ساااااخر سبيل

اذهب الى الأسفل

ساااااخر سبيل

مُساهمة  abogola في الثلاثاء يناير 20 2009, 17:46

ساخر سبيل
دال منال!


كان عم (أيوب) يعمل (عتالا) بسوق التوابل بالمدينة يقوم بإنزال حمولات الجوالات المليئة بالشطة والكمون والفلفل والتوم والكسبرة وبقية التوابل من اللوارى إلى داخل مخازن التجار، بعد سنوات قضاها فى هذا العمل الشاق أصيب عم (أيوب) بضيق فى التنفس إثر إلتهاب فى الشعب الهوائية جراء حساسية اصيب بها من تواجده الدائم بين روائح التوابل النفاذة فى تلك المخازن الرطبة ذات التهوئة الرديئة، فى أول زيارة له لتلك المستشفى الحكومية قبل سنوات طويلة تم تشخيص الحالة بأنها حالة (أزمة شعبية) وبدأ فى التردد على ذلك المستشفى لأخذ العلاج حتى بات معروفا لدى الجميع مما جعل الأطباء بالمستشفى والذين يعملون كأساتذة بكلية الطب بجامعة تلك المدينة يستعينون به (كحالة) عند إمتحان الطلاب حيث يطلب منهم الكشف عليه وتشخيص حالته ومن ثم وصف العلاج المناسب له.

دخلت (منال).. الطالبة في السنة النهائية في كلية الطب ومعها استاذها الإختصاصي إلى عنبر الباطنية الذي كان قبل يومين مكتظا بالمرضى وتم تفريغه إستعدادا للإمتحان النهائي.. كلها شهر وينتهي الإمتحان وتظهر النتيجة وتصير (منال) دكتورة (منال).

تم تجهيز العنبر بالحالات المرضية المزمنة.. المرضى يتم استدعاؤهم بدعاوى المتابعة الدقيقة وإجراء الفحوصات اللازمة.. وبين المتابعة والفحوصات يمتحن عليهم الطلاب كأجندة خفية لإدارة المستشفى..

- وقف د. حسين امام (عم أيوب) ثم التفت إلى (منال) قائلا: شوفي المريض دا اخدي الهيستريHistory) ) التاريخ المرضي) منو واعملي التشخيص المبدئي.. ووريني ح تطلبي ياتو فحوصات.. والعلاجات المناسبة شنو.. ثم خرج د. حسين الإختصاصي والأستاذ بالكلية.. إلتفتت (منال) لعم (أيوب) وهى تضع السماعات على أذنيها:

- إزيك ياعمو..

- اهلن يابتي..

- ياعمو اها وريني.. بتشكي من شنو بالضبط كده؟

- شحتفت روح ووجع أضان ساااكت..

- كيف يا عمو.. إنت في عنبر الباطنية.. يعني لازم يكون عندك حاجة متعلقة بالبطن.. او السدرية..

- قلت ليكي.. بس اضاني..

- عليك الله ياعمو ورينى عندك شنو؟ انا والله كدا ح اسقط في الإمتحان.. وبابا وماما ح يزعلو شديد شديد..

- بابا وماما وين ..؟

- برة.. مغتربين وكده..

- وبيقروكى على حسابهم؟

- ايوة ياعمو..

- بتدفعي كم ..؟

- سبعة آلاف دولار.. ياعمو..

- تدفعو ليكم سبعة آلاف دولار وتشيلو منى (الهيسترى) بتاعى مجانن! أنا مما مرضت الأدوية انا بشتريها بقروشي.. والمستشفى لمن برقد.. بدفع.. والكشف.. بدفع.. والفحوصات.. بدفع.. طالع بدفع ونازل بدفع.. ولما ينادونا عشان يمتحنوكم فينا.. يقولو لينا.. تعالوا للمراجعة.. وهم مبيتين النيَة يمتحنوكم فينا.. ملح سـااااااااااكت.. أها أنا هسة غير اضاني ما في شئ بيوجعني..

لم يفت على (منال)بأن عم (أيوب) عاوز ليهو حاجة فقامت بفتح شنطتها الجلدية الأنيقة ثم اخرجت منها ورقة مالية معتبرة ودستها في يد عم (أيوب).. قائلة: معليش يا عمو تساعدك في شراء الأدوية.. وهنا إستعدل (عمو):

- الحمد لله.. وجع الأضان راح . اكتبي.. وبدأ عم (أيوب) يسرد في التاريخ المرضي لحالته.. بصورة سلسة تتخللها كثير من المصطلحات الطبية.. واسماء الأدوية المختلفة التي حفظها عن ظهر قلب من من كثرة تردادها امامه كحالة مرضية يمتحن عليها الطلاب.. ولم ينس أن يخبرها بأن التشخيص هو حالة (ازمة شُعبيًة)..

- اكتبي.. اكتبي.. يا بتي.. بتلقي ويزنق wheezing) ) لما تختي السماعة هنا في الجيست (chest)واشار إلى اسفل صدره.. وفي العلاجات زمان كان بيدوني اماينوفيللين في (100) سي سي درب جلكوز خمسة في المية مع الماء.. لكن بقى ما بنفع معاي.. اسع باخد.. فنتولين.. ولو سألوكي من إسمو العلمي.. قولي سالبوتامول.. اصلو د. حسين بيحب يسأل السؤال دا كتير.. وبعدين في حالات الإيميرجنسي Emergency) ) بيدوني هايدروكورتيزون بالوريد.. وبعدو بستمر في حبوب بريدنيزولون (5) ملغم .. يبدأ بجرعة عالية وبيخفضوهو تدريجيا.. و(منال) تكتب.. وتكتب..

جاء د. حسين .. وبدأت (منال) تقرأ ما كتبته.. وتقرأ.. ثم بدأ د. حسين فى طرح الأسئلة عليها:

- أها حالة المريض دى شخصتيها شنو؟

- ممتاز.. عظيم.. إكسلنت..

- والفنتولين إسمو العلمي شنو؟

- ممتاز.. عظيم.. إكسلنت..

- وفى الإيميرجنسى تديهو شنو؟

- ممتاز .. عظيم .. إكسلنت..

كسرة :

تخرجت (منال) وأصبح يسبق إسمها حرف (الدال)! .. هسة لو واحد قالو ليهو الفضل لعم ايوب (العتال) بيصدق؟
avatar
abogola
عضو أساسي** حائز علي وسام تــكــنو الفضي
عضو أساسي** حائز علي وسام تــكــنو الفضي

عدد الرسائل : 263
الموقع : الخرطوم .com
العمل/الترفيه : Tech _ Sports
تاريخ التسجيل : 25/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ساااااخر سبيل

مُساهمة  بشير كمبال في الثلاثاء يناير 20 2009, 21:04

هههههههههه HAAA HAAA HAAA هههههههههه KEDA KEDA
اول حاجه عودا حميدا ياابوجله وفقدناك والله .. لكن والله عم ايوب العتال ماقصر نهائي
avatar
بشير كمبال
مدير الموقع
مدير الموقع

عدد الرسائل : 699
العمل/الترفيه : Chemical Engineer / Petro Energy-E&P Co. Ltd
تاريخ التسجيل : 18/10/2008

معاينة صفحة البيانات الشخصي للعضو http://shabab-techno.niceboard.net

الرجوع الى أعلى الصفحة اذهب الى الأسفل

تسلم يا وارغو

مُساهمة  abogola في الثلاثاء يناير 20 2009, 21:39

تسلم يا عمو كمبال ومبروك لي جنكيز وخالد LOOVE
avatar
abogola
عضو أساسي** حائز علي وسام تــكــنو الفضي
عضو أساسي** حائز علي وسام تــكــنو الفضي

عدد الرسائل : 263
الموقع : الخرطوم .com
العمل/الترفيه : Tech _ Sports
تاريخ التسجيل : 25/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ساااااخر سبيل

مُساهمة  ام احمد في الثلاثاء يناير 20 2009, 22:42

ازيك يل ابو جله ليك مده ما بنت
والله الظاهر انهم كتار خريجين عمك ايوب لانو في تدهور في المستوى الطبي فظيييييييييييع

ام احمد
عضو أساسي
عضو أساسي

عدد الرسائل : 157
الموقع : البيت
العمل/الترفيه : رعاية زوجي وابنائى
تاريخ التسجيل : 03/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ساااااخر سبيل

مُساهمة  رانيا عوض في الأربعاء يناير 21 2009, 09:32

مرحبا
وين الاختفاء دا انشاءالله خير
على قولك يا ام احمد خريجين عمك ايوب كتتتتتتتتتتتتتتار
avatar
رانيا عوض
عضو أساسي** حائز علي وسام تــكــنو الفضي
عضو أساسي** حائز علي وسام تــكــنو الفضي

عدد الرسائل : 356
تاريخ التسجيل : 27/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

تسلمو كتير

مُساهمة  abogola في الأربعاء يناير 21 2009, 16:54

مشكورين كتير والله كما عهدناكم دوما" في الرد الشافي والكافي



با النسبه للغياب ظروف عمل وكدا يعني خير مظلة حبنا
avatar
abogola
عضو أساسي** حائز علي وسام تــكــنو الفضي
عضو أساسي** حائز علي وسام تــكــنو الفضي

عدد الرسائل : 263
الموقع : الخرطوم .com
العمل/الترفيه : Tech _ Sports
تاريخ التسجيل : 25/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ساااااخر سبيل

مُساهمة  بشير كمبال في الأربعاء يناير 21 2009, 18:30

abogola كتب:مشكورين كتير والله كما عهدناكم دوما" في الرد الشافي والكافي



با النسبه للغياب ظروف عمل وكدا يعني خير مظلة حبنا

ياااا أبوجله .. بطل حركات .. المنعتك من المنتدي ماظروف عمل ياخوي MAAMM .. الحقيقه هي ظروف عدم عمل ..
ظروف عدم العمل تعني :
1/ انت ماموجود في الحقل _ حيث النت متوفر HAHA
2/انت في اجازه وقاااعد في العركيين _حيث النت ماااافي_ CRAY7
3/ تعاني من ورغنه حاده استدعت منحك اذن عن العمل_ OHH
avatar
بشير كمبال
مدير الموقع
مدير الموقع

عدد الرسائل : 699
العمل/الترفيه : Chemical Engineer / Petro Energy-E&P Co. Ltd
تاريخ التسجيل : 18/10/2008

معاينة صفحة البيانات الشخصي للعضو http://shabab-techno.niceboard.net

الرجوع الى أعلى الصفحة اذهب الى الأسفل

رد: ساااااخر سبيل

مُساهمة  حكاية زمان في الثلاثاء يناير 27 2009, 21:07

اخي العزيز
جلال
اولا الف حمد لله على السلامة نورت المنتدى
واتمنى انك تاني ماتنقطع ...
تانيا
قصة جميلة جدا وعم ايوب الله يديهو العمر والعافية ماقصر ابدا
تسلم على الموضوع الحلو
في حفظ الله
avatar
حكاية زمان
عضو أساسي** حائز علي وسام تــكــنـــو الذهبي
عضو أساسي** حائز علي وسام تــكــنـــو الذهبي

عدد الرسائل : 417
العمر : 35
تاريخ التسجيل : 02/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

كمبال كمبال كمبال هووووووووووووووووووي

مُساهمة  abogola في الثلاثاء يناير 27 2009, 21:37

DRIVE والله يا وارغابي بتحب الشمار دي من صفات الوصيفاب

بعدين انت من زمن النت في العركين مافي حيث يوجد
كنار بكثرة والابتوبات عيييييييييييييييييييييييييييك غنم بس
يعني متوفر بكثر لكن انا في الحقيقة مشيت اجيب خليها
خليها اكان قلتها بكرة بتجيني في هجليج (سنجة.....)

ط ....... والله حرقتني شديد بس برسلها ليك وانا في
الأزهري حيث النت با القروووووووووووووووووووش

وانا حاليا" قاعد اغني بقول كل زول بي زوجة بتاعوالا
انا ما عندي مرا. ودايرني ادخل نت

جت قققال شنو يا حمدان اخوي قققققققققققققققققققال ليك

ههههههههههههههههاك النت دا يا كمممممممممممبااااال
avatar
abogola
عضو أساسي** حائز علي وسام تــكــنو الفضي
عضو أساسي** حائز علي وسام تــكــنو الفضي

عدد الرسائل : 263
الموقع : الخرطوم .com
العمل/الترفيه : Tech _ Sports
تاريخ التسجيل : 25/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى