1 مـــــــــــــــــن 3

- لو فزت باللوترى ومفروض تمشى تشتغل فى أمريكا تعمل ايه؟
1- توافق وإنت طائر من الفرح
2- ترفض وتقول (أمريكا قد دنا عذابها)
3- إنتو جيبو ليا اللوترى وبعدين أنا ح أوريكم !
تفتكر الحكومة عملت أيه فى موضوع المحالين للصالح العام ؟
1- عملت لحمة بالفرن
2- عملت عمايل
3- عملت نائمة
- لو جاتك فرصة تجاهد ضد إسرائيل :
1- ح تجاهد مع حماس
2- ح تجاهد مع فتح
3- كدى خليهم لما يتفقوا أول
- الحزب الح يفوز فى الإنتخابات الجاية هو :
1- حزب المؤتمر الوطنى
2- حزب المؤتمر الوطنى
3- حزب المؤتمر الوطنى
- الحكومة تعمل مع (الحركة الشريكة) من منطلق :
1- شاورها وخالفا
2- خالفها وشاورا
3- خالفها وخالفها
- لن ينصلح حال (الكورة السودانية) ما دامت القروش البتنصرف عليها :
1- مجهولة المصدر
2- مجهولة المنبع
3- وإنت مالك حاسد وإلا بغران ؟
- المبلغ الطائل الذى تلقاهو (رئيس) أحد الأحزاب (الكانت معارضة) كان فى الحقيقة :
1- جبر ضرر
2- جبر كسر
3- كسر جبر
- لو كنت (خريج) ولقيت ليك عقد (راعى) بأحدى دول الخليج :
1- العقد وين وحياة أبوك
2- راعى بتاع شنو؟ إنت جنيت
3- ح أمشى بس ما تكلم زول
- ايه احتمال انك تكون (وزير) فى يوم من الأيام؟
1- صفر فى المية
2- زيرو فى الميه
3- مفيش أى إحتمال
- هل فى أى أمل نعيش فى (نغنغة) بعد ما صرنا دولة بترولية ؟
1- ما ظنيتو
2- يعنى أيه (نغنغة) ؟
3- يعنى أيه (امل)؟
- هل ح يجى يوم يبقى (التعليم) يبقى مجانن ؟
1- تعليم العروس ؟
2- تعليم السواقه؟
3- تقصد ياتو تعليم ؟
- إنت عارف إنو المعاش (الشهرى) بيساوى (سبعه كيلو لحمة)؟
1- ما عاش اليقول عليهو كده
2- لحمة ضأن؟
3- مش كويس إنو بيدوكم معاش
هل تصدق أن عائدات (المخدرات) تفوق عائدات (البترول) ؟
1- أكيد بدون (لف)
2- قطع (شم) - أقصد قطع شك
3- عائدات شنو؟ هو كمان (عليها) جمارك؟ !
- هل تعتقد أن (المظاهرات) و(المسيرات) سوف تحرر فلسطين ؟
1- مليون المية
2- مش بعيد على ربنا
3- ليه لا ... بالريموت
- تعتقد لماذا ترفض بعض الجهات الحكومية مراجعة حساباتها بواسطة ديوان المراجع العام :
1- بالله هو فى جهات بترفض؟
2- عملا بالقول المأثور ( خلوها مستورة) !
3- هو كمان فى حد بيحاسب الحكومة !
- المعارضة السودانية ينطبق عليها المثل :
1- إتلما التعيس على خايب الرجا
2- إتلما الفطيس على خايب الرجا
3- إتلما الهردبيس على خايب الرجا !
- ما هو الدليل فى نظرك على توحد (الجبهة الداخلية) ؟
1- الناس كووولها بتفطر فول
2- الناس كووولها (بتستلف) بعد يوم 5 فى الشهر
3- الناس كووولها بتشجع هلال- مريخ
- تتخيل الموظف الذى يبنى عمارة من ستة طوابق هو فى الأصل أيه؟ :
1- كان مغترب وموظف فى وكت واحد
2- أرزاق يا عم ... أرزاق
3- حرامى وإبن ستين الف حرامى
- تفتكر لماذا تقطع الكهرباء فى فصل الشتاء ؟
1- عشان الناس ما محتاجه ليها
2- عشان الجماعه بيستعدو لفصل الصيف
3- أيه الاسئلة البايخة دى؟
- تعتقد لماذا توقفت مشاريع (الزواج الجماعى)؟
1- لأنو الناس كووولها عرست
2- لأنو (الحكومة) ما قادرة على (الشيلة)
3- لأنو العزوبية أرحم
- هل ممكن يجى يوم ناكل مما نزرع؟
1- مش ح يجى خالص
2- ومش ممكن ليه؟
3- يعنى أيه ناكل ؟
- فى رأيك كم تكلف عملية إستئصال الزائدة الدودية بمستشفى حكومى؟
1- حوالى 750 جنيه !
2- الشاش والحقن منهم ولا منى؟
3- بالقديم ولا بالجديد؟

* مقال منقول للكاتب القدير الفاتح جبرا صحيفة الراي العام .... و بصراحه عجبني شديد .

تسلمي يا رنوية على الموضوع الجميل.....
الاستاذ الكاتب الفاتح يوسف جبرا من افضل الكتاب
شخصية ساخرا وفاهمة وواعية وخيالى واااااااسع جدا
انا بحب كتاباتو جدا ودايما بقرى ليه....
تحية ليه

تفتكر الحكومة عملت أيه فى موضوع المحالين للصالح العام ؟
كل الاجابات صحيحه
- الحزب الح يفوز فى الإنتخابات الجاية هو :
كل الاجابات صحيحه
- لن ينصلح حال (الكورة السودانية) ما دامت القروش البتنصرف عليها :
- وإنت مالك حاسد وإلا بغران ؟
- لو كنت (خريج) ولقيت ليك عقد (راعى) بأحدى دول الخليج :
1- العقد وين وحياة أبوك
هل تصدق أن عائدات (المخدرات) تفوق عائدات (البترول) ؟
- عائدات شنو؟ هو كمان (عليها) جمارك؟
ياخي جبره دا استاذ عديييييل كدا.......