عن العشق والهوي

صفحة 1 من اصل 2 1, 2  الصفحة التالية

اذهب الى الأسفل

عن العشق والهوي

مُساهمة  mohanad yasin في السبت ديسمبر 12 2009, 22:03

سلام شباب كيف الحال
انا عندي سؤال بسيط مين القال انو الحب بنتهي بعد الزواج ومين القال القلب بحب واحده بس ومين قال الزواج عن قصة
حب بكون ناجح انا مهند بقول ليكم يا سيداتي وانساتي انو ده كلوا فالصوا لكن مين هو الوفي ده سؤال مهم جوابه عندك انت سيدتي انا شخصياً ممكن احب تاني وثالث ورابع وخامس وممكن احب عاشر كمان ما عشان انا الزير سالم بس انا واقعي شويه في دراسات بتقول ان العقل في مكانه ممكن يصدق ويخلق حياة سعيده حتي لو كنت قاعد في الصحراء و ممكن يخيل ليك المكان جحيم حتي لو في جزر المالديف مع حبيبتك الهي زوجتك.وده تاكيد للبوست بتاع ام احمد بتاع عذب الكلام والله اصلاً انا بعرفه من زمان رومانسيه جداً بس كتومه ورمانسيتها ليها وحدها ربنا يقومه بالسلامه ويديها الصحه ان شاء الله والف الف مبروك يا مدام انا عارف المواعيد بس كنت هنا حاولت اتصل ربنا ما وفق
نرجع لي موضوعنا عارفين اخطر مرض بصيب العلاقه الزوجيه هو الملل لو الراجل شعر بالملل بيته بيخرب وممكن يفتش للسعاده بره البيت زي كتير من الناس لكن كيف نحل المشكله دي نحن بي طبيعتنا جافين ومسيخين في علاقتنا الزوجيه عندنا عيب انو الراجل يدلع مرته حتي الشباب ما بريحهو البدلع مرته بحكم مسكته مننا وكلامات تانيه كتيره, عارفين انا وبشير وفارس و ودمنصور الله ادانا نعمه كبيره هي اننا شهر شغل وشهر عرس دي بتخلق نوع من الشوق والحميم في الزواج جميله لكن ناس كل يوم في البيت كيف الحال معاهم غايتو انا اصلاً مجنون و ماعاقل معروف من بيتنا لي بيت نسابتي كلهم مرات بتهف لي اطلع نت البيت 12 بالليل انا ومرتي ساكنت ماعارفين ماشين وين لكن بس نطلع نمشي نشرب عصير في الخرطوم نتعشي بره نمشي شارع النيل نتمشي في تخريمات كده بعمله ده غير اني عايش حياتي بي مزاجي ما مستعد اعمل اي شي عشان خاطر زول حتي زيارات لي اهلها مابمشي الا بي مزاجي عندي 24 يوم كل 37 يوم اجازه فا بكسب وقتي للطيش وشخت ما مستغني بس ولهان وده ما شرط
ممكن كسر الروتين يكون بي لبسه حلوه تسريحه هو بحبها انا عارف صعب المراءه تكون انيقه 24 ساعه 365 يوم بي علي الاقل من ال 365 يوم 300 يوم و24 ساعه 18 ساعه
و اوعا من الغيره لا زايده لا ناقصه هي سبب رئيسي لكتير من المشاكل بالعكس ما تساليه افتحي ليه كبري بستغرب طبعاً وبحاول يستدر غيرتك ممكن مره مره تديه حبه بي دلع كده بس ما طوالي خليك متفهمه زياده عن اللزوم وكوني مكمله لي شخصية زوجك من كل النواحي والزيجات الناجحه بتكون بين النقيضين يعني هو عصبي انت خليك كول لمن يستغرب ما تحكمي علي الناس بي القيل والقال خليك بتحبي كل الناس واوعا تقولي ليه ما بحب اهليك ديك مهما كانوا بعملوا معاك اكسبي اهل زوجك لي صفك حتي لو غلطتي تاني فيهم وقال ليهم مابصدقوا الانطباع الاول ده مهم لكسر حواجز القلوب وفكرة زوجت الاخ عود زوجتك علي اولوياتك في الحياه ونظامك في التعامل اصلاً العلاقات الزوجيه الناجحه بتخلق نوع من الانسجام وتوافق في الاراء وردود الافعال متشابهه حتي انو اليابانين قالوا بكون الزوجين بيشبهوا بعض ودي حقيقه
و يا سيدتي ايك تحاولي تتحكمي في زوجك او حتي تفرضي شخصيتك في البيت بحضوره دائماً خليه هو الامر الناهي ودي عقدة الرجل الكبري غير كده الرجل لو فقد كونه هو رب الاسره بكون ضعيف وكده انت بتوكوني متصدره لكن لي رجل بلا شخصيه وفي منهم كنير وحياتكم بتكون مافيها رومانسيه
الاتزان في العلاقه مهم جدا مش الاتزان تتعامل زي الرجل الالي مع زوجتك لا الاتزان يعني كل واحد يكون في مكانه الطبيعي لا المراه تكون الرجل ولا العكس
طيب كيف اخليه ما يفكر في واحده تانيه
سؤال مهم بس الحل ابسط مما نتخيل انت اديه كل شي اخلقي ليه كل شي فكري معاه كوني قريبه رومانسيه صحيه من النوم بي قطعة تلج في هدومه كوني مجنونه واهتمي بيه جداً هو اكيد بحبك والا ما كان عرسك وكون المراه تبادر بي ابداء الاهتمام ما عيب ولا حرام يعني في جملتين اخلقي مملكتك في بيتك وبعد ده اعرفي حاجه الممنوع مرغوب خليه يدور بره ما حيلقي اي واحده كده بالتالي برجع ليك وانت بتكوني كسبانه
شي مهم مره مره اتصلي عليه اثناء الدوام ما عشان كيلو بطاطس وربع كيلو فخده لا عشان تقولي ليه اشتقت ليك ماتجي بدري نطلع ناكل بره او بحك انت وين ما عرفنا ما بنقدر ع فراقك دي بتكبر مكانتك وخليك مره مدبره من الحاجات الفي البيت اعملي الاكل وخليه هو يهتم بي الطلبات يفتح يشوف الناقص ما تطلبي منه ولو جايين ضيوف بس ذكريه ما شرط تطلبي اي شي او قولي ليه نعمل شنو ياروحي ليهم
نصيحه مهمه اوعا تعلي صوتك علي زوجك لا براك ولا قدام اهلك ودي اهمه خلي شكل الحوار دايماً يبداء بي حاضر طيب لو عملنا كده بكون احسن من فكرتك ياحبي و لا رايك شنو هو مستحيل بي الحنيه دي يمشي رايه اي راجل في الدنيا وانا معاهم ضعيف امام الكلام الحلو والحنيه برقد سلطه.
انا تعبتا حسي المهم كل شخص وعند طريقه في التفكير والله ما عارف انا سوبر مان ولا الحاصل شنو لكن بقدر احدد رد فعل المراه معناه شنو واعتقد معظم الرجال كده فا ما تتزاكي يا اختي الكريمه لكن ممكن تكوني اذكي بس بي فنيات تانيه وفي فنيات مكتسبه طبعاً ما كلها بتتولد معانا
يعني استعملي خبث النساء المباح للوصول للمتاح وعادي بتصلي
عارف وجهت كلامي كله لكي اختي الكريمه لكن انت البنية التحتيه للمنزل مش الرجل انت الاول والاخر المتحكم الرئيسي في اتجاهات سير العمليه الزوجيه
ده مايمنع انو في حالات من الرجال البظهرو نوع من الحب والغيره المدمره لي زوجاتهم وديل علاجهم الا ربنا يديه زوجه عاقله وبارده ثلج لانو كتير من العلاقات دي بتفشل قبل البدايه وفي الايام الاولي او السنين الاولي
المره الجايه بنتكلم عن بني جنسنا والاخطاء بتاعتهم وكيف نتفاداها
avatar
mohanad yasin
عضو أساسي
عضو أساسي

عدد الرسائل : 166
العمر : 38
العمل/الترفيه : Drilling Fluids Engineer MI SWACO- algeria
تاريخ التسجيل : 18/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: عن العشق والهوي

مُساهمة  Q.T في الأحد ديسمبر 13 2009, 03:26

شداني العنوان شديد لاني بعشق الفيلم دا ..

نحن بي طبيعتنا جافين ومسيخين في علاقتنا الزوجيه
جدا" جدا" جدا" CRAAY


انا عارف صعب المراءه تكون انيقه 24 ساعه 365 يوم بي علي الاقل من ال 365 يوم 300 يوم و24 ساعه 18 ساعه
كتر خيرك والله اديتنا 5 ايام بحالهم عشان نتبشتن فيهم !! وفي ال 5 ايام دي المفروض ننظف البيت ونغسل الهدوم ونطبخ ونجيب اطفال ونربيهم ونمرض عشان مانمرض باقي الايام ونتنكش KEDA .. صعبتها .. بعدين النسوان السودانيات بتفاؤل شديد ممكن يكونو انيقات 60 يوم في 365 ...

صحيه من النوم بي قطعة تلج في هدومه كوني مجنونه
lol! ممكن تتطلق بالحركه دي عااااااادي ..


كلامك جميل ومعاك حق .. وفعلا" المراه بتلعب الدور الرئيسي في نجاح العلاقه الزوجيه .. كل المطلوب شويه حكمه وتكبير دماغ عشان انتو عشرتكم صعبه ..
تسلم يامهند Smile
avatar
Q.T
عضو متطور
عضو متطور

عدد الرسائل : 111
العمر : 33
الموقع : ksa
العمل/الترفيه : FAADIA
تاريخ التسجيل : 26/05/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

thanks QT

مُساهمة  mohanad yasin في الأحد ديسمبر 13 2009, 10:24

شكراً كيوتي بس الحياة مشاركه واكيد هو بفهم انو الحمل والاشياء دي كلها وبعدين تكنسي وتطبخي ده كله هو بكون مافي لمن يجي يلاقاك انيقه بعدين ما شرط الثلجه مع اني انا العملتها ما هي لكن في حاجات تانيه فكري شويه بعدين بعد الكنس والبشتنه ارجعي اتذوقي شويه
غير كده حافظي علي شكللك جميل ما تتنفخوا زي ناس زمان مارسي رياضه رجيم اتصرفي امشي كتير خليك اسبورت لانو نظرته ليك لازم تكون كلها رضا بعدين ايه بطلق دي اكيد ماجاده انت شكلك مصدومه رومانسياً
لكن والله ممكن اي شي يتغير انا مقتنع انو انت ممكن تعملي اي شي وتخلقي من بيتك جنه حاولي بي طرق مختلفه وخليك خلاقه
اي شي بكون حلو
avatar
mohanad yasin
عضو أساسي
عضو أساسي

عدد الرسائل : 166
العمر : 38
العمل/الترفيه : Drilling Fluids Engineer MI SWACO- algeria
تاريخ التسجيل : 18/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: عن العشق والهوي

مُساهمة  Obama في الأحد ديسمبر 13 2009, 11:54

ومين القال القلب بحب واحده بس ومين قال الزواج عن قصة
حب بكون ناجح انا مهند بقول ليكم يا سيداتي وانساتي انو ده كلوا فالصوا

agree

و يا سيدتي ايك تحاولي تتحكمي في زوجك او حتي تفرضي شخصيتك في البيت بحضوره دائماً خليه هو الامر الناهي

في الحته دي يا مهند انا بفضل انهم يتقاسموا المسئوليات.. المسئوليات كتيره والمشاغل اكتر ..فلو اتفقو انو كل زول يكون مسئول من جوانب معينه من البيت والاسره دا بخلي كل زول يحس بي ذاته وانو بقدم وبساهم في بناء الاسره.. حتي لو الزوجه ما شغاله وقاعده في البيت بتحس انها عندها دور و دور مهم كمان..ودايما المرأه الما موظفه بتشتكي من الاهمال وانها كل ناس البيت بطلعو الصباح وبخلوها قاعده كانو ما ليها لازم ..الكلام دا بنتفي لو بقي في شير للمسئلويات..وبالمناسبه القائد الحقيقي هو البخلي كل فرد من افراد التيم او الاسره يشعر بانو هو اهم زول في الموضوع...




بالمناسبه نصايحك دي مفيده جدا ..كأنك متزوج ليك اربعين سنه
avatar
Obama
مشرف
مشرف

عدد الرسائل : 547
الموقع : Linkoping
العمل/الترفيه : Engineer
تاريخ التسجيل : 02/11/2008

معاينة صفحة البيانات الشخصي للعضو https://sites.google.com/a/student.liu.se/ahmedonline/

الرجوع الى أعلى الصفحة اذهب الى الأسفل

شكراً اوباما

مُساهمة  mohanad yasin في الأحد ديسمبر 13 2009, 13:07

وجهة نظر صحيحه 100% بس انا قصدته المعني المعنوي يعني كون الرجل يكون عارف نفسه هو الامر الناهي دي بتشبع رغبته في القياده بالتالي بتقلل من الاحتكاك الناجم من المحاوله في التصدر لكل جانب
لكن مع ذلك ذكرت انو المراه ممكن تحصل علي كل شي ويكون هو الامر الناهي برضو بس بالدبلوماسية وفن استخدام العاطفه مع مراعاة انو طريقة الحديث والكيفيه مهمين جدا انا بقول ليهم بالواضح كده ياستي اي شي ممكن بس بالحنك والطريقه الجميله ولو الرجل فقد احساس انو هو قائد الدفه في المنزل بتكون شخصيته زابله بتنعكس علي الابناء حتي ممكن تاثر سلباً عليهم لازم يكون في فرق بين الاب والام انا برضو ما مع نظرية الاب يكون صارم والام حنون لا الاب حنون والام حنون بس في خطوط حمراء لابد نقيف عندها
انت الان في مجتمع غربي متطور لكن يفتقر الي مقومات الاسره صاح ولا رايك شنو انا حسب ما بتنقله لينا الميديا لكن ما عشت تجربه كده مع انو لاقيت في تايلاند اسره بريطانيه ما شاء الله عليهم زوجتي جاته نفسيات من الاولاد اصرت تتصور معاهم نوع من الادب في التعامل والرقي لا يوصف نحن ولا 10 % ماعندنا منه بحكم التربيه
كنت كل ما اساعدهم لازم يقيف لحظه ويشكرك علي المعروف عقدني عديل
اما نظريتك عن الاب او الام البحسس كل فرد في الاسره باهمية دوره دي اكيد انا متفق معاك لحدي حسي انا وانت ما اختلفنا في اي شي بس مرات السطور ما بتعكس الدواخل كنت بتمني مشاركة ام احمد معانا
ملحوظه : يا كيوتي درجة الحراره الان 4 مع اننا ماعندنا ثلج عندنا بس الهواء الثلج في المدن الشماليه والان الساعه 12 ظهراً والدخان ما زال يتصاعد مننا عندما نتكلم ورسلت لي الشركه بجو اليوم يشغلو السخان ان شاء الله الي حينه مره مره بعمل فوطه
اوباما كيوتي
شكراً اوباما ne suis pas Romantique
avatar
mohanad yasin
عضو أساسي
عضو أساسي

عدد الرسائل : 166
العمر : 38
العمل/الترفيه : Drilling Fluids Engineer MI SWACO- algeria
تاريخ التسجيل : 18/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: عن العشق والهوي

مُساهمة  Q.T في الأحد ديسمبر 13 2009, 18:31

والله يامهند انا فعلا" مصدومه رومانسيا" لانو الشعب السوداني يفتقر للرومانسيه وبشده.. اصعب حاجه عندنا التعبير .. ماشرط لحبيب او زوج احنا بنعجز عن التعبير حتى لاصدقائنا واهلنا ..
كلمه بحبك دي مابتطلع الا بالشديد القوي ولزول واحد بس رغم انها كلمه سحريه ممكن تتقال لناس كتار لانو الحب معناهو وااااااااسع جدا"..

ومن ناحية انو المراه المفروض تكون محافظه وانيقه انا معاك 100% وكلامي كان بلسان حال النسوان عموما" بس انا مقتنعه تماما" انو الحاجه دي بتعكس شخصية المراه وذكائها ..
لو النسوان بس فكرو يحبو انفسهم ويدوها حقها قبل مايطلبو الحاجه دي من الرجال كانت مشاكلنا اتحلت ...
]



القائد الحقيقي هو البخلي كل فرد من افراد التيم او الاسره يشعر بانو هو اهم زول في الموضوع...
100% 100%


يا كيوتي درجة الحراره الان 4 مع اننا ماعندنا ثلج عندنا بس الهواء الثلج في المدن الشماليه والان الساعه 12 ظهراً والدخان ما زال يتصاعد مننا عندما نتكلم ورسلت لي الشركه بجو اليوم يشغلو السخان ان شاء الله الي حينه مره مره بعمل فوطه
[size=18]ده برد مؤلم .. بس جميل .. على فكره احنا السنه القبل الفاتت دي وصلنا ل -1 درجه مئويه .. غايتو الله يهدي ناس الشركه ويجوكم سريع لانو بالجد الحياة من غير السخان مستحيلة ..
avatar
Q.T
عضو متطور
عضو متطور

عدد الرسائل : 111
العمر : 33
الموقع : ksa
العمل/الترفيه : FAADIA
تاريخ التسجيل : 26/05/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

متابعة الردود عن العشق والهوي

مُساهمة  mohanad yasin في الأحد ديسمبر 13 2009, 19:47

[quote="Q.T"][size=18]والله يامهند انا فعلا" مصدومه رومانسيا" لانو الشعب السوداني يفتقر للرومانسيه وبشده.. اصعب حاجه عندنا التعبير .. ماشرط لحبيب او زوج احنا بنعجز عن التعبير حتى لاصدقائنا واهلنا ..
كلمه بحبك دي مابتطلع الا بالشديد القوي ولزول واحد بس رغم انها كلمه سحريه ممكن تتقال لناس كتار لانو الحب معناهو وااااااااسع جدا"..

ومن ناحية انو المراه المفروض تكون محافظه وانيقه انا معاك 100% وكلامي كان بلسان حال النسوان عموما" بس انا مقتنعه تماما" انو الحاجه دي بتعكس شخصية المراه وذكائها ..
لو النسوان بس فكرو يحبو انفسهم ويدوها حقها قبل مايطلبو الحاجه دي من الرجال كانت مشاكلنا اتحلت
ياستي انا عارف الواقع الاليم في السودان لكن نحن ممكن نغير اي شي انت خليك متفائله ما عارف اقول شنو لكن اولاً انا متعود انك طوالي الجانب المعاكس لي كتاباتي المديح بعقدني او انك تتفقي معاي بحرج امكانياتي الضعيفه في التعبير
المهم صدقيني ممكن تغيري حياتك للافضل بس انت ما تكوني اوفر اي شي بتكون بالتدريج ممكن تعوديه مثلاً كل يوم كلام حلو حتي لو طنش واصلي كده حتي لو كان جافي دلعيه شويه واستمري كده لمدة اسبوع هو ما حيبدي اهتمام لانو سوداني لكن بعد اسبوع وقفي اي شي يوم يومين واتعاملي عادي بس بدون دلع ولا كلام حلو ولا اي شي هنا بتصدم 100%وبعد ده بحاول يفهم ما بسأل بصوره مباشره لكن بيبداء يتعامل بصوره اللطف عشان يفهم الحاصل شنو او يسال انت مالك زهجانه في شي ما طبيعي يلا نطلع ارفضي يلا نمشي حاجات ما كان بعمله برضو ماتبدي الرغبه
هنا حتكتشفي انو زوجك بحبك حتي لو ما اتكلم قاله
بس اوعا تتطولي في وضع الجفا ده لانو مابتحمل كتير بنهار وممكن تحصل مشكله يوم واحد بكفي
تاني يوم عادي اتعاملي بنفس القدر من الحنان والرقه و دي الخطوه الاولي
شي مهم جدا مهم جدا الوقفه الصباح ومع السلامه علي باب الشقه وتلفون الظهر وتلفون اتاخرت ليه مشتاقين
وانت عارفه الباقي
انا ما قصدي انت وزوجك في شخصكم لا بس عشان تكون الفكره واضحه عذراً لو الكلام ده سبب اي نوع من الاحراج او تخطي الحدود الحمراء




القائد الحقيقي هو البخلي كل فرد من افراد التيم او الاسره يشعر بانو هو اهم زول في الموضوع...


شكراً ياستي
يا كيوتي درجة الحراره الان 4 مع اننا ماعندنا ثلج عندنا بس الهواء الثلج في المدن الشماليه والان الساعه 12 ظهراً والدخان ما زال يتصاعد مننا عندما نتكلم ورسلت لي الشركه بجو اليوم يشغلو السخان ان شاء الله الي حينه مره مره بعمل فوطه
[size=18]ده برد مؤلم .. بس جميل .. على فكره احنا السنه القبل الفاتت دي وصلنا ل -1 درجه مئويه .. غايتو الله يهدي ناس الشركه ويجوكم سريع لانو بالجد الحياة من غير السخان مستحيلة
اخيراً اشتغل السخان والمويه ممكن نتعامل معاها لكن البرد ده ما بتحملوه السودانين
avatar
mohanad yasin
عضو أساسي
عضو أساسي

عدد الرسائل : 166
العمر : 38
العمل/الترفيه : Drilling Fluids Engineer MI SWACO- algeria
تاريخ التسجيل : 18/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: عن العشق والهوي

مُساهمة  برعي في الأحد ديسمبر 13 2009, 21:50


والله يا شباب أول مرة اتبسط شديد من منتدى عذب الكلام دا..المرة دي جا بي أسلوب جديد..كلام عفوى وأحاسيس مرهفة وتبادل الاراء العذبة..الغريب انو ما في بيت شعر اتقال...سيرو وعين الله ترعاكم






بي مناسبة البرد وفصل الشتاء..طبعا أنا لمن كنت في ايطاليا............عارفين الباقي!!! مش كدا يابشير

برعي
المشرف العام
المشرف العام

عدد الرسائل : 443
الموقع : ديامي احمد الله
العمل/الترفيه : Researcher/Industrial Research Centre
تاريخ التسجيل : 27/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

متابعة الردود عن العشق والهوي

مُساهمة  mohanad yasin في الإثنين ديسمبر 14 2009, 07:42

مشكور يابرعي علي التعليق الحلو لكن ما اظنك جادي لي ما عارف
ع العموم شكراً
avatar
mohanad yasin
عضو أساسي
عضو أساسي

عدد الرسائل : 166
العمر : 38
العمل/الترفيه : Drilling Fluids Engineer MI SWACO- algeria
تاريخ التسجيل : 18/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: عن العشق والهوي

مُساهمة  رانيا عوض في الإثنين ديسمبر 14 2009, 14:01

مهنننننننننند صحي عقلت LOOVE
كلامك صاح مية المية ..عشان تكون حياة سعيدة لازم نقتل الملل ...وعشان نقتل الملل لازم نبقى اصدقاء ...من وجهة نظري الصداقة هي الرابط البساعد على التجديد و خلق اجواء من المرح ... والراجل بطبعه حسي بتاثر بالنظر والشم كتير , والذكية البتعرف تستغل الطبعة دي بانها تكون كم شكل في شخصية وحدة كل فترة تجدد في شكلها ...ظروف الحياة والمشاغل بتشغل الواحد بس لازم يكون عندك وقت للطرف التاني ما ........الكلام كتييييييير في الموضوع دا وتسلم شديييييييييد يا مهند لانك بالجد لمست نقطة مهمة شديد ...وربنا يديم المحبة بين كل اثنين
avatar
رانيا عوض
عضو أساسي** حائز علي وسام تــكــنو الفضي
عضو أساسي** حائز علي وسام تــكــنو الفضي

عدد الرسائل : 356
تاريخ التسجيل : 27/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

متابعة الردود عن العشق والهوي

مُساهمة  mohanad yasin في الثلاثاء ديسمبر 15 2009, 08:49

رانيا عوض كتب:مهنننننننننند صحي عقلت
كلامك صاح مية المية ..عشان تكون حياة سعيدة لازم نقتل الملل ...وعشان نقتل الملل لازم نبقى اصدقاء ...من وجهة نظري الصداقة هي الرابط البساعد على التجديد و خلق اجواء من المرح ... والراجل بطبعه حسي بتاثر بالنظر والشم كتير , والذكية البتعرف تستغل الطبعة دي بانها تكون كم شكل في شخصية وحدة كل فترة تجدد في شكلها ...ظروف الحياة والمشاغل بتشغل الواحد بس لازم يكون عندك وقت للطرف التاني ما ........الكلام كتييييييير في الموضوع دا وتسلم شديييييييييد يا مهند لانك بالجد
لمست نقطة مهمة شديد ...وربنا يديم المحبة بين كل اثنين
شكراً رانيا علي الزياره وفي موضوع كوني عقلتا دا كدي فرملي شويه انا ما حابي اعقل لو العقل بسبب الرتابه والملل حريقه فيه مين الدير يعقل ده
المهم جملة الراجل بطبعه حسي بتاثر بالنظر والشم كتير.......................... عارف مستحيل تكون المراه جميله طول اليوم بس ممكن السؤال كيف بي كل بساطه تنضف بدري وتعمل الاكل سريع وتنتظر زوجها وهي انيقه ما شرط تكون فايقة الجمال لا لكن انيقه ممكن بدون مكياج بس لابسه حلو ودي ساهله المشكله شنو لو انتظرنا ازواجنا بملابس جميله ونضفنا الخضار بملابس جميله بتولع الدنيا يعني الا الشعر منكش والحاله صعبه عشان نعرفك بتطبخي.
سيدتي انا مؤمن بقدرة المراه السودانية علي انها تتصدر القايمه بس حبة اهتمام وكل شي بكون في مكانه الصحيح
قصدت يارانيا من البوست دا علي قول برعي انو نتكلم مع بعض بي افاضه ولغه قربيه من القلب عشان الفهم يكون اسير مش نمشي لي كلام كبار كبار ومسطلحات دايره شرح الكلام لمن يكون من القلب بكون صريح و مباشر وصادق ود الاهم
فدي دعوة مني لي حوار صريح ومن القلب الي القلب بينا لانه انا بعتقد نحن بينا ترابط ونوع من الحب والاحترام المتبادل نادر ما يكون في الجامعات في السودان وانا والله بحبكم كلكم وبتشرف اكون اخ كبير او صغير ليكم بس داير اكون اخوكم.
وبتمني السعاده لينا جميعا شباب وشابات
وكل سنه وانتم طيبين
avatar
mohanad yasin
عضو أساسي
عضو أساسي

عدد الرسائل : 166
العمر : 38
العمل/الترفيه : Drilling Fluids Engineer MI SWACO- algeria
تاريخ التسجيل : 18/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: عن العشق والهوي

مُساهمة  onatee في الثلاثاء ديسمبر 15 2009, 10:25

والله يامهند الله يديك العافية كلامك في محلو بس حسي مابقدر استرسل في الكلام ( حلوة استرسل دي ) لاني عندي نزلة مطلعة عيني بعد ابقي كويسة برد عليك بمزااااج
شكرا" ع الموضوع الجميل ... والاراء الصادقة والعميقة

_________________
No ... Air
avatar
onatee
مشرف
مشرف

عدد الرسائل : 501
الموقع : الخرطوم
تاريخ التسجيل : 27/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

هلا رانيا

مُساهمة  mohanad yasin في الثلاثاء ديسمبر 15 2009, 12:41

onatee كتب:والله يامهند الله يديك العافية كلامك في محلو بس حسي مابقدر استرسل في الكلام ( حلوة استرسل دي ) لاني عندي نزلة مطلعة عيني بعد ابقي كويسة برد عليك بمزااااج
شكرا" ع الموضوع الجميل ... والاراء الصادقة والعميقة
ياستي تسلمي انت انا ذاتي داير الروقه البتطلع الكلام دي ان شاء الله دائماً رايقه
وسلامتك من النزله البتعطل العين دي (ماسمعتا بيها الا عندك تاخدي بيها براءة اختراع)..
منتظرين رايك
avatar
mohanad yasin
عضو أساسي
عضو أساسي

عدد الرسائل : 166
العمر : 38
العمل/الترفيه : Drilling Fluids Engineer MI SWACO- algeria
تاريخ التسجيل : 18/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: عن العشق والهوي

مُساهمة  Obama في الأربعاء ديسمبر 16 2009, 15:21

والراجل بطبعه حسي بتاثر بالنظر والشم كتير
وضحي لينا اكتر في الحته دي يا رانيا...هسي دا نبز وشكر geek ..اي لانو البنات ديل زي الثعلب ..تتوقع منو اي حاجه lol!






الاسره في السويد..بتفتقد الرحمه..الليله المره غسلت العده..بكره الراجل يغسلا..الاسبوع دا المره فسّحت الكلب والبيبي .(الكلب عضو اصيل في الاسره) ..الاسبوع الجاي الدور علي الراجل..ركبو البص..اي زول يدفع تذكرتو لوحدو...نهايه الاسبوع اي زول يشوف برنامجو براهو عشان زهجو من بعض
(ماف اي موده ولا رحمه)

avatar
Obama
مشرف
مشرف

عدد الرسائل : 547
الموقع : Linkoping
العمل/الترفيه : Engineer
تاريخ التسجيل : 02/11/2008

معاينة صفحة البيانات الشخصي للعضو https://sites.google.com/a/student.liu.se/ahmedonline/

الرجوع الى أعلى الصفحة اذهب الى الأسفل

متابعة الردود عن العشق والهوي

مُساهمة  mohanad yasin في الأربعاء ديسمبر 16 2009, 16:36

Obama كتب:
والراجل بطبعه حسي بتاثر بالنظر والشم كتير
وضحي لينا اكتر في الحته دي يا رانيا...هسي دا نبز وشكر ..اي لانو البنات ديل زي الثعلب ..تتوقع منو اي حاجه






الاسره في السويد..بتفتقد الرحمه..الليله المره غسلت العده..بكره الراجل يغسلا..الاسبوع دا المره فسّحت الكلب والبيبي .(الكلب عضو اصيل في الاسره) ..الاسبوع الجاي الدور علي الراجل..ركبو البص..اي زول يدفع تذكرتو لوحدو...نهايه الاسبوع اي زول يشوف برنامجو براهو عشان زهجو من بعض
(ماف اي موده ولا رحمه)

والله يا اوباما الحمد لله اننا مسلمين وتاني سودانين بالجد اتخيل انت مصري ولا سويدي الاثنين كلو واحد صعب بس بي طريقه مختلفه امشي وانت رافع راسك لانو اتربيت علي قيم هم مهما يتقدموا فاقدنها ................ شكراً
اما عن رانيه براها بترد انا مادخلني
avatar
mohanad yasin
عضو أساسي
عضو أساسي

عدد الرسائل : 166
العمر : 38
العمل/الترفيه : Drilling Fluids Engineer MI SWACO- algeria
تاريخ التسجيل : 18/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: عن العشق والهوي

مُساهمة  بشير كمبال في الجمعة ديسمبر 18 2009, 16:10

برعي كتب:

بي مناسبة البرد وفصل الشتاء..طبعا أنا لمن كنت في ايطاليا............عارفين الباقي!!! مش كدا يابشير

هههههههه انا عارف , والماعارف يشوف صفحة برعي ع الفيس بوك .. الغريبه كان في نص رمضان ! دا كلام يابرعي !!
avatar
بشير كمبال
مدير الموقع
مدير الموقع

عدد الرسائل : 699
العمل/الترفيه : Chemical Engineer / Petro Energy-E&P Co. Ltd
تاريخ التسجيل : 18/10/2008

معاينة صفحة البيانات الشخصي للعضو http://shabab-techno.forumotion.com

الرجوع الى أعلى الصفحة اذهب الى الأسفل

رد: عن العشق والهوي

مُساهمة  رانيا عوض في السبت ديسمبر 19 2009, 07:43

[quote="Obama"]
والراجل بطبعه حسي بتاثر بالنظر والشم كتير
وضحي لينا اكتر في الحته دي يا رانيا...هسي دا نبز وشكر geek ..اي لانو البنات ديل زي الثعلب ..تتوقع منو اي حاجه lol!

ههههه...شوفت يا اوباما الكيبورد بتاعك قال الصدق (تتوقع منو ) ما قال (تتوقع منها )
معليش مهند و اوباما لاني اتاخرت في الرد
يعني الراجل بتاثر بالشكل اكثر من الكلام يعني الوحدة تكون نظيفة و مهندمة و ما شرط زي ما قلت يا مهند
تكون قاشرة و ممكيجة المهم ما تكون منكشة ....اما المرأة الواحد لو مبهدل وحالته صعبة وقال ليها كلام حلو بتشوفه نجم سينمائي....والكلام دا نسبي طبعا
avatar
رانيا عوض
عضو أساسي** حائز علي وسام تــكــنو الفضي
عضو أساسي** حائز علي وسام تــكــنو الفضي

عدد الرسائل : 356
تاريخ التسجيل : 27/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

متابعة الردود عن العشق والهوي

مُساهمة  mohanad yasin في السبت ديسمبر 19 2009, 14:51

[quote="رانيا عوض"]
Obama كتب:
والراجل بطبعه حسي بتاثر بالنظر والشم كتير
وضحي لينا اكتر في الحته دي يا رانيا...هسي دا نبز وشكر geek ..اي لانو البنات ديل زي الثعلب ..تتوقع منو اي حاجه lol!

ههههه...شوفت يا اوباما الكيبورد بتاعك قال الصدق (تتوقع منو ) ما قال (تتوقع منها )
معليش مهند و اوباما لاني اتاخرت في الرد
يعني الراجل بتاثر بالشكل اكثر من الكلام يعني الوحدة تكون نظيفة و مهندمة و ما شرط زي ما قلت يا مهند
تكون قاشرة و ممكيجة المهم ما تكون منكشة ....اما المرأة الواحد لو مبهدل وحالته صعبة وقال ليها كلام حلو بتشوفه نجم سينمائي....والكلام دا نسبي طبعا
[right]والله يا ابوباما رانيا دي مالك معاها انا ماعارف بس انا ما دخلي كله واحد بي طريقته.

لكن انا متفق معاك وحتي انا ما داير الجمال المصتنع والله اجمل من العفويه مافي انا احتمال فشلت في ايصال المعني ده لكن قصدي انها تكون انيقه وتمتلك بسمحه ساحره وايمات جميله وبتعرف تتحكم في تعابير وجهها يعني بس كنترول ما اكتر من كده نحن اصلاً دواخلنا جميله بس نخلق المناخ جوه البيت انا ماقاصد الرجال او النساء لا قاصد الاثنين معاً.
في موضوع مهم بجيكم راجع ليه قريب ان شاء الله
avatar
mohanad yasin
عضو أساسي
عضو أساسي

عدد الرسائل : 166
العمر : 38
العمل/الترفيه : Drilling Fluids Engineer MI SWACO- algeria
تاريخ التسجيل : 18/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: عن العشق والهوي

مُساهمة  SHAHINAZ في الأحد ديسمبر 20 2009, 11:33

والله يا مهند اكان شوفت انا مندهشـــــــــــة قدر شنو من الكلام الاانت بتقول فيهو دي ما بتصدق
لدرجة اني ما قدرت اقرا باقي التعليقات
Shocked Shocked Shocked
شنو النظريات الرهيبة يا ربي دي من العرس ولااااااااااااااااااااااااا
scratch scratch scratch

كدي النسالك سؤال المدام قاعدت تخشي المنتدي ولا ما جايبة خبر

علي كل حال والله انا مبسوطة انك امليت ثقافة لحدي ما الباقي دفق وجانا
وزيدنا من دلك شوية
CLAB CLAB CLAB
avatar
SHAHINAZ
عضو أساسي** حائز علي وسام تــكــنو الفضي
عضو أساسي** حائز علي وسام تــكــنو الفضي

عدد الرسائل : 309
الموقع : BAHRY
العمل/الترفيه : ENGENEER
تاريخ التسجيل : 13/01/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

متابعة الردود عن العشق والهوي

مُساهمة  mohanad yasin في الأحد ديسمبر 20 2009, 12:22

SHAHINAZ كتب:والله يا مهند اكان شوفت انا مندهشـــــــــــة قدر شنو من الكلام الاانت بتقول فيهو دي ما بتصدق
لدرجة اني ما قدرت اقرا باقي التعليقات
Shocked Shocked Shocked
شنو النظريات الرهيبة يا ربي دي من العرس ولااااااااااااااااااااااااا
scratch scratch scratch

كدي النسالك سؤال المدام قاعدت تخشي المنتدي ولا ما جايبة خبر

علي كل حال والله انا مبسوطة انك امليت ثقافة لحدي ما الباقي دفق وجانا
وزيدنا من دلك شوية
CLAB CLAB CLAB
والله يا شهيناز بتديني احساس اني كنت متوحش في الجامعه احتمال بس انا من النوع الما بقدر يعبر مباشره ما عارف والله لكن شكراً ياستي
بعدين المدام والله ماقاعده تدخل لكن وعد لما ارجع اخليها تشترك معانا واخليها تشوف كل البوستات دي
وتسلمي والله يا شوشو وان شاء الله يكون البوست ده عنده شنه ورنه لما تشرفنا ام احمد اتصلت وطبعاً ما شاء الله رزقت بي ولد الايام المضت لكن قريب حتكون معانا
ولسه الحلو ما كمل
avatar
mohanad yasin
عضو أساسي
عضو أساسي

عدد الرسائل : 166
العمر : 38
العمل/الترفيه : Drilling Fluids Engineer MI SWACO- algeria
تاريخ التسجيل : 18/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: عن العشق والهوي

مُساهمة  onatee في الإثنين ديسمبر 21 2009, 12:54

سلااااااااااااااااام جيتك يامهند ،،،
انا ماعندي حاجة بس بأيد كلامك والله مرات الراجل بكون مظلوم ومرات المرة بتكون مظلومة (انا بقصد بالذااااات في الاهتمام بالمظر الخارجي )
مرةوانا صاحية الصبااااح بعمل في شاي فتحت شباك المطبخ لقيت في البلكونة القصادنا مرة يادوووبها صاحية من النوم والله لايوريك نكشه الف الشمس المشرقة عديييييييييل وقلت لاحول ولاقوة الاباللة دي راجلها يعاين ليها كيف بعد شوية جاء الراجل زاااااااتو وعينك ماتشوف الا النور والله اخير المرة ونظام بودعو في عيالهم وهم ماشين للترحيل بتاع المدرسة قررررربت اكورك فيهم خشوا جوا انتو الاتنين عكرتو مزاجي من الصباح ...انعل ابو العرس البخلي الناس مبهدلة كدا ...
انتو عارف يامهند البخلي الاتنين يهتمو باي حاجة كان مظهر ولا تعامل ولاايي حاجة تخلي الطرف التاني سعيد انهم يكونو بحبو بعض وبيقدرو بعض + شوية اهتمام من كل طرف بروحو عشان يسعد التاني ...يسعد نظرو وروحو وكل حاجة .

_________________
No ... Air
avatar
onatee
مشرف
مشرف

عدد الرسائل : 501
الموقع : الخرطوم
تاريخ التسجيل : 27/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: عن العشق والهوي

مُساهمة  رانيا عوض في الإثنين ديسمبر 21 2009, 15:43

نكشه الف الشمس المشرقة عديييييييييل وقلت لاحول ولاقوة الاباللة دي راجلها يعاين ليها كيف بعد شوية جاء الراجل زاااااااتو وعينك ماتشوف الا النور والله اخير المرة ونظام بودعو في عيالهم وهم ماشين للترحيل بتاع المدرسة قررررربت اكورك فيهم خشوا جوا انتو الاتنين عكرتو مزاجي من الصباح ...انعل ابو العرس البخلي الناس مبهدلة كدا ...

HAAA HAAA HAAA HAAA HAAA HAAA HAAA
بالغت في الشمس المشرقة دي طبعا كل ما اتخيل المنظر بضحك
avatar
رانيا عوض
عضو أساسي** حائز علي وسام تــكــنو الفضي
عضو أساسي** حائز علي وسام تــكــنو الفضي

عدد الرسائل : 356
تاريخ التسجيل : 27/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

متابعة الردود عن العشق والهوي

مُساهمة  mohanad yasin في الثلاثاء ديسمبر 22 2009, 21:30

[right] اخيراً رنويه اتكلمتي
ياستي انت ضربتي علي الوتر الحساس لكن الشي الخطير المفروض نحن نعرفه يا ستي مش لازم يكون في حب لا ما شرط
يا ستي كتير من الزيجات الناجحه ما شرط الطرفين يكونوا عاشوا قصه غراميه ذي عاصي وامير لا يا ستي ممكن الحب يتواجد في وقت قصير وممكن يكون جنبك و انت ما منتبهه ليه كدي لفي حوليك. HAAA بعدين الرجال مختلفين كل واحد بعبر بي طريقه مختلفه. غير اني متاكد برضو في زيجات بتم ذي ما قلت لكن بتفشل وده كله وارد.
عــــــــــــــــــــــــــــــــــــــــــــارفه وين بيت القصيد مش تحبوا بعض لانو مافي واحد عبيط بعرس لي فتاة عشان ماتبور او اسباب تانيه والشريحه دي من الناس مافارقه معاها حب ولا عدمه. نرجع ونقول فرضاً كل اثنين بحبوا بعض اتزوجو ممكن يصلوا لي مرحلة الشمس المشرقه والبشتنه دي كيف اكيد ممكن يصلوا وممكن الحياة تبقي بينهم اداء واجب لا غير طيب كيف انت انستي تتفادي الوضع ده.
نرجع لي اجابة السؤال الاول قبيل. اهم شي في العلاقه الزوجيه الاهتمام والقدره علي خلق تجديد مستمر متجدد طول العمر.
وصدقيني انستي المراءة ليها في النقطه دي نصيب الاسد انت بايدك تخلقي من الفسيخ شربات وتعملي حياه جميله في بيتك تخلي زوجك من باب المكتب داير يطير يصلك
والنصائح التي ذكرتها في الاول مهمه جداً تحترمي زوجك وتقدريه وتحترمي اهله ولا مهما حصل بينكم ما تتكلمي معاه عنهم بي سوء والله ده صعب لكن ممكن حبة دبلوماسية في التعامل وخلاص بعدين نحن كسالا ما اكتر ممكن كان جارتك تقوم قبل باص المدرسة تغير شويه في شكلها وصدقيني الزوجه لما تكون مهتمه الراجل بكون محرج جداً فا كيف الحلل الا انه يهتمه بي روحه شويه لكن شكلها جارتك ما شغاله بي القصه بالتالي هو ضارب طناش.
الزواج يا ساده ما امتلاك للطرف الاخر ولا ضمان ولاء الطرف الاخر ولا حتي الحلل الوحيد لاشباع الشهوه الجنسيه عذراً لكن الزواج في الاسلام هو السبيل الشرعي لتكوين اسره لكن لحظه نتكلم بي استفاضه شويه اوكي بقينا اسره. اولاً الحمد لله اننا مسلمين لان الاسلام هذب العلاقه بين الناس واداها الطابع الشرعي.
انا ما داير اتكلم من منطلق ديني لا والله لكن من وحي التجارب الانسانيه او فهمي الشخصي الضعيف بالجد يا شباب وبالواضح الصريح البعرس ليه وحده عشان بيضاء وشعرها طويل و و و و و و و و و و عارفين كلنا التفاصيل اكيد واللسته دي, بكون للاسف وقع في شر اعماله ما شرط ده كله
في مثلين الاول بقول ليك اتزوج البتضحكك اكترو التي لما تجلس معاها ما بتشعر بالملل. اوكي ده صحيح بس في حاجات تانيه مهمه
المثل الثاني بقول اتزوج التي لا تمل من الاصغاء اليك لانك لما تكون كبير في السن الشي الوحيد البتكون داير تلقاه حد يسمع ليك وده اكيد اكبر دليل مرات كتيره بتحس الناس الكبار ديل بره الشبكه ولا ماعندهم موضوع للاختلاف بين الاجيال وطريقة التفكير.
المهم انو المثلين مهمين في اخيار الزوجه لكن والله بالجد اهم شي انك ماتشعر بالملل والرتابه ولا حياتك بتفشل بتتدور علي السعاده بره البيت وقد تغضب ربك وتنافي دينك.
المهم ياسادة اننا نكون حلوين مع بعض نركز علي الاهتمام بي حوايج الطرف الاخر مس بس ناخد ونجيب اولاد ونقول لا العيال بمسكوه صاح والله بمسكو لكن هو بكون قاعد عشان عياله وانت مجرد ديكور مكمل لي البيت او الشقه وانا لو بت ما برضي بالوضع ده.
فنركز مع بعض ونهتم بي حاجات الثاني ذي ماهو كان بهتم بيك ايام الخطوبه وبرضيك ارضيه ودلعيه شويه والله بالجد اي واحد مننا نحن الرجال ديل من الداخل طفل صغير وداير يشعر بالتميز في التعامل مش ذي باقي الناس حتي قدام الناس تعالي جيبي ليه شي خاص مع انك ما تكوني قصرتي مع الناس كلها لكن هو مميز ده بخليه طاير بيك السماء بعدين الاهتمام بالشكل وبالاكل ماتبقي بعد سنه ولا اثنين ذي الترله لا خليك رشيقه ومارسي المشي المهم يكون قوامك ممشوق. نحنا الواحد يزوج ليه واحده ذي القمر بعد سنه تبقي مراءة وكرشها قدامه ومبرجله وشها كله دهن ياستي خليك عسل طوالي خليه يغير عليك طول عمره وانت عمرك اربعين كوني طلقه والله يكون ليك خاتم ذي ماناس بمشوا لي الفقره وكده.
والله انت الفقير وانت الكل في الكل
انــــــــــــــــــــــــــــــــــــــــــــــــــــــــــا اسف لو بحمل المراءة قوف طاقتها لكن منها واليها بتكون الحياة اما كقصص الرومانسية ديك واما نكد وزهج والواحد مايصدق مشت بيت اهله يوم الخميس وينوم بدون نقه.

شكراً رانيه ورانيه انا داير ارد علي راجل ولا رايكم شنو
انا ما حكون فاضي طوالي يلا اتحركوا شويه بدت المشاكل في البئر من الصباح ربنا يستر وانا لما ارجع باخد لي غطسه في البطاطس ولا رايك شنو يابشير
avatar
mohanad yasin
عضو أساسي
عضو أساسي

عدد الرسائل : 166
العمر : 38
العمل/الترفيه : Drilling Fluids Engineer MI SWACO- algeria
تاريخ التسجيل : 18/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: عن العشق والهوي

مُساهمة  SHAHINAZ في الأحد ديسمبر 27 2009, 12:32

سلام وكيف الحال
شنو يا سيد مهند ما قلنا الجزء التاني نصائح لصديقنا الرجل
ولا ادروب وووووووووووووووولووووووووووووووووووف
avatar
SHAHINAZ
عضو أساسي** حائز علي وسام تــكــنو الفضي
عضو أساسي** حائز علي وسام تــكــنو الفضي

عدد الرسائل : 309
الموقع : BAHRY
العمل/الترفيه : ENGENEER
تاريخ التسجيل : 13/01/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

متابعة الردود عن العشق والهوي

مُساهمة  mohanad yasin في الأحد ديسمبر 27 2009, 12:56

SHAHINAZ كتب:سلام وكيف الحال
شنو يا سيد مهند ما قلنا الجزء التاني نصائح لصديقنا الرجل
ولا ادروب وووووووووووووووولووووووووووووووووووف

عارف والله يا شوشو كترتها عليكم لكن اعمل شنو انا كرجل متاكد من مقدرة المراءه لانها تخلق جو جميل ودافي داخل بيتها اكتر من الراجل بعدين انا كراجل بعترف بي دورك في القياده والرجاله تطير خلينا منها.
لكن مع ذلك ما عارفاقول ليه شنو ولا ابدي ليه من وين الرجل ده كله مفلق وداير صيانه شديده لكن قريب والله باذن الله.
avatar
mohanad yasin
عضو أساسي
عضو أساسي

عدد الرسائل : 166
العمر : 38
العمل/الترفيه : Drilling Fluids Engineer MI SWACO- algeria
تاريخ التسجيل : 18/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

صفحة 1 من اصل 2 1, 2  الصفحة التالية

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى