو
الرجل الطفل وده حكايتو حكااااية عامل زي الشفع يحنسو عشان ياكل او يتحرك وداير مرتو تعمل ليهو اي حاجة يمكن حتى تغير ليهو وتحكي ليهو حكاية قبل النوم ,, ولا لما يجيهو صداع دي مشكلة في البيت واااه ياراسي واااه صداع حالة صعبة بالجد
الرجل المنظراتي وده الله لاوقعكم فيهو سيادتو ينظر في اي شى بيعرفو ولا ما بيعرفو ,, حتى لو كلامو غلط ولا بيفرق معاهو حتى شغل المطبخ والاكل يحشر نفسو فيهو الاكل ده عملتيهو كيف ده غلط كدا غلط المفروض تعملي كدا وماتعملي كدا ويكرهك حيااااتك ....
والبقية تأتي
سلام
حكاية زمان- عضو أساسي** حائز علي وسام تــكــنـــو الذهبي
- عدد الرسائل : 417
العمر : 41
تاريخ التسجيل : 02/11/2008
رد: لو دايرة تعرسي ...اوعك من ديل!!!!
نحي فريق البنات .... وياما تحت السواهي دواهي ( طبعا قصدي اولاد آدم )
onatee- مشرف
- عدد الرسائل : 501
الموقع : الخرطوم
تاريخ التسجيل : 27/10/2008
رد: لو دايرة تعرسي ...اوعك من ديل!!!!
برعي كتب:انا داير أسأل سؤال...أخير الواحدة تلقى الزول بالصفات دي ولا تقعد طول عمرها ......
ياخي هي لاقية؟ تحمد الله ساي
الكلام دا راجع ليكم برضو..هو لاقي ؟ احسن يحمد الله
رانيا عوض- عضو أساسي** حائز علي وسام تــكــنو الفضي
- عدد الرسائل : 356
تاريخ التسجيل : 27/10/2008
رد: لو دايرة تعرسي ...اوعك من ديل!!!!
بصراحة يا شباب (بنات وأولاد) ماقصرتوا تنتيف في بعض وما خليتوا حاجة
وطبعاً" البادي اظلم" البرشك ..... بترشو......
بس رأيكم شنو نعمل مفاوضات ل إحلال السلام والوئام بين الطرفين وكل طرف يأتي باستراتجيات واقتراحات لحل هذه الحرب الضروس ونعقد قمة (ما شرط تكون في نفاشا)
نناقش فيها تداعيات الموقف الحالي؟
وما قد تصل إليه الأوضاع إذا استمر الحال علي ما هو عليه ؟
والدافع من وراء كل هذا ؟
وهل هناك أطراف خارجية مستفيدة من الوضع الحالي ؟
والعبرة المستفادة من كل هذا ؟
وطبعاً" البادي اظلم" البرشك ..... بترشو......
بس رأيكم شنو نعمل مفاوضات ل إحلال السلام والوئام بين الطرفين وكل طرف يأتي باستراتجيات واقتراحات لحل هذه الحرب الضروس ونعقد قمة (ما شرط تكون في نفاشا)
نناقش فيها تداعيات الموقف الحالي؟
وما قد تصل إليه الأوضاع إذا استمر الحال علي ما هو عليه ؟
والدافع من وراء كل هذا ؟
وهل هناك أطراف خارجية مستفيدة من الوضع الحالي ؟
والعبرة المستفادة من كل هذا ؟
تينة- عضو أساسي
- عدد الرسائل : 156
تاريخ التسجيل : 01/11/2008
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى